قاطو **الــــــدلاع ** رووووعة للأطفال

[ladymillion]

جيت وجبتلكم اليوم قاطو الدلاعات هههههه للأطفال يحبوه بزاف وسهل التحضير وممتع في التحضير ولازم تخليو الاطفال يساعدوكم فيه حتى ويديرو الفوضى شوي لكن لاباس هكاك يفرحو ويحبو تحضير الحلويات انا عاونوني أولاد أختي ودارولللللي فوضى ههههه لكن لا بأس ، اليكم المقادير والطريقة



المقادير :
- نواد كوكو
- ملون غذائي أخضر
- قطرات ماء
- ((في فنجان نبل الملون بقطرات ماء ولوني النواد كوكو مليح وحطي في الروبو يترحى لازم يكون مرحي يكون لونو أخضر راااااائع وابسطيه في UN PLAT وخليه يشيح ))


بالنسبة لمقادير العجينة :
- 250غ مارغارين بحرارة الغرفة
- 250غ سكر ناعم
- 2 صفار بيض (( الابيض نخليوه من بعد ))
- 500غ فرينة
- م ص فاني
- 1 باكي خميرة الحلوى
-1 م ك ZESTE DE CITRON
- رشة ملح
- 1 م ك حليب
- ملون غذائي أحمر ( حوالي م ص )
- بيبيت الشوكولا





الطريقة :
خلطي المكونلت كامل كيما الصابلي عادي من بعد نخليو العجينة ترتاح 15د
ونفردها بالحلال ونطبعها دائرة ونقسم الدائرة على اثنين ونحطها في الصينية ونرشق بيبيت الشوكولا ونحطها طيب في 180° تكوني شعلتيه كي تبداي تطبعي ياش يكون سخون



كي يطيب خرجيه خليه يبرد وهاذاك بياض البيض ندهن بيه أطراف الحبة بالبانسو ومرمديها في النواد كوكو الاخضر



وهاو الــــــــــــــدلاع






تقبلو تحياتي ونتمنى نكون أفدتكم بموضوعي البسيط وتجربوه لان أولادكم راح يحبوه ولذيييييييييييذ