|| ^_^شرح التحويلا ت الجامعية بالتفصيل^_^ ||

[عيسى القطري]

بارك الله فيك أختي سطايفية على هده التوضيحات القيمة أسأل الله العظيم أن يجعلها في ميزان حسناتك
حبيت نوصي الجماعة لي قراو عام ولا عامين في جامعة وحابين يديروا تحويل خارجي لجامعة أخرى لازم يركزوا مليح في عملية التحويل باش ما توقعلهمش مشاكل من بعد

أنا قريت السنة الاولى في جامعة المسيلة ومن بعد درت تحويل لجامعة يوسف بن خدة في الجزائر بسبب تحويل الاقامة ، وقبلولي الدوسي نورمال وقريت السنة الثانية وكي طلعت للسنة الثالثة وفي نصف الموسم عيطولي في الادارة وقالولي نتا راك درت طرونسفير وكاين لي موديل قراوهم صحابك في السنة الاولى وما ماقريتهمش نتا في في المسيلة ولازم تقراهم وتجوز فيهم الامتحانات وعطاولي خمس موديلات، بصح أنا رفضت الامر وقلتلهم نتما لي غلطتوا ما علمتونيش في الاول وتحملو المسؤولية ، وبعدها قالولي ما نمدولكش الديبلوم كي تكمل وغير ما تكحلش على الماستر ، كي لقيتها هكدا، قلتلهم نقبل بصح بشرط في بلاصة الامتحانات نتاع لي موديل ندير البحوث ، والحمد لله جازت على خير ما زالي موديل واحد راني معاه

ونشاالله وا حد فيكم ما يعاني كيما عانيت أنا والسلام عليكم