نقاش حول منتديات الجلفة

[الدكتور مصطفى]

المشاركة الأصلية كتبت بواسطة غلام123

شوف خويا الدكتور

ان شاء الله وحسب فهامتي رايح نجاوب

وان شاء الله تفهمني

ونتمنا ردي ما يتحذفش


لانو هذه رؤيتي الخاصة للاحداث

منتدى الجلفة هذا

تقدر تقول عليه جزائر مصغرة (( اي بكل مؤسساتها ))

وكل ما ننتقده في الواقع كان الاجدر بنا انتقاده هنا

لكن للاسف لابوليس موسوسين هنا

يقبلو ان ننتقد الواقع وما ننتاقدوش المنتدى وما هو قائم عليه


وهو الحال في الواقع كون تطلع فوق منبر وتقول منتدى الجلفة فيه وفيه واحد ماراح يوقفلك فالطريق

لكن كون تبدا تحكي على الدولة والحكومة و الحقرة يجو ليك يرفدوك من داركم

شكون ؟؟؟ لابوليس تاع الواقع


طيب هذا جانب من الجوانب


نروحو لجانب اخر

مدير المنتدى الله غالب عليه هو لا يعلم بما يجري

حاله حال الرئيس وكل مسؤول عالي

مثلا رئيس الجمهورية كون انا يحكموني ويضربوني في مركز الشرطة مستحيل يسمع بيا

لانو اصلا حتى واذا حبيت انا نكبرها

يغموها الشرطة انفسهم حفاضا على مصالحهم وخبزته

نفس الحال للمنتدى

يصرا واش يصرا مع المشرفين

المدير يدولو غير التقريرات لي تهمو وتعجبو

في رايك رايح يقولولو رانا ظلمنا فلان ؟؟


وهذا جانب اخر


ونروحو الان لجانب ثالث

الشعب الجزائري ككل معروف بلي شعب داير دولة في راسو

يعني كل انسان يمثل دولة

تروح للخضار تلقاه ييتعامل مع الناس ليس بما تمليه عليه مديرية التجارة بل بما يخدم مصلحته

تروح للتاكسيور تلقا الطاريف 120 ويخدم كل الخطوط

لكن هو تقولو اديني للسونتر فيل يقولك ما نروحش واذا داك يديك ب 40 ميل

يعني كل واحجد يمشي بواش يخرج عليه

طبعا كاين لي عندو المعريفة ومتكي على كتاف صحاح

وكاين لي غنان

الي متكي على معارفو راه يمنع

ولي مغانيني ديما فالمشاكل

كي حالتي


المهم ومازال الحديث يطول ويطول وانا هذا وين جيت من كونطرول حاب نريح

شكرا على الموضوع

قال الفاروق عمر بن الخطاب ++++++ رحم الله امرىء أهدى إلي عيوبي++++++ جعل الله جهدك في شرح الوضع مشكورا مأجورا ....إدارة منتديات الجلفة لم تشأ الاعتبار من الأخطاء السابقة و هذا أمر غير مقبول فقبل تحقيق شيء مهم يتوجب علينا الاعتراف بالفجوات القلقة و إيجاد حلول لها فمن المستحيل أن نتغاضى عن هذه المرحلة .
الاعتراف بالخطأ لن ينتقص من شأن المرء ..تصور أن آدما و حواء ،حين انجرا و راء إبليس اعترفا بذنبهما قال تعالى **قالا ربنا ظلمنا أنفسنا و إن لم ترحمنا و تغفر لنا لنكونن من الخاسرين *** صدق الله العظيم .
يجب فتح فضاء كهذا بهدف معالجة السلبيات .........