كيكة الدوامة

[zineb 4am]

المقادير
2 ك دقيق
ك سكر
نص ك زيت
3 بيض
فانيليا + بيكنج بودر
2 م ك كاكاو خام
نصف ك الى ك الا ربع ماء او لبن ( حسب نوع الدقيق )


الطريقة **
** هنجيب البيض الاول مع الفانيليا و نضربه 3 دقايق م بعدين الزيت مع اللبن و نضرب تانى و بعدين
نحط السكر شوية بشوية يعنى على 3 مرات (و ده اول سر )هقولك ليه
لان ضرب السكر على كذا مرحلة بيساعد على ان السوائل بتنفش اكتر و بتدخل هواء ليها اكتر ده طبعا بيساعدفى ارتفاع الكيك

*** اما السر الغريب هو وضع البيكنج بودر فى الخلاط العادى مع السوائل مش مع الدقيق ...انا مكنتش مصدقة الحكاية دى غير لما جربتها و لقيتها فعلا فرقت فى ارتفاع الكيكة ...مش قولتلكو غريب

**بعد كده هنحط الخليط اللى فى الخلاط على الدقيق و تقلب فى اتجاه واحد من فوق لتحت لحد الدقيق مايمتزج مع الخليط كويس جدا

** و بعدين هنقسم العجينة بتاعت الكيك الى نصين ....نص سادة زى ما هو و النص التانى هنضيف ليه الكاكاو الخام و نقلب و ممكن نضيف معلقتين ميه عشان يتقلب كويس


**هنجيب الصنية ندهنها سمنة و دقيق و نجيب معلقتين فى كل نص و نبتدى نحط اول معلقة ساده فى نص الصنية و فوقيها معلقة تانية اللى بالكاكاو و هكذا لحد منخلص العجينة
















( على فكرة المعلقة الصغيرة هتديكى خطوط اكتر و دوامات اكتر ...لكن انا هنا استخدمت الكبشة عشان اخلص بسرعة لان الاستاذ مازن ابنى عمال يزن عليا يلا يا ماما عايز تيته ( يعنى كيكة )هههههه**حرف الكاف عنده فى الضياع

***و فى الاخر بقت بالشكل ده و جبت طرف السكينة و عملت بها الخطوط دى عشان تديها شكل احلى






***و دى بعد ما استوت



[/URL

و الصنية كلها لاول اخت ترد عليا و تقيم بس لو سمحتم هاخد الطبق ده بس لمازن
و يحيى ههههههههههه





اسيبكم فى رعاية الله مع السلاااااااااامة