نصـــائحكم من فضلكم لأصحاب الباكالوريا 2014

salam dolli · 2013-06-12, 17:13

اقتباس:

المشاركة الأصلية كتبت بواسطة kamel at

بارك الله فيك أختــي على الإجابة
و أشكرك على المبادرة الطيبة
ماذا عن مادة الفلسفة؟

السلام عليكم

لا شكر على واجب اخوتي

اسمحولي طولت عليكم هدي المدة

المهم مادة الفلسفة قصتها قصة عجيبة

اهم النصائح انكم تفهمو الدرس مع استاذكم مليح مليح لانها الفلسفة اولا تعتمد على الفهم حاولو تديرو كراس فيه انواع المقالات اقصد المنهجيات هناك المقارنة و الجدل و الاستقصاء بنوعيه الرفع و الوضع و منهجية تحليل نص حاولو انكم كل مرة تحررو مقالة لوحدكم تديروها في ورقة مزدوجة و تمدوها لاستاذكم يقيمهالكم و يشوف الاخطاء اكيد انتم رايحين تستفيدو منها و كل فرض و لا اختبار اسالو استاذكم المقالات المقترحة حاولو تحررو مقالات فيها باش تجيكم ساهلة في الاختبار و الفلسفة تعتمد على صياغة طرح المشكلة اولا لانها اذا كان طرح المشكلة صحيح اكيد العرض صحيح ان شاء الله حاولو تحفظو معظم المقولات المشهورة باش اذا جاتك مقالة ماكش حافظها ولا هاو يعود عندك المقولات تستعملها حاولو ما تخصصوش الوقت كامل لحفظ المقالات هذا خطا لازم تكونو فاهمين اولا و من بعد في اخر السنة اسالو الاستاذ على المقالات المقترحة و شوفو رواحكم بالاك تكون كاش مقالة ناقصة و لا ههههه و ان شاء الله كل خير يصير و نتمنالكم التوفيق من اعماق قلبي

تحياتي