غير مرتبطة ثم متزوجة بعدها مشاكل ثم مطلقة

[اسعى لرضى الله]

الزواج ساهل حنا اللي صعبناه

وباش ينجح الزواج لازم الراجل ينحي من روحو ساعات والمرا ثاني

الراجل تلقاه يحوس على مراة كاملة والمراة ثاني تحوس على راجل كامل

وتلقاهم على غلطة صغيرة تثور القيامة

يعني في رايي لا صرا مشكل يقعدو يتناقشو والراجل ينعت لمرتو بالتي هي احسن والمرا ثاني ترخف شويا وهكا يكملو حياتهم

وزيد كاينة حاجة حتى الوالدين يلعبو دور تلقاهم يدخلو في الصغيرة والكبيرة وبعض الامهات ربي يهديهم يحرشو بناتهم قول راح يروحو لحلبة المصارعة قليل وين تلقا والدين يهديو للخير ويردو لطريق الصحيح

ومعظم المشاكل يصراو بسبب تدخل الوالدين اما تاع الزوج ولا تاع الزوجة

نورمالمون زوجوهم يخليوهم يعومو بحرهم يحلو مشاكلهم وحدهم ياربي لا صرا مشكل كبيييييييييييييير خلاص ثم يدخلو

بصح هوما تلقاهم يدخلو في اي مشكل صغير اكيد راح تثور الفتنة

وكاين مشكل انا في رايي يكون في معظم الاحيان سبب في مشاكل وهو مكانش الصراحة بين الزوجين

تلقا الزوجة لا قصرت في شي مع زوجها ميصارحهاش وبالاك هي مفاقتش بلي قصرت وتلقاه يغلي وحدو ويطلع في الحسابات وحدو والعكس صحيح

ولازم كل طرف يخبر الطرف الاخر واش يحب واش يكره هكا