جديد الإدماج سيكون هذا الأسبوع

[moussaghemam]

المشاركة الأصلية كتبت بواسطة amir1919

بعد الاشاعة الخاصة بالادماج في شهر جوان ستلحق اختها الاشاعة في سبتمبر وبعدها جانفي وتليها مارس 2014 وتليها الانتخابات فتنتشر الاشاعة الكبرى ان كل مترشح يعدكم يا اصحاب العقود بالادماج او انه يتبرا من سياسة غيره وبعد ان ياتي الرئيس المنشود ان وفق في تسيير البلاد سيقضي على البطالة كما فعل الدي من قبله وسيجعل الجزائر نوارة فيها الطابي وين تهز عينك تلقى الخير ولخمير
اولا كانت عقود ما قبل التشغيل مجرد اسم فقط وبعدها عقود الادماج نهار سماوها عقود الادماج كامل فرحتو وانا معاكم طبعا غير نخدمو عام ولا عامين ويدمجونا لجماعة راها خدمت ست سنين ومبانش الحال جمناعة كبرو ولادهم مع عقد الادماج يعني راهم نتاج نتاع العقد
مزالنا نامنو بالغولة او مهمش مدايرينا في لحساب ونكونو اساس المعادلة نتاع السي الطيب لوح في المحافل الدولية الخاصة بالتشغيل بحيث نكون رقما مميزا في خطابه في خطابه نعتبر موظفين ولسنا بطالين وفي الواقع نحن لاشيء واسف على هده الكلمة اجل نحن لا شيء لاننا رضينا بما نحن عليه الان وشبعنا من الاشاعات وحكمنا التوسويس ولينا شهر يفوت ونقولو الشهر الجاي العام يفوت ونقولوة العام الجاي لويزة تصرح خيرة تصرح البادي يصرح قدور يصرح وكامل نامنوهم لخاطر نكدبو على رواحنا ونصبرو في رواحنا في الحقيقة عقود لادماج اكبر اكدوبة وفي نفس الوقت اكبر ماساة وكون كل واحد منا نعطيوه يهدر يجيبها من نهار بدات الكونترا وهو يبكي حتى اليوم ومزال ربي يفرج علبينا

صح انا مش راح نبقى نسنى في الاشاعات ادماجنا انجبوه بالقوة هذا مابقى
وكمثال على ذللك الحرس البلدي
مستخدمي التربية
قطاع الصحة
...........................
.................
كلهم جابو حقوقهم بالقوة و الاضراب
وحنا رانا في كل موسسة في كل ادارة
لوكان 5 من كل موسسسة ابلعوها في وقت واحد شوفوا كيفاه يسمعولنا
نحن متواجدين في كل مكان عدنا الرجال الي قادرين انجيبوا حقنا ذراع