01/06/2013يكرم المرء او يهان

[وردة حياتي]

السلام عليكم ياجماعة العقود
اليوم يبدا الشهر اللي كترت عليه الهدرة و الاشاعات وسمعنا عليه وعوووووود طويلة وعريضة واخبار الصحافة اللي هبلتنا و طمعتنا بصح يا ترى تصرا معجزة وندو حقنا في هذا الشهر ولا نستسلمو للحيط بعد 3 سنوات ذل واهانة
انا جيتكم اليوم باش نقولكم انو باذن الله هذا الشهر هو شهرنا و ان شاء الله يدخل علينا بالفرح و الخير وعلابالي بلي الجميع في هذا الشهر على اعصابو على هاذي درت هذا الموضوع باش نطلب منكم اللي يسمع كاش خبر في هذا الاطار تع الترسيم يخبرنا بيه في جميع القطاعات الصحة البلديات التعليم ......... يخبرنا واش الجديد عندهم
ونبدا انا عندنا راهم يقولو بلي جاو التعليمات ورح يكون الترسام قبل 15/06/2013 بصح راهم يقولو بلي مش للغاش كل يعني كاين عدد ويا بختو اللي طارتلو هكا رانا نسمعو و قالو بلي الاولوية للجامعيين و الله اعلم
ماتنساوش اللي سمع خبر يوصلهولنا و ربي يكون معانا ويفرج علينا هذا الهم و ينصرنا على الظالمين