شربة السمك و توابعها

[ام شرفو]

المقادير
سمك اي نوع انا اخترت السردين حوالي 250 غرام
غليت شوية ماء وصبيتو على السردين
خليتو 5 دقائق نحيت الماء (رايحة نستعملو من بعد) ونقيت السمك


حضرت الخضر
2 جزر
2 جريوات (قرعة)
2 طماطم
حبة بطاطا
بصلة
كرافص
زيت زيتون
ملح و توابل معكر -كمون-راس الحانوت- زنجبيل
قصيت الخضر الى قطع و قليتهم في الزيت مع الملح و التوابل و ماء السردين

بعد 10 دقائق زدت الماء حوالي 1 لتر و قفلت الكوكوت 20 دقيقة
خليتها يردت شوية و ارحيتها في الرحى اليدوية ( باه تتنحى القشور ومن بعد الميكسور




اهنا شفت المرقة خاثرة زدت لها كاس ماء كي غلات زدت السردين و 2 سنينات ثوم ورشة كمون خليتها 15 دقيقة على نار خفيفة وطفيت عليها
زدتلها عصرة قارص
اما التوابع هي الصوص la rouille


هذي طريقتي
2 سنينات ثوم +2مغارف مايونيز +مغرفة موتارد+ شوية هريسة و كاتش اب شوية زيت زيتون وخلطي يجيك اللون البرتقالي المميز
حطيها تبرد في الثلاجة



قصي الخبز وحمصيه
وهذا الفكرة شفتها في مطعم يحطو la rouille فوق الخبز ويحطو الخبز داخل لاسوب وياكلوه بالمغرف اما انا ناكلو يابس فوقو la rouille و ناكل لاصوص نورمال


شهية طيبة صدقوني راه بنين بزاف