الفصل لول نعرف غي جماعة قليلة من القسم، وكيما قالو ليمات لولين عقبو في الضحك والتمسخير. بعد مدة عرفت بلي قسمنا اسمط قسم عرفه التاريخ الا من رحم ربي من العناصر. جمــــــــــاعة شر من بنات وذر وأكثر حاجة نكرها يهدرو معايا غي على أساس القراي ومعلاباليش كلي ماعنديش اسم .
حوسو على المصلحة نتاعهوم وكون ما تمدهاش تولي مكش مليح،وانا عقليتي وديني يقولولي ما تغشش ، وكي عدت مانوريلهومش وليت مانيش مليح! يعنــــــــي انا نولي صاحبهم غير كي نمدلهم مصلحة وهاذي اكره حاجة عندي في الدنيا هاذي، ما نصاحب غي لي يشتيني بعقليتي ميش علاجال المصلحة. وزيد منفوق مدايرنها حاجة عادي ومستهوينها وانا نقلكم بلي لي يغش راهو يكذب على روحو يعني نقاطو مايستهاهمش. ما نقدر نفرح بنقطة غير كي تكون من عرقي وهاذي عقليتي.
و كانت كاينة جماعة ناشرة للاشاعات ربي يسترنا منهم. ماطلقو حتى واحد يقطعو في الناس. وجماعة نتاع الدخان والشمة والطوايشـ والهربة. والمشكل انو يعتبروني انسان آلي حاطيني ما نضحك ما نبكي، نقرا برك. وهاذي حاجة غالطة. وهاذو لحوايج خلاوني معزول عليهم غير من صحابي لقراب يعني صحابي نتا الصح.
ان شاء الله ما نطيحش مع جماعة كيما هك العام الجاي.
( تقرير عن مشاركة سيئة )، و الموجودة أسفل كل مشاركة .
2013-05-22, 20:04
العرض الشجري