الجزء الثـــــــــــامن ومن واش طيبتي اليوم تفضلوا

[إلهام07]

صباح الخير عليكم

أميرة تعجبيني كي تنقصي قباحة وتحطي راسك للكوزية ، شوفي ديري هاذوك الكويرات في يدك ومن بعد أنسايهم حاولي تكوري العجينة عادي كي دوري رايح يخرجو هاذوك الأمواج فهمتي ؟

أم إبراهيم ، تهبل التارت هاذيك شانتيي؟ باش طلعتيها حتى جات بني ؟ ممممم شهاتني يم يم

أم ماجد راني لقيت البارح ورق الزبدة وشريتو إذا راكي هنا قوليلي نوريلك الحانوت

أم أنس ، ماشاء الله كوزينة نظيفة ومنظمة وحطة كي مولاتها ، باينة كوزينة نتاع شاف مايهمش الكبر ، كون شفتي كوزينتي مالا واش تقولي ، راني حطيت الصور في الجزء الثاني لأنني أنا اللي دشنت الجزء الاول ( هو الصراحة أنا دشنت الأجزاء 3 الاولى بصح ضرك نقت دوددودو )

أم كوثر يا فنانة ، ماشاء اله شهاني كلشي بصراحة غير السلطة ماعندي حاجة فيها مممممممم هاذيك الشكشوكة أو حميس يم يم يهبل خاصة إذا كان حار وزيد التارت كأنها نتاع محلات ، والغريبية هاذيك نتاع من الوصفة راهو الذبان دار حالة في راسي