اللي حاكمة مصروف الدار تتفضل معانا

[بنت الجزاير الغالية]

المشاركة الأصلية كتبت بواسطة melissa lola

السلام أختي يعطيك الصحة على الموضوع الرائع من فضلك تعاونيني دخلنا 28000 دج معانديش اولاد او دين الحمد لله الكهرباء و الماء فقط في حدود 3000دج انا راجلي ماياكلش العجين خلاص شكرًا على المساعدة

الله يسلمك أختي و العفو رانا هنا كااااامل باش نفيدو و نستفيدو
قلت 2 ملاين و 800 ألف نقصي منها 300 ألف تاع التريسيتي و الماء و 500 ألف حطيها في ظرف وانسايها خلاص و كأنه المدخول فقط 2 ملاين
بما أنه راجلك ما ياكلش العجين خلاص راح تستغني عنه
تشري ب 500 ألف ريفيطايمة تاع الشهر كامل
بيدون زيت
2 طماطم
1 هريسة
1 خل
1زهر
1 ملح
4كغ سكر
2 قهوة
2لحظة
1كغ حمص
3 أريال
3 جافيل
3 أريال للقش
بلاطو بيض
مكنسة
منشفة
باكي جاكس لغسل الأواني
هذه القائمة اللي تشريها
يبقالك مليون و نص
تشري 3 دجاجات كل 10 أيام دجاجة
كيلو لحم مرحي تقسميه على 4 كل أسبوع تستعملي نص رطل في أكلة أو غرتان أو ماشابه
كيلو مرقاز تقسميه على 2
كيلو لحم عادي
2 كيلو حوت تقسميه على 3 كل 10 أيام تستعملي الثلث
كيلو دوارة
كيلو اسكالوب
يجوك حوالي 700 ألف
و 300 ألف إشري بيهم فورماج أنواع و الكاشير و الباتي باش تنوعيله الأكلات الخفيفة
و تبقى 500 ألف
نحي منها 400 ألف كل أسبوع 100 ألف للخضرة و 100 ألف للياؤورت

وهاذيك ال500 ألف إذا احتجتيها لحاجة ضرورية يااااااسر خذي منها و إذا لا خبيها و كل شهر زيدي عليها 500 ألف واشري بيهم حوايج حابتهم روبو أو بيترا أو مشينة المهم تحطي هدف قدامك و حابة تحققيه و جملليله كل شهر واشريه
و باش تنجحي و ما تضطريش تمسي منهم ديري قائمة طعام تاع شهر كامل على المكونات اللي عندك و بهذي الطريقة تضربي عصفورين إنك تتنظمي أمورك و تستعملي من اللي عندك و ما تضطريش تمسي هاذوك الدراهم و العصفور الثاني تتهناي من واش ندير غداء واش ندير عشاء

نتمنى نكون أفدتك و قدرت نساعدك و ربي يباركلك يا رب