موضوع هايل يا مريومة و انا راه غامني قلبي منو.شوفي يا مريومة حنا دارنا كانت هي الدار الكبيرة لانو جداتي كانت عايشة عندنا و هي الي بغات تعيش مع بابا حتى ربي دا امانتو على هكا كانو كامل العايلة تجي لعندنا حتى عمومي و عماتي الكبار و حتى عايلة امي كانو يجو لعندنا .دارنا كان الي يتقلق يجي لعندنا لانو والديا يساعفو بزاف مي مع الوقت الي تبدل و كي كبرت العايلة كل واحد لهى على لاخر و لينا نتلاقاو في لعياد و في المناسبات السعيدة و لا التعيسة و حتا كي نتلمو راحت ذيك الضحكة الي من القلب ولى كل واحد رافد من لاخر.مرات كي نولي نشوف في علاقاتنا والله تغيضني مي القلوب قساحت بزاف ماوليناش نفوتو لبعضانا.و اصلا كي ولينا نتلاقو غير في جال التمنشير و القيل و القال ايا انا وحدا من الناس ايفيتيت الخرجة كامل نروح غير كي تكون حاجة نيشان.الله غالب فيا ديفو يا مريومة مانبغيش النفاق علابالي صلة الرحم راهي مكانش كامل .ربي يهدينا و يصفي القلوب ان شاء الله.مي انا ضروك راني ندعي غير في ربي باه انا و خاوتي نقعدو ملاح مع بعضانا لانو نهار الصح نلقاهم غير هوما برك
( تقرير عن مشاركة سيئة )، و الموجودة أسفل كل مشاركة .
2013-05-13, 20:30
العرض الشجري