مساعدة في تقييم تكلفة منزل

[عطر الملكة]

السلام عليكم و رحمة الله تعالى و بركاته
شوفي اختي ام سارة

نحكلك شويا على تجربتي مع البناء

السكن الذي اسكن فيه حاليا مساحته 50 م مربع مبني على شكل طوابق في طابق ارضي و طابقين و تيراس بدينا البناء فيه من اواخر 1997 و غير بشويا بشويا حتى وصلناه الى ماهو عليه الآن و هذا و مزال فيه شويا نقائص رغم ان المساحة صغيرة
و دايما دايما تخرجلك مصاريف اضافية لم تكن في الحسبان قد ما تحسبي
مؤخرا راني غير كيما شريت سكن آخر بمساحة 80 متر مربع
فيه غرفة كبيرة مدالية تقريبا اخذة كل مساحة السكن و لقيت فيه الريزارف محفور و مش مخدوم تعرفي غير خدمة الريزارف سقامتلي 5 مليون بين السلعة و حق خدمتو
و كاين بعض السوانتر و بيلية مش مخدومين حسبهملي ب 7 ملايين سلعة مع حق خدمتو و باقي جزء مش مدالي في حدود كراج صغير و هول صغير مزال ما دارليش حسابهم بشكل دقيق مي قالي يخرجولك في حدود 12 مليون الدالة نتاعهم
ايمالا ديري حسابك مليح
كيما يقول المثل
البني يفني
و ادخل براسك ولا تدخل بفاسك
راني نزيد نسولك على السلعة وشحال راه تسوى حاليا نظن غير الاسمنت راها لحقت 87 الف للشكارة راهي السلعة غلات ياسر الاسمنت و السلك و خاصة اذا كانو العرص مدوزيين مليح ياخذو كثير الاسمنت
لي عودة للموضوع
تقبلي مروري