bounty من المنزل

[amiramirna]

السلام عليكم
اليوم جربت وصفة بونتي بمناسبة عيد ميلاد امي غدا و الاحفاد جايين كامل
و بما انها نجحت قلت نفيد حبيباتي عاشقات الشوكولا
و اللي تريد الوصفة اني في لخدمة

[IMG][/IMG]

اول رد الصحن كامل ليها ههههههههههههه
راني جبت الوصفة للغاليات

الكمية تكفي ل 30 حبة
المقادير
250 غ جوز هند
125 غ سكر عادي
3 بيضات + 1 صفار (يمكن اقل حسب الحجم )
2 كيس فانيلا
200غ شوكولاطة او 2 تابليت تكون لذيذة
الطريقة :
نرحي السكر و جوز الهند في الروبو اللي يرحي اللوز
نضيف الفانيلا
نضيف البيض واحدة تلو الاحرى
حتى تصبح عجينة نشكل كرة اسطوانية الشكل (كي خبزة كاشير ههههههههه شرح دقيق )
[IMG][/IMG]
نقطعو على 2
وكل جزء نقطعو مربعات (كل جزء يدير 15 حبة)
و ندخلهم الفرن مسخن مليح مدة 5 او7 دقائق (كل وحدة و الفرن اللي تستعملو المهم تنشف و تبقى بيضاء)
بعدما تبرد و تمسك الشكل نذوب الشوكولا في حمام مائي و نغلف الحبات و نخليها تنشف