ــ علاقة الاخ والاخــت بين التجــاذب والتنافــرــــــــ

[انانيس]

المشاركة الأصلية كتبت بواسطة soso sirin

علاقاتي بخاوتي مليحة والحمد الله و هذا الشي راجع لبابا ربي يحفظولنا هو دار قوانين في الدار خلاتنا حتا و نتناقرو سوغتو كي كبرنا كامل و تبدلت حياتنا الا انو وقت الصح نرجعو غير كي بكري و مكانش الي يفوت في خوه.و خاوتي انا مانحشمش منهم ممكن انو نهدر معاهم في اي موضوع و مانخافش منهم و مانكذبش عليهم لانو علابالي بلي حتى و نغلط ماراهمش رايحين ينايفوني و علابالي بلي رايحين يهدرو معايا بالهداوة مي حتا حنا لبنات دايرينلهم قيمة معنتهى نخممو الف مرة قبل مانديرو اي حاجة.بابا كان دايمن يقولنا الراجل تاع الصح يخلي المراة تخاف عليه ماشي تخاف منو و تم ماراهيش راح تغبنو.مرات نحس انو حنا مسمطينها على خاوتي لانو دايرينلنا قوسطونا و مسايسينا مي حتا حنا نفوتولهم و دايرينلهم قيمة.والله مكانش كيما الاخ راه سند للطفلة بعد باباها حتا و تتزوج راح تحتاجو

السلام عليكم اختي"soso sirin"
اهلا بك
الحمد لله ان اجد نماذج جيدة للعلاقة الطيبة بين الاخوة والاخوات ماشاء الله على العلاقة التي تربطك باخوانك
اما عن شعار اراه صائبا لانه يؤكد ان الكلمة الطيبة والاسلوب اللين له مفعوله ان صح التعبير اكثر من الغلظة والفضاضة
بارك الله فيك اختي سوسو
وربي يحفظك و يحفظلك اخوانك
وادام الله المحبة بينكما
سررت لمرورك الطيب