السلام عليكم
لأنو الآن الزواج ولاو يصعبوه
مع أنو فديننا الزواج جاء ليشرع العلاقة بين المرأة والرجل ويحفظ حقوق كليهما وحقوق الأطفال
لكن درك واحد يجي يخطب يبداو يتفلسفوا عليه جيب هذي وجيب هذي وجيب هذي
ولهذا أصبحت العلاقات غير الشرعية منتشرة بكثرة
مع أنو هذه العلاقات الزواج لم يأتي به ديننا ليكون عقبة في طريق من يجمع بينهم ما يسمى بالحب
لكن أتى ليعطي شرعية لهذا الحب المسمى وليحفظ الحقوق وينظم الحياة
لكن الآن عاد مفهوم الزواج هو لازم دار لازم سيارة لازم ذهب ولازم ولازم
يعني أشياء اصطنعناها وجعلنا الناس تنفر من الزواج
ومبعد يقولك الزواج صعيب
لا الزواج ماشي صعيب عقليتنا هي التي صعبته
صح مرانيش نقول اللي يجي يخطب قولولوا ايه
لكن كذلك الاختيار يكون بالمعقول يعني بالنظر للدين للأخلاق
ويتساهلوا فقضية الشروط
يعني يفلسوه من يوم الخطبة إلى يوم العرس
ومبعد يحبوا بنتهم تعيش مهنية
كيفاه تعيش مهنية والسيد جمع الديون باه يجيبلها الذهب والهدايا ودارلها العرس ووووو
للأسف ماعندناش موضوعية أبدا
منذ أيام تناقشت مع وحد الأخت قالتلي أنو بالنسبة ليهم فالمكان اللي تسكن فيه وأظن أنها العقلية فكل الجزائر
أن الزواج هو العرس يعني حفلة الزواج
بالنسبة ليا هذه الحفلة نشوف فيها ضياعة الدراهم
يعني لو كان جاو عالأقل يديرو عشاء ويجمعوا الأحباب
لكن احنا لا ولات فيها اكري قاعة الحفلات اكري الليموزين جيب الديسك جوكي العروس تخيط بدلات بهذيك الحسبة ووووو
يعني يفلسوا هذاك النهار ويحبوا يعيشو حياتهم مليح ممبعد
كيفاه الله أعلم
يعني لو كان ماشي هذوك الدراهم دارو بيهم حاجة تفيدهم فحياتهم الزوجية خير
الله يهدينا جميعا يا رب العالمين
( تقرير عن مشاركة سيئة )، و الموجودة أسفل كل مشاركة .
2013-04-26, 11:39
العرض الشجري