اسباب العنوسة في الجزائر هي التالية
الجزائر في مرحلة انتقالية من الماضي الى المستقبل
الماضي وين كان الراجل راجل والمراة مراة بكل ما في الكلمة من معنى والمستقبل هو كي الراجل كي المراة
انا عامل في مؤسسة في مصلحة المستخدمين وعملنا احصاء لعدد النساء العاملات تعرفو قداه لقينا نسبة النساء بالمقارنة بالرجال 80بالمئة نساء كي تولي المراه تخدم والراجل قاعد بلا خدمة نتيجة حتمية تكون العنوسة وزيد الرجال مبقاوش الراجل لي يبحث عن مراه تخدم مش راجل والمسؤول لي يتعمد يمنح منصب لمراه على حساب راجل لامر في نفسوا مش راجل والله النساء ميخدموا ما ولوا ديما عندهم المشاكل ديما يوصلوا متاخرين للعمل وكل وحدا عندها سبب وحدا حتى تدي ولدها للحضانة وحدا حى تكمل الشغل تاع الدار وزيد يمرضوا بزاف والقانون يزيد معاهم يعطيهم الحق في وضعية الاستيداع من اجل تربية طفل كاين نساء متعملش لمدة خمس سنين كل جاوا رجال رجال تاع صح المراه لي مش لازم تعمل متعملش والمراه لي تعمل بدون سبب تبقى عانس كل الشباب كل راهم يخدموا والنساء كامل راهم متزوجين ومن بعد نقولوا مشكل اقتصادي حنا لي خلقنا المشكل الاقتصادي واحد يسمح للمراه تاعو تعمل باش ما يصرفش عليها واش من راجل هذا المهم السبب هو حنا الرجال لي مبقيناش رجال الحديث قياس
( تقرير عن مشاركة سيئة )، و الموجودة أسفل كل مشاركة .
2013-04-26, 09:07
العرض الشجري