طرطة باردة مع حلول موسم سخانة بالصور

لينا11 · 2013-04-25, 11:13

لتحضير الطبقة الاولى نقوم بتجهيز عجينة جينواز وزدت لها مغرف كاكاو ونطيبها فالفور

الطبقة الثانية ثلاث ياغورت طبيعي واحد كاس كبير ديال لحظة (لويا) و 4 معالق السكر طحنيه هاد المقادير فمولينكس حتى ينسجمو بحال لاكريم انا زدت لها عطر موز لاني كي دقتها جاتني طعمة لحظة ماعجبتنيش
كي تطيب الكيكة صبي عليها مقادير الطبقة الثانية

ورجعيها الفرن غير الفوق يعني الشواية وخليها واحد خمس دقائق وطلي عليها وقسيها بصبعك الا لقيتي الطبقة التانية تقسحت صافي خرجيها الا لقيتها مازال خليها المهم حتى تقسح

الطبقة الثالثة كاس كبير الحليب 02 ملاعق السكر 02 ملاعق صغار نسكافي معلقة كبيرة كاكاو و فلان شوكولا خلطي كلشي فكاسرونة و حطيه على نار باش يعقاد وصبيها فوق طبقة ثانية

ممكن تعويضه بكرام كرمال الي يتباع فالعلب وتزيدي عليه حليب ثاني يجي ممممممم

كي تصبي الخليط الثالث مرري بالموس على الجناب باش الكيكة تتشرب منها
وخليها فالثلاجة تحكم روحها اقل شيء 05سوايع
يفضل تجهزيها فالليل وغد من داك قصيها وبصحتكم

بنات هدي بعثتها لجارتي