نـــــــرقد على الرصـــــيف

[عبد العزيز الرستمي]

نـــــــرقد على الرصـــــيف


انا الماشي في الصّحرا والحال صيف....نتـبّع فالجـرّه لا يعــود الرّيـح يمحيها
النّـــجع فــات من هنا وخـللّى تعريف....زرايب الاغنام ومحط خـيام كانو فيها
وقـلبي هـو خـبيري يـشمشم بالنـّـيف....نار برمادها والعيش اللّي طاب عليها
نحـوّس ويـن كـان يـقعد ذاك الولـيف....نهز كمشَةْ الَتْـراب وبالدّمـعه نـسقيها

نـهز راسي والمـولى عـــالم بحـــالي....والمكتــوبه في الجـبـين لازم نعــدّيها
نـتلفت يـمـين وشـمال لا حــد قـــبالي....غي لَـرْيــاح تهب عـليّا من كل جـيها
ما نـسيت اللّي صد وما صد من بـالي....سكن في الجواجي وحلف ما يخطيها
طيته كل اللّي عـندي وشي ما بــقالي....غي حـشيشة الروّح واذا بـغى يـدّيها

قالو ناس بكري المحبّه ماش بالسّيف....اللّي لـيك لـيك واللّي خاطيك اخـطيها
وانـا حـبّيت وتـحبّيت رانـــا كـيفكـيف....ولــفي سلطان البـنات رانـي مـربّـيها
نبغيها نبغيها والقـصد عـندي شـريف....واذا ســـهّل ربّـي راني نـعيا وندــّيها
نـسكن الغـربه انا ونـتوسد الرصـيف....حــوجي ما قــدرت نعـــيش بلا بــيها

يَخّي قلتي نسكن معاك البرج الخالي....واللّي يجــيبها ذراعــك نـــرضى بيها
ومـعاك نرقد علـْأرض وانت حـلالي....عند حبيبي انا ملكت الدّنيا واللّي فيها
يا الكـبده سـاكنه جــوفي وتـلغى لي....ويـن هي الحبــيبه يا الله نــغداو لـيها
نبكي لك يا مولايا ونترجّاك ياالعالي....يا ربّي ســهّلي ونديرالحـنّه في يديها

ramzi nassim