السلام عليكم و رحمة الله تعالى و بركاته
نكمللكم البرنامج الي كتبته و راحلي للأسف على راح نختصر
من بعد الظهر درت على رويحتي و استهليت في الجمالي "باختصار بلا مانعاود نكتب"
و حكمت سبحتي قلت نتكأ و نسبح و من بعد نوض للمصحف حتى رقدت
على ما نضت رحت للكوزينة بليت كسرة مطلوع "بوطلعة يجي مثل الخميرة لكنه مبسس" و خليته يخمر
رجعت توضيت و قريت 4 صفحات فقط هاداك وش قدرني ربي
صليت العصر قريت اذكار المساء و رجعت للكوزينة نصبت كوكوط عدس درتو بارد في بارد و طيبت كسرتي و حطيت سينية القهوة مع الكسرة سخونة و شوية بيني قعدلي من امس
تقهوينا و صححت شوية تمرينات طبعتهم للبنات و عاودت شرح الي مافهموهش و خليتهم خرجو شعلت الميكرو قلت ندير شوية سبور لقيت عظامي مكسرين عاودت فتحت موقع نون الرائع و راجعت آياتي صرت نجري فيهم و الحمدلله و زدت فوقهم شوية صلينا المغرب و حطيت العشا تعشينا
لبنات حكمو النصوص تاعهم يراجعو فيهم و انا غسلت الماعن و ضربت دورة على الدار لميتها و طبقت القش و رجعتو
و راني مع المنتدى درك
شوفو وش حطيت
https://www.djelfa.info/vb/showpost.p...6&postcount=96
( تقرير عن مشاركة سيئة )، و الموجودة أسفل كل مشاركة .
2013-04-15, 21:43
العرض الشجري