مشكلتي الوحدة

[مشكلتي]

السلام عليكم

مشكلتي لا ادري كيف افسرها فلم ارى من تعاني من هذه المشكلة من قبل ,,,وكاني شفافة لا ترى لا احد يسال عني من زميلاتي في القسم
,,اعرفكم علي اولا انا بنت في عمري 15 سنة ادرس اولى ثانوي علمي مشكلتي تكمن في العلاقات الاجتماعية العام الماضي عشت جحيما بمعنى الكلمة كان قسمي خاليا من الصديقات ما علاباليش كيفاش جاز العام بصح تحسي روحك وحيدة لكن الحمد لله متفوقة في دراستي هذا العام دعيت ربي باش نطيح يا لوكان مع وحدة من صحاباتي القراب والحمد لله طحت مع زميلة ماشاء الله راني نقعد معاها لكن المشكل انها العام الجاي راح تبدل ليسي دائما نقوللها ما تروحيش بلا ما نقوللها طبعا السبب يعني لوكان تقعد كلاستنا هي العام الجاي راح نقعد وحيدة كامل البنات نحسهم يكرهوني ما نعرف علاه ** حتى كي يحتاجو حاجة مثلا في الحصة يعيطو لصحبتي وكي تقوللهم ما عنديش ما يجوزوش ليا يسقسو عمرهم ولا نطقو اسمي ----- اعيش وحدة كبيرة لكن انا والله اخلاقي يشهد الجميع لي بحسنهم والحمد لله

صدقوني لي حتى الان 3 صديقات فقط في الثانوية ولا احد غيرهن اقرب الي واحدة سترحل وستبقى 2 في القسم المجاور
حتى ان التفكير في هذا سبب لي تراجع في مستواي الدراسي فقط اشير ان هذه الحالة تعدت البنات وكذك الذكور ( لكن الحمد لله ما عنديش هذي العقلية) مينداك والله نصيب روحي نبكي نلقى زميلاتي في القسم نروح ليهم منبعد نلقاهم وحدهم راحوا ---لست مملة ولا ثرثارة فلما كل هذا