لو تصبحين طبيبة اليس افضل من التعليم ؟؟؟ مشكلتي الناس

مشكلتي · 2013-04-07, 10:26

السلام عليكم ورحمة الله وبركاته

مشكلتي هي انني كنت تلميذة نجيبة وذكية بشهاذة اهلي واساتذتي

لكن وبحكم مرضي وقدر الله عز وجل لم اتحصل على معدل يدخلني

الطب او الصيدلة ولواحقها فمن شدة حبي للاطفال ومهنة التعليم

اخترت المدرسة العليا للاساتذة معلم ابتدائي لغة فرنسية

لكن الجميع كان ينتظر مني التسجيل لاعادة البكالوريا الا والدتي

فهي لطالما قالت لي افضل شيء للمرأة هو التعليم التعليم وفقط

فهي قد جربت العمل في الادارة الجزائرية وقالت لي العمل مع الاطفال

افضل من العمل مع الكبار بصح الشيء

الذي يدمي قلبي انو الانسان مجروح والناس يزيدولوا رايحين يهبلوني

يضلوا ورايا " هادي هي الشقوة رايحة تخرجي تقري البز "

لماه تعبتي وتفوقتي وجبتي الجوائز وعلقت صورك في المدارس

يقولولي والله تهبلي من الذر كون اكي عودتي ودرتي طبيبة بقيمتك و

شانك ( في عقلية الشعب الجزايري القاري يدير طبيب ) ولي يجيب

ليسانس فالجامعة ودا الباك ب 10 يخرج خير عليك قادر يخدم فالليسي

بصح انا راني راضية ومقنعة وعارفة بلي الانسان هو لي يحدد

مستواه ويبني شخصيتو وانا نعرف مستوايا وراني واثقة من قدراتي

لي عطاهاني ربي والعلم هذا راهو واسع ونقدر نقرا ونثقف

ومش شرط انو فلان طبيب راهو خير مني كل واحد ودور تاعو

ارواح انت وفهمهم هكذا ,, رايحين يهبلوني بالهدرة وانا كرهت

نسمع كرهت انصحوني والله كرهت