كما وعدتُكم المغيز الشلفاوي بالصُور

عُضو مُحترم · 2012-06-20, 20:49

اقتباس:

المشاركة الأصلية كتبت بواسطة بنت الحجاج

الحمد لله

ماهوشء من عاداتنا

باينْ يتعبْ !!!

هههه
علابالي واش راكْ تمتم

المغبون اللي يديكْ

حْنا

عدنا نديرو المطلوعْ

يتعّب

بصّح يستاهل التعبة عليه

نديروه بالسميد

مع شوية خميرة

و الملحْ

و ما دافي

تخلطهم

و تخليهم شوية باه تتشمخْ الدقيق

و من بعد تدلكْ مليــــــــــــــــــحْ

حتى يعود يترطقْ

و يخرجو لبنابل منو

و من بعد تخليه يستراح شوية

و تبدا تجعدو و تقرص

تزيد تخليه يطلع

و من بعد تطيبو

و نقطة مهمة

لازم نْيَحما الطاحينْ مليحْ

باه تلوح الgرصة

باه نا تلصقشْ

و يخرج مطلووع فوووووورْ سيرتو و هو سخونْ

و شهية طيبة

ان شاء الله

كي نجي لسطيف و نروح عند اخي ابو جابر

نقوللو يديرلنا هذا المطلوع و نشوفو

بارك الله فيك