الصيف والبحر

[soso sirin]

اه يا مريومة غميتيلي قلبي بهاذا الموضوع كون نقلك وحد الحاجة كل مايجي الصيف نبداو في النقاش الذي لا ينتهي بينا و بين اخواتي.حنا البحر ماشي بعيد علينا بزاف مي راكي عارفة مانقدروش نهبطو ليه وحدنا و بلا مانحكيلك في الصيف يولو يتبلاو نيشان سوغتو مع السخانة و خواتي يقولونا حنا ماندوكمش وين الناس كامل يعرفونا .الصيف الي فات كي هبلناهم رحنا عند اختي لمستغانم و مانقلكش داونا لوحد البلاصة مقطوعة كنا حنا و شوية عباد برك قلنا معليش حتا حنا ماخصناش الغاشي الراشي و بداو بلاكم تبعدو بلاكم تروحو من تحسب البحر راح ياكلنا و كانت في قلبي خرجة تاع الليل في البحر كليناهم باه رحنا حتى قريب نبكو باه غضناهم و كي داونا وين رحنا لبلاصة الضو و مافيهاش تحسب رانا سوكارجية يا لطيف قتلهم يا ربي رانا في الليل شكون راح يشوفنا مي نقلك حاجة والله هاذوك ليمات ماننساهمش كامل .هذا الصيف راهم يقولو رايحين يدونا و انا مانامنهمش حتى نصيب روحي مقابلاتو .مرات نقلهم الي يشوفكم يحسب راكم حشمانين بينا قالي خويا يا الفاهمة مانديكمش لبلاصة و نخلي الناس يتفرجو عليكم و نقلك حاجة والله حنا نروحو بالحجابات والله مانحوهم مرات كي يقلقوني نقلهم نروحو نتفرجو على البحر برك