الإستعداد للتاريخ باك 2013

[فريال المحتاجة عفو الله]

المشاركة الأصلية كتبت بواسطة manothebest

نهنيك فريال روحي من الان تقري في الجامعة
طريقة التقديم روووووعة
هل من نصائح لنا نحن أصحاب باك 2013 ؟؟
و جزاك الله عنا خير الجزاء

شكرا هذا لطف منك طلعتيلي المورال
طبعا أنا درك راح نكون فارغة شغل و ان شاء الله نجوز الصيف معاكم و نقدملكم أنا و بقية طلاب بكالوريا 2012 النصائح و لا حب ربي نعاود معاكم الباك حرة العام الجاي ان شاء الله
النصائح إذا كنت علمية ركزي في البداية على المات و الفيزيك و السيونس ما تخليهم خلاص يضيعو ديريلهم حالة حصار و حاولي الإلمام بجميع المعلومات و نقللكم حاجة و الله و الله و الله الباك في المواد العلمية = حل تمارين
في المواد الأدبية ابداو بالشوية ما تقلقوش رواحكم بيهم بزاف رايحة تجي المراجعة تيعهم مع الوقت
أنا ما نقلكمش كل درس تاريخ و جغرافيا نكتبو و نحفظو في نفس اليوم هادي جامي عملتها بصح لا قدرتو انتوما وعلاه لا بصح أنا كنت مستحيل نروح نعقب فرض أو امتحان إلا و راني محضرتلو كيما الباك حتى صحاباتي يضحكو عليا يقولولي اووووه ياخي فرض ؟؟ مي و الله لقيت روحي في المراجعة روووعة خلاص و مازلت شافية على كل كلمة في التاريخ و الجغرافيا لحد الآن و ما نظنش راح ننساهم ( كيما يقوللنا استاذ الفلسفة تسجلو في منطقة بروكا من الدماغ قتلنا بيها هاد الكلمة )