|
|
|
|||||||
| قسم الكروشي و التريكو و الماكرامي ورشات - غرز - مجلات - اعمال |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
صاكي الصغرون راني كملتو ارواحو تشوفو الطريقة
|
|
أدوات الموضوع | انواع عرض الموضوع |
2012-06-08, 15:36
|
رقم المشاركة : 1 | ||||
|
صاكي الصغرون راني كملتو ارواحو تشوفو الطريقة
 مساااء الخير اخواتي راني جبتلكم اول صاك جربتو في الماكرامي هو صاكوشة صغرونة عملتها لاختي تهز فيها اقلامها برك لانها تعدي ال BEM نتمنى تدعيولها بالنجاح وكل الممتحنين هذا كان طلب طلبتو من استاذتنا محبوبة امي وتبعت الطريقة مع بعض التغييرات وحبيت نصور المراحل باه تستفادو معي اولا جبت عشرين خيط ابيض بطول مترين وعشرون سنتيمتر وستتة خيوط زرقاء بنفس الطول لانو حبيت الصاك ابيض والجوانب نتاعو لونهم ازرق على خاطرش مافهمتش كيفاه نعمل الخيوط في النص بلون اخر وليت استغليت واش نعرف خير مانخسرو ونقعد هكاك بعدين جبت قطعة بوليستيران عرضها مناسب وربطت عليها خيط قدها  مبعد عملت الخيوط نورمال فوقو وحكمتهم بالنوبلا عادي كيما عملنا في درس التعليقة نتاع الحيط بحيث الابيض من الامام والخلف والازرق على الجوانب وساعدتني قطعة البوليستيران لانها عريضة شوي  وبقيت نكمل هكا حتى وصلت للطول لي نحبو  وهنا جتني فكرة الخيوط مازالو طوال وحابة نستثمر درس غرزة الفيستون مالا خدمت بغرزة النوبلا وكل مرة ننقص زوج خيوط كيما تعلمنا في حاملة المناديل ومبعد خدمت غرزة الفيستون وهذا الشيء طبعا في جهة وحدة باه نستغلها كغطاء للصاكوشة  هنا من الامام  وهنا من الخلف  بعدين قصيت الخيوط  حرقتهم ولصقتهم من خلف  والجهة الاخرى شديت النبلات مليح وقصيت الخيوط وحرقتهم وهكا بان شكل الصاكوشة   بعدين جيت للحامل عملت خيط ازرق هو الاساس والطول نتاعو هو نفس الطول المرغوب فيه للحامل مبعد الخيط الابيض بطول اكثر مرتين من الازرق وبديت اولا طبقت التورساد وبعدين النوبلا ورجت للتورساد هكا باه يكون تجانس ولصقتو في مكانو  هكا كان شكل الصاك بعد نهاية هاذو المراحل ماتنساوش تلصقو فكرة تقفلو بيها انا عملت طرشيقة وماتنساوش تانا تغلقو الصاك من التحت لانو انا كي جاتني فكرة الغطاء هكا الصاك بقا مفتوح من التحت وليت دخلت فيه خيط ازرق كالضفيرة وغلقتو بيه بريكولاج برك   المهم كي كملت بانلي الصاك فيه ثقب بالزاف واختي تهز الاقلام خفت يطيحولها وليت خممت في الدوبلير جبت قطعة قماش بيضاء قصيتها بابعاد مناسبة مبعد خيطتها   ودخلتها داخل الصاكوشة  وحاولت نخيطها فيها بالابرة والخيط من فوق وتحت  وهكا نكون كملت عملي شوفو النتيجة من الامام   ومن الخلف  الحمد لله اني كملت اول اختراع ليا اكيد بفضل استاذتي محبوبة امي بعد الله ربي يرزقها بالذرية الصالحة ويحفظها وان شاء الله لي عودة مع افكار اخرى  زعمة راني نعرف  المهم اخواتي واستاذتي راني في انتظار اراءكن وملاحظاتكن واكيد ماتنساوش تدعيو لاختي بالنجاح ربي ينجحها يا رب وينجح كل الممتحنين بالتوفيق للجمييييييع
|
||||
|
| الكلمات الدلالية (Tags) |
| الصغرون, الطريقة, ارواحو, تشوفو, راني, زاكي, كملتو |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض الشجري