الى كل الرياضيين..........

[*layali]

السلام عليكم..
اختي..انا مثلك سانتقل الى السنة الثانية ...و قد اعتمدت في اختيار للشعبة على قدراتي ..و مقدار حبي و تعلقي بالمادة ..
اخترت علوم تجريبية ..لانني احب العلوم و ايضا الرياضيات ..و و معامل العلوم هنا 6 اما الرياضيات و الفيزياء 5 ..
قادر تكون المات صعيبة في شعبة الرياضيات..بالصح مش على الناس اكل ..انا بابا استاذ رياضيات( تعليم ثانوي) و تفكرت واحد التلميذ جا شاوروا خطرة..
قالو هي صعيبة بالصح مش على الناس اكل ..اذا عدتي تحبيها و متاكدة بلي تسلكي روحك..وعلاه لالا..مي لازمك تتعبي باش تحافظي على معدلك و ثاني تجتاهدي بالاك تجي اكثر ..ان شاء الله..
و هذي من عندي..ما تقارنيش الرياضيات تاع السنة الاولى بالسنوات لخرين و خاصة في شعبة الرياضيات..بويسك برنامج السنة الاولى تقريبا اخذناه اككل في 4 متوسط..مكانش حوايج جدد بزاف..((((( لا تعودي تتخدعي..اتاكدي قبل)))
و الرياضيات راهي مادة واعرة اصلا ..تحتاج فهااامة و تركييييييز كبييير ....++ الاجتهاد ..و كل ما تتعلمي شئ في الرياضيات اتاكدي بلي راكي تعلمتي جزء قليييل منها..

و على كل حال الامر يرجع ليك انا حبيت نمدلك وجهة نظري..ممكن ما نقدرش نساعدك بويسك انا ما علاباليش اكثر منك بهذ الشي..
و البركة في اعضاء منتدانا ..راهم قاريين و فاهمين..و متاكدة يفيدوك..خاصة الي مجربين.." يقلك اسال مجرب و ما تسالش طبيب"

دايمن ارجعي للرغبة تاعك انت..و وكلي امرك لله ..
بالتوفيق ان شاء الله..

تقبلي ردي ..و اتمنى ان يكون مروري طيبا..
تحياتي..