الرجل كي نخدم نتزوج والمراة كي ما نخدمش نتزوج

[اية الرحمن1988]

عليكم السلام ورحمة الله وبركاته
بالنسبة للمرأة اللي تأخر الزواج إلى أن تحصل على عمل نظن هذا الفئة قليلة وليست بالكثيرة
والأغلبية فقط تتحجج بالعمل لأنو متقدم حتى شخص ليها
والفئة اللي ترفض الزواج قبل العمل لأنو واحدة مالقات التوعية اللازمة وهذا واقع
أي وحدة متزوجة تسقسيها تقول بلاكي تخلي خدمتك والله غير يعبنك راجلك كي تتزوجي هادي الهدرة حفضناها
اللي يرد للخير مكانش وأي متزوج يرد الزواج غول كبير لهذا بزاف ولاو يخافو على مستقبلهم تقول نضمن الخدمة ضرك
خير ما نتزوج ومباعد ميخلينيش نحوس على الخدمة
أم على الذهنية اللي تغيرت فهذا الواقع أخي شكون اللي ميحبش يعيش حياتو واغلب الرجال على قد حالهم كي يوفر الضروريات دار ما عليه
أما الكماليات نادرا ما تلقاها
والسعادة أخي نعم أصبحت بالمال ليس الكثير لكن باش تكفي نفسك وتعيش عيش كريم والزمان يفرض علينا نعيشو هكذا
اللي معندوش ميسواش واللي عندو يحطوه فوق راسهم
واي بنت تحب ترد الجميل لوالديها وكاين اللي محتاجين وتحب تعوضهم على تعبهم وثقافة عمل المرأة طغات على الكل
والله لحد الآن مالقيتش والدين معارضين بنتهم على الخدمة
لكن من حيث بطالة الشباب أنا معك فهم أولى منا نحن لكن يا أخي اللوم يقع على الرجل الذي يوظف المرأة
هناك من يشترط مرأة لتتوظف عنده وهكذا راكم تشجعو فينا
لوكان يحطو نسبة قليلة من المناصب للمرأة والكثير للرجال لكن واش نقلك العيب على القوانين ماشي عليها
والمختصر من هذا كل أنو السبب الرئيسي اللي يشجع المرأة على العمل وتستغني عن الزواج هو الحاجة وانا اتكلم عن الأغلبية وليس الأقلية
تقبل مروري