الوثائق الجليّة.. لأدعياء السلفية..

[رَكان]

ثم قال الشيخ محمد حسان :
( ولما قلت لإخوانا واحنا في أمريكا ، وهي الجلسة دي اللي قلَّبت علي المواجع ، مش حفصَّل ، لما قلت لهم واحنا في أمريكا : يا جماعة ، يا مشايخنا ، الكلام اللي إنتو بتقولوه ده ، ده كلام مشايخنا ؟! ده كلام الشيخ ناصر؟ [ يقصد الألباني ] ده كلام الشيخ عبد العزيز ؟ ده مش كلامهم يا جماعة والشيخ أبو إسحاق مازال حياً يرزق ، والشيخ محمد صفوت رحمه الله ، وكنا جالسين كلنا ، قلت لهم يا جماعة ده مش كلام علمائنا ، يا جماعة راجعوا فتاوى اللجنة الدائمة ، يا جماعة راجعوا كلام الشيخ ناصر ، واسمعوا شريط الشيخ ناصر رحمه الله اللي اتكلم فيه عن سيد قطب واللي اتكلم فيه عن الجماعات واللي اتكلم فيه عن سفر وسلمان وغيرهم ، اسمعوه ، ده كلام علمائنا غير كده ، غير اللي إنتو بتقولوه ، ما حدش سبقكم للتأصيل ده ) .


[ ثم قرأ الشيخ محمد حسان فتوى اللجنة الدائمة في الجماعات الإسلامية ، ثم علق بقوله ] :
( لما قلنا العبارة دي !! يا خبر أبيض ! هاجوا علينا بطريقة بشعة ، بشعة ، وقالوا : ده الشيخ يعني عاوزها هيصة ، عاوز يـجمع على الهيصة . مع أني قلت يا إخواننا مليون مرة : ( إننا ندعو إلى وحدة الصف ، ولكننا لا نريدها وحدة تجمع شتاتاً متناقضاً على غير حقٍ واتباعٍ وهدى ، فإن وحدتنا على غير الكتاب و السنة بفهم سلف الأمة تفرق ولا تجمع ، وتجرح ولا تضمد ) دا كلامنا احنا من عشرات السنين ، راجع كم خطبة ليَّ ، كثير جداً اتكلمت في المسألة دي ألف مرة ، ومع ذلك بهدلونا بهدلة لما قلنا إن الجماعات دي فيها حق وباطل ، وفيها خطأ وصواب ، ونتعاون فيما بيننا ، وننصر ونتناصح ، ونتبادل ، وبلاش فرقة وبلاش نزاع ، وبلاش خلاف ، وعاوزين ما يبآش الخلاف خلاف تضاد ، نـخليه خلاف تنوع ، .. يا خبر أبيض ! بهدلونا بهدلة ، بشعة ، بشعة ، وأنا كنت خلاص ، أنا والشيخ أبو إسحاق أقول : حسبنا الله ونعم الوكيل نفوض الأمر لله وأسأل الله أن يصلح إخواننا وخلاص ، إنما القضية الآن بقت خطيرة لأنها الآن انعكست على الشباب ، وبدأ الشباب يقول لك : دا المشايخ بتوعكو [ مشايخكم ] مشايخ مبتدعة ، وناس ضلاَّل ) .

[ وقال ] :
( يقوم يطلع لي شاب صغير لسه لحيته ما نبتتش ، ما يقدر يفرق بين المجمل والمبين ولا العام ولا الخاص ولا الناسخ ولا المنسوخ ، ولا حافظ خمس أجزاء من القرآن ، ويطلع أول ما يطلع ينطح في الكبار دول ؟!! ليه ؟! عاوز تسقط الرموز دي في قلوب الناس ليه ؟!! إيه الهدف من أن نسقط هؤلاء الأفاضل ؟ فتنة تجيء لنا من المدينة ، وتمر على الأردن ، وبعدين تجيء تعصف بنا في مصر ويتبناها بعض إخواننا ويطيروها حتى في القرى والنــجوع ؟! ليه يا أخي ؟ ليه ما يسمعوش أبو إسحاق يا أخي ؟ ليه ما يسمعوش مصطفى العدوي ؟ ليه ما يسمعوش يعقوب ؟ ليه ما يسمعوش وحيد ؟ عبد العظيم بدوي ؟ محمد إسماعيل؟ ليه ما يسمعوش الأفاضل دول ليه؟! ليه ما يسمعوش أهل الفضل دول ؟ عندهم أخطاء ؟ الله ! هو في بشر على وجه الأرض عصم من الخطأ إلا محمد [ صلى الله عليه وسلم ] ؟ ) ا.هـ


المرجع : شريط ( إلى غلاة التجريح ) للشيخ محمد حسان بتصرف يسير .
ــــــــــــــــــــــــــــــــــــــــــ

يتبع إن شاء الله..