قريوش باللوز و الجلجلان من مطبخي

[الواثقة بالله 23]

السلام عليكم حبوباتي

اليوم عملت قريوش شفتو في فيديو في اليوتوب تلقاوه تحت عنوان

أحلى شباكية مغربية

المهم عجبتني الوصفة طبقتها و كي تحصلت على نتيجة ملاحة

حبيت نشاركم بيها نتمنى تعجبكم و تجربوها

المقادير :

كيلة نصها لوز مرحي بالقشور " أنا كان عندي ديجا لوز مرحي بلا

قشور استعملتو" و نصها الآخر جلجلانية مغسولة منقية و مقلية و

مرحية "حوالي 100غ لوز و100غ جلجلان"+ 2 كيلات فرينة

+مبشور حبة جوزة الطيب + ملعقة صغيرة قرفة + كيس خميرة

كيميائية + صفار بيضة + 2 ملاعق كبار زبدة ذايبة و باردة +2

ملاعق كبار زيت قرصة صغيرة ملح

نخلطهم كل مع بعض و نلم بماء زهر



نتحصلوا على عجينة عادية مش طرية و مش يابسة



نحلوها بالقراص"منحلوهاش خشينة ياسر لانو فيها الخميرة"

نقطعو الزوائد بالجرارة ثم نقصو مستطيلات "شرائط" و نستعينو

بالمسطرة باه يجيو كل كيف كيف أنا قست 7 سم اذا حبيتي حبات

كبار يمكن تقصي برقم أكبرو من بعد تزيدي تقصي بالجرارة في كل

شريط 5 مرات بلاما توصلي للحافة باه متتقطعش و في المرة 6

تقصي



ممكن تعملي شكل القريوش تاعنا العادي و ممكن تعملي

الشكل 2 لي عملاتو هي في الفيديو كل حبة طبقيها على 2 و تزيدي

طبقيها على 2 و تقرصي على الجوانب و تحليها شوية في الوسط و تزيدي تقصي الجوانب اذا جاو خارجين بالجرارة


" العجينة دائما تكون مغطية باه متشيحش"



ثم تقليهم في زيت غزير و كي يتقلاو نخليوهم يسقطرو و يبردو

ثم نسخنو العسل و نعسلوهم " أنا عسلتهم مرتين"

ثم المفروض يتزينو بالجلجلان أنا مبقاتش عندي وليت زينت باللوز ايفيلي




نتمنى تعجبكم و تجروها

اللهم صل و سلم و بارك على سيدنا و حبيبنا محمد