إلى أختي أم رامي

zaara0505 · 2012-05-09, 13:17

السلام عليكم
أختي أم رامي أحبك في الله من غير مانشوفك,أنا شخصيا تعلمت عليك وجربت وصفاتك خرجتلي رااااائعة

كنت البارح إقترحت نتشاركو الكيفيات الجديدة باش نجربها قبل رمضان المبارك رب إبلغنا إن شاء الله.
خاصة أنو إيجي في الصيف لكن لم ألقى التجاوب من الأخوات،لهذا نحوس على لي كرتان ،اطباق خفيفة ،مقبلات ،تحليات .أنا متأكدة أن في جعبتكي الكثير ارجو منك المساعدة شكرااااااا

zaara0505 · 2012-05-13, 09:33

عذرًا إنسحاب نهائي.

*ام رامي* · 2012-05-13, 09:47

وعليكم السلام ورحمة الله وبركاته

اسفة اسفة اختي والله ما شفت موضوعك اعذريني
بعض الاشخاص الله يسامحهم قاعدين يطلعوا في مواضيعهم المنقولة كل شوية محتلين الصدارة والصفحة الاولى والمواضيع الجديدة ديما في الصفحات الاخرى ما نلاحظوهاش
طلبك على العين والراس حبيبتي وما تزعفيش حنونة
راني درت دورة باذن الله نحط فيها الاطباق الجديدة ومازال متسع من الوقت باه تجربوها
وان شاء الله نكون عند حسن ظنكم
احبكم في الله جميعا
تحياتي واعذريني

قطيطوشة · 2012-05-13, 10:39

مشطورة ام رامي وربي يجازيك

zaara0505 · 2012-05-13, 11:14

شكرا حبيبتي الشطورة مشكلتي ان زوجي ذوقو صعيب خاصة في رمضان يكره من الشربة والحريرة من ثم نحصلل واش نطيب على هذا طلبت المساعدة . حبيت نسقسيك على كريمة الفرماج انتاع لي كراتان وعلى فرماج الموتزاريلا كيفاش نحتفظ به باش ما يفسدش . رب يحفظك أختي

~~Didinou16~~ · 2012-05-13, 15:29

ellah yaberek om rami vous etes magnifique jazaki ellah khair

*ام رامي* · 2012-05-13, 15:59

اقتباس:

المشاركة الأصلية كتبت بواسطة قطيطوشة

مشطورة ام رامي وربي يجازيك

العفو اختي
جزانا الله واياك كل خير

اقتباس:

المشاركة الأصلية كتبت بواسطة didinou16

ellah yaberek om rami vous etes magnifique jazaki ellah khair

الله يبارك فيك حنونة جزانا الله واياك كل خير
مشكووورة

اقتباس:

المشاركة الأصلية كتبت بواسطة zaara0505

شكرا حبيبتي الشطورة مشكلتي ان زوجي ذوقو صعيب خاصة في رمضان يكره من الشربة والحريرة من ثم نحصلل واش نطيب على هذا طلبت المساعدة . حبيت نسقسيك على كريمة الفرماج انتاع لي كراتان وعلى فرماج الموتزاريلا كيفاش نحتفظ به باش ما يفسدش . رب يحفظك أختي

العفو حنونة
هذه مشكلتنا كلنا حاصلين في المطبخ راني نكسر في راسيتكسار باه نجيب افكار جديدة هههههههههه
كريمة الفرماج
حطي في طاوة ملعقة مرغرين كبيرة + ملعقتين فرينة +ملح وفلفل اسود و2كاس حليب الكل على نار هادئة حتى تخثار اضيفي الفرماج كيما تحبي كل ما تكثري تجي بنينة وحركي بسرعة حتى يتجانس الخليط
ام الاحتفاظ بالفرماج انا ما فهمتش رايحة تشري كمية كبيرة ؟؟؟؟ انا متعودة نشري غير بالقليل ونغلق عليه في كيس ونحطه في الثلاجة ونستعمله بسرعة 3ايام تلقايه ماكانش ..الاجبان ومشتقات الحليب ما نحتفظش بيها مدة طويلة

zaara0505 · 2012-05-13, 16:10

ربي يجازيك كل خير ويحفظك من كل عين بالنسبة للفرماج شرالي زوجي كيلو ونص موتزاريلا اول مرة نشري هكا خايفة يفسد لأني ما نستعملوش دائما

أنا أمهم · 2012-05-13, 16:16

اقتباس:

المشاركة الأصلية كتبت بواسطة zaara0505

ربي يجازيك كل خير ويحفظك من كل عين بالنسبة للفرماج شرالي زوجي كيلو ونص موتزاريلا اول مرة نشري هكا خايفة يفسد لأني ما نستعملوش دائما

شوفي عزيزتي أنا الموزاريلا نحطها في الفريزر و تبقى مدة طويلة لكن بصراحة موش كيلو و نصف, انت جربي قسميها في اكياس صغيرة و حطيها في الفريزر.

و بالنسبة لتأخير الأخوات في الرد عليك, كان عندنا مشكل صغير في المنتدى و الحمد لله تخلصنا منه, و سامحينا مرة أخرى.

zaara0505 · 2012-05-13, 16:29

شكرا أختي أنا أمهم راح باغية ندلل عليكم هههههههههه ندير طريقتك ،صدقيني انا أصبحت مدمنة لمنتدىالجلفة طبعا إستفدت منه وقررت نتعلم كيفاش نحط الصورونعود نشارك حتى انا باش ما نكونش عضو مستهلك فقط

zaara0505 · 2012-05-14, 10:58

شكرا أختي أم رامي كريمة الفرماج لي نحوس عليها تتخدم بالنشاء أنا قالولي تجي خفيفة على البشمال العادي

*ام رامي* · 2012-05-14, 11:24

ااااااااااااااه تقصدي نتاع النشاء ؟؟؟
ضربي 3بيضات مليح واضيفي 150غ نشاء مع التدريج ثم كاس حليب وخلطي مليح حتى تتخلصي من التكتلات نتاع النشاء ثم اضيفي 3كاس حليب +ملح وفلفل اسود وحطي الكل على النار لما تعقد اضيفي 200غ فرماج وخلطي بسرعة كبيرة وتكون شوية سائلة ما تخليهاش تعقد بزاااف

zaara0505 · 2012-05-14, 12:17

شكرا شيف أم رامي ههههههه فعلا تستاهلي لقب شيف إذالم تكوني شيف فعلا

ام امجد14 · 2012-05-14, 12:45

مشكوووووووورة ام رامى انت فعلا شاف المنتدى

ام مريومة · 2012-05-15, 20:16

وانا أضم صوتي لصوتكم ام رامي أحلى شييييف