الكنة هل حدث هذا ؟؟؟؟

[z.abdo]

المشاركة الأصلية كتبت بواسطة هدى ام ريماس

الصراع بين الكنة والحماوة صراع ازلي يعني لحقنا حتى على عجائز حكوا لنا عن معاناتهم مع حمواتهم منهن من يعتبرن ومنهن من قلبهن اسود يحملنا تلك الكراهية الى كناتهن نجد هدا الصراع يحتد ويصبح اكثر قسوة لما تكون الحماة جاهلة وانا اقصد بالجهل هنا الجهل بمعنى جهل الثقافة والحضارة لا الامية حيث تفكر الحماة انها هي الكل في الكل ويحق لها ان تفعل ما تشاء بالكنة وليس لاحد ان يعترضها فلها حتى الحق في ان تخطء فهي لها كل الصلاحيات والويل كل الويل ادا تدخل ابنها في الوسط ان انصفها تعنتت وتفرعنت وستستمر باكثر من هدا وان انصف زوجته قست عليه وكان عقابهما عسيرا وانتقامها شديد ..........ما الحل
كدلك نجد حماواة يا الله طيبات حنونات متفهمات ان اخطات كنتها سامحتها وعدرتها وان تعبت ساعدتها وان تناقشت مع زوجها وقفت الى جانبها او نصحت ابنها لما هو خير له وانا رايت حماتين من هدا النوع جارتي وقريبة لنا سبحان الله ما اطيبهما

بارك الله فيك أختي لمشاركتك ولإعطاء أمثلة من الواقع

[z.abdo]

المشاركة الأصلية كتبت بواسطة soso sirin

وف خويا الدنيا علمتني حاجة مانهدرش و نقول شكون الظالمة و لا المظلومة الا اذا عشت في هذيك الدار وصلنا الوقت الي كل واحديحكيلك تجي معاه .المشكل الاساسي الي علاجالو راه يصرا المشاكل لانو حنا بنات هذا الوقت الراجل نحسبوه ملكية خاصة تحسب كبر روحو ولا بلاك زاد كبير معنتها كي نتزوج نديرلك غسيل مخ و نسيك حتا في امك و كاين شي عجايز تاني يحسبو الكنة هاذي عبدة عندهم لازم السمع و الطاعة العمياء ربي يفرجها من عندو لانو كل حالة و كيفاه

بارك الله فيك أختي لمرورك

[z.abdo]

المشاركة الأصلية كتبت بواسطة salam algeria

السلام عليكم
اعلم ان من يقرا رايي سوف يقول ان بعدي عن اهل زوجي كبعد السماء عن الارض و لكن هناك بعض الصديقات اللواتي يعشن هنا و يعانين من اهالي ازواجهن
بالنسبة لي رزقني الله بزوج من عائلة طيبة جدا امه اعتبرها كامي و اخوات كاخواتي رغم ان هناك اختلاف كبير في الشخصية فانا من النوع الذي لا يمكن ان المس احد بكلمة و لا اعلق عن شيء في الشخص الذي امامي مهما حدث و واذا علق علي احد احس باحراج كبير و اكتم ذلك في داخلي و كثيرا ما تحول هذا الى حقد تجاه ذلك الشخص
عندما تزوجت بقيت مع اهل زوجي ١٥ يوما وجدت اشخاصا غريبين لم التق بمثلهم يتكلمون معي و كاننا نعرف بعضنا لمدة طويلة و في بعض الاحيان كنت اتضايق من كلامهم و حتى بعد سفري بقي الحال هكذا لذا كلمت زوجي فكان رده انهم ارتاحو معي و يعاملونني كواحدة منهم فحتى زوجة اخوهم الثانية يعاملونها بحذر كبير بعدها بدات اتاقلم مع الوضع بل لقد غيروني بان اقول ما بقلبي و بعدها لا يبقى بداخلي اي غل او حقد على احد
و بعد ذهابي الى الجزائر في عطلة زاد حبي و احترامي لهم الاف المرات حتى اني قسمت عطلتي بالتساوي بين بيت اهلى و بيت اهل زوجي امام حيرة صديقاتي اللواتي لا يمكثن في بيوت اهالي ازواجهن سوى ايام معدودة خاصة ان ازواجنا لا يكونون معنا خلال العطلة سوى لفترة قليلة بسبب اعمالهم هنا و انا دائما اقول لو كنت اعمل لاهديت ام زوجي عمرة من مالي الخاص بسبب معملتها لي خلال عطلتي بالجزائر و الله على ما اقول شهيد

بارك الله فيك أختي وربي إنشاء الله يحعلك زوجة صالحة ويسعدك مع زوجك


وشكرا لمرورك العطر

[z.abdo]

المشاركة الأصلية كتبت بواسطة جسر الأمل

الله يعطيك النو اللي تصب عليك وماتنشفش علاه؟؟؟؟؟ كنت باغية نحط هذا الميضوع ههههههههههههههههههههههههه ماعليش هههههههههههههههه

شوف خويا انا ماجربتش ومانقدرش نحكم رغم القصص اللي سمعتها وصح قليل وين تلقى وفاااااااق بين الكنة والعجوزة.
المهم الحل هو الصبر ياتدفنها يا مانيش عارفة ههههههه
بصح على حساب مانعرف في الغالب تلقى العجوزة ظالمة بحكم الغيرة والألم اللي عاشته كي كانت عروسة، ونسبة قليلة تلقى فيه الكنة واعرة

تقبل مروري

آمني لكن إن شاء الله ننشف من النو هههههههههه


شكرا لمرورك أختي

[z.abdo]

المشاركة الأصلية كتبت بواسطة lydia istanboul

السلام عليكم بصراحة أنا استغرب لما كل هذا التهجم على الكنة من بعض الشباب او الشابات و يا أخي لي يحب يماه يطيعها و يحبها مش يعود يشوف اي عنصر جديد كزوجة الاخ كشيطان وجب تحطيمه؟ و الله أمرهم عجيب شو انا من رأي و موقفي ككنة مستقبلية اقول شي العقل و الشرع و المنطق يقول ان الشخص الوحيد التي تجب علي طاعته هو زوجي و بسسسسسسس ايه نحترم الباقي لكن لم يؤمر الاسلام بأي طاعة لاي شخص عدا الوالدين و الزوج و يضحكني بعض الناس الي يقولو الكنة تريد بيت وحدها اذن تريد تتحكم فيك؟ سبحان الله هل الرسول صلى الله عليه و سلم سكن عائشة عند اهلو جدو او او ؟؟؟؟هل هذه سنة ام فرض راكم تنتقدة في العرايس اذا كرهوها؟؟ ايه نعيش وحدي و نربي ولادي كيما نحب و الرجل الكامل الرجولة ما يخلي حتى واحد يحكم فيه يعني واثق انو عيشتو مع الزوجة مش رح تأثر على وصلو لأمه و المنطق يقول ان الكنة وحيدة بين ناس جدد وجب اللين على العجوزة و بناتها حتى تتعود عليهم مش العكس لكن ربي يهدي العباد مهمش راحمين ولادهم و خاوتهم فما بالك المسكينة الدخيلة

بارك الله فيك لكن ليس كل واحد يرى ان زوجة أخيه شيطان كما قلتي


انا عندي زوجات أخي يحترموني إحترام كبير وكذالك انا بدوري أحترمهم ولا أظلهم ولا عمري فكرت من جهتهم النقص أبدا

بالعكس أحيانا أدافع عن حقوقهم عند أزواجهم أو احيانا أنصح أخي بالخروج بالتفسح مع زوجته يعني بصراحة حاسهم أمانة عدنا في الدار


شكرا لمرورك أختي

[z.abdo]

المشاركة الأصلية كتبت بواسطة ع/ش

السلام عليكم
الخاسر الوحيد هو الزوج
يخسر صحنه وراحته
من المفروض أن الزوجة إذا سكنت وحدها لا تتدخل بين الزوج وإخوته وأمه
وأيضا الأم وبناتها من المفروض أن يتركن الزوجة في حالها
الحل هو أن يقضي الرجل جل وقته خارج المنزل أي
الهروب هذا هو الحل الوحيد لأن المشكلة صعبة
صراحة
شكرا لك

بارك الله فيك اخي بالفعل أحيانا يتهرب الزوج من البيت بسبب المشاكل


كذالك هناك زوجات لما تقسم بين الزوج واهله في السكن تحب تقسم حتى في القلب بين الزوج وأهله مثلا تبدي إنزعاجها لما يزور أمه أو اخيه أو اخته


شكرا لمرورك

[حنيني24]

الســـــــــــــــــــــــــــلام عليـــــــــــــــــــــــــــــــــــــــــكم
-
في الحقيقة،،، لا أريد ان أميل لأي طرف
-
إلا أنني أريد ان أوضح،، أنه إذا سكنت الزوجة مع أهل زوجها فهذا لا يعني،،، أنه يحق لهم أن يتحكموا في حياتها،،، ويتدخلوا في شؤونها،،،
-
وعلى الزوج ان يثبت شخصيته،،،
و لا يسمح لأحد أن يتدخل في حياته الزوجية،،
-
نجد أن هناك بعض الشباب وخاصة منهم الملتزمون،،
يعتقد بانه إذا عصى أمه في أمر،، يخص حياته هو وزوجته،،، فهذا يعني أنه ،،، آثــــــــــــــــــــــــــــــم،،،
إلا أنه،،"لا طاعةلمخلوق في معصية الخالق"
-
كأن تقول أم الزوج لإبنها"طلق زوجتك"
فهنا لا يحق لها،،،
-
والزوج الذكي من يمسك العصا من الوسط،،،
فلا يغضب امه ،،، ولا يظلم زوجته،،،
-
إذا اشتكت له أمه ،، من زوجته،،، فيسمع لها،،، بعدها،،، يبرئ زوجته أمام أمه ،،، ويمدحها هي أيضا،، كأن يقول لها،، انت البركة،،، ومنك نتعلم،، هع هع
-
وإذا اشتكت زوجته،، من أمه،،، فيقول لها،،، ببر
أمي تتيسر أمور حياتنا،،، وانت غالية علي،، ويزيد غلاكي،،، لما أراك متفاهمة ،، مع أمي،،، هع هع
-
تقبل تحياتي

[z.abdo]

المشاركة الأصلية كتبت بواسطة حنيني24

الســـــــــــــــــــــــــــلام عليـــــــــــــــــــــــــــــــــــــــــكم
-
في الحقيقة،،، لا أريد ان أميل لأي طرف
-
إلا أنني أريد ان أوضح،، أنه إذا سكنت الزوجة مع أهل زوجها فهذا لا يعني،،، أنهم يحق لهم أن يتحكموا في حياتها،،، ويتدخلوا في شؤونها،،،
-
وعلى الزوج ان يثبت شخصيته،،،
و لا يسمح لأحد أن يتدخل في حياته الزوجية،،
-
نجد أن هناك بعض الشباب وخاصة منهم الملتزمون،،
يعتقد بانه إذا عصى أمه في أمر،، يخص حياته هو وزوجته،،، فهذا يعني أنه ،،، آثــــــــــــــــــــــــــــــم،،،
إلا أنه،،"لا طاعةلمخلوق في معصية الخالق"
-
كأن تقول أم الزوج لإبنها"طلق زوجتك"
فهنا لا يحق لها،،،
-
والزوج الذكي من يمسك العصا من الوسط،،،
فلا يغضب امه ،،، ولا يظلم زوجته،،،
-
إذا اشتكت له أمه ،، من زوجته،،، فيسمع لها،،، بعدها،،، يبرئ زوجته أمام أمه ،،، ويمدحها هي أيضا،، كأن يقول لها،، انت البركة،،، ومنك نتعلم،، هع هع
-
وإذا اشتكت زوجته،، من أمه،،، فيقول لها،،، ببر
أمي تتيسر أمور حياتنا،،، وانت غالية علي،، ويزيد غلاكي،،، لما أراك متفاهمة ،، مع أمي،،، هع هع
-
تقبل تحياتي

من البارح وانت داسة هذا الكلام في قبلك الحمد لله تكملتي دركا هههههههههههههههه


شكرا أختي لمرورك واعجبني كثيرا كلامك فيه حكمة

والمرة القادة لا تأجلي المشاركة ههههههههههههههههه

بارك الله فيك

[حنيني24]

المشاركة الأصلية كتبت بواسطة z.abdo

من البارح وانت داسة هذا الكلام في قبلك الحمد لله تكملتي دركا هههههههههههههههه


شكرا أختي لمرورك واعجبني كثيرا كلامك فيه حكمة

والمرة القادة لا تأجلي المشاركة ههههههههههههههههه

بارك الله فيك

هــــــــــــــــــــــــــع هــــــــــــــــــــــــــــــــــــــع ،،،،
يا اخي لا أخبئ عنك،،، الشيئ الوحيد الذي أوجع قلبي،،، أن زوجة أخي كانت سبب في التفرقة،، بيني وبين أعز صديقة لي،،،هذه سنتان،،، والله ظلماً،،
هناك من يقول ان أخت الزوج (تاني مشي ساهلة)
لكن والله شاهد على ما اقول لم أكن أتدخل في حياتها،،، لأنه كان لها نصيبا من البيت،،
لتكون مستقلة،،، في مطبخها،،، و،،،، و،،،،
ماذا عسانا نقول،،، لذلك فقدت الثقة،،،
وليست كل زوجة مظلومة،،،
اللهم اهدنا فيمن هديت،،،
وعافنا فيمن عافيت،،،
وتولنا فيمن توليت،،،
ونسأل الله أن يفطننا بعيوبنا،،،
حتى لا نرى أخطاء الناس،، ونسهى عن أخطائنا

[z.abdo]

المشاركة الأصلية كتبت بواسطة حنيني24

هــــــــــــــــــــــــــع هــــــــــــــــــــــــــــــــــــــع ،،،،
يا اخي لا أخبئ عنك،،، الشيئ الوحيد الذي أوجع قلبي،،، أن زوجة أخي كانت سبب في التفرقة،، بيني وبين أعز صديقة لي،،،هذه سنتان،،، والله ظلماً،،
هناك من يقول ان أخت الزوج (تاني مشي ساهلة)
لكن والله شاهد على ما اقول لم أكن أتدخل في حياتها،،، لأنه كان لها نصيبا من البيت،،
لتكون مستقلة،،، في مطبخها،،، و،،،، و،،،،
ماذا عسانا نقول،،، لذلك فقدت الثقة،،،
وليست كل زوجة مظلومة،،،
اللهم اهدنا فيمن هديت،،،
وعافنا فيمن عافيت،،،
وتولنا فيمن توليت،،،
ونسأل الله أن يفطننا بعيوبنا،،،
حتى لا نرى أخطاء الناس،، ونسهو عن أخطائنا

بارك الله فيك أختي حنيني على صراحتك


وبالفعل نحن لما تكلمنا عن الكنة ليس يعني ان جميعهن مظلومات كاين ربي يهديهم هم سبب المشاكل وهم سبب الفتنة

كذالك عن قولك فقدت الثقة نقلك لا تفقدي الثقة في الكنة لأنك ستصبحي كنة إن شاء الله


شكرا لمرروك والله اسعدت بهذا وبارك الله فيك

[امينة 1991]

المشاركة الأصلية كتبت بواسطة lydia istanboul

السلام عليكم بصراحة أنا استغرب لما كل هذا التهجم على الكنة من بعض الشباب او الشابات و يا أخي لي يحب يماه يطيعها و يحبها مش يعود يشوف اي عنصر جديد كزوجة الاخ كشيطان وجب تحطيمه؟ و الله أمرهم عجيب شو انا من رأي و موقفي ككنة مستقبلية اقول شي العقل و الشرع و المنطق يقول ان الشخص الوحيد التي تجب علي طاعته هو زوجي و بسسسسسسس ايه نحترم الباقي لكن لم يؤمر الاسلام بأي طاعة لاي شخص عدا الوالدين و الزوج و يضحكني بعض الناس الي يقولو الكنة تريد بيت وحدها اذن تريد تتحكم فيك؟ سبحان الله هل الرسول صلى الله عليه و سلم سكن عائشة عند اهلو جدو او او ؟؟؟؟هل هذه سنة ام فرض راكم تنتقدة في العرايس اذا كرهوها؟؟ ايه نعيش وحدي و نربي ولادي كيما نحب و الرجل الكامل الرجولة ما يخلي حتى واحد يحكم فيه يعني واثق انو عيشتو مع الزوجة مش رح تأثر على وصلو لأمه و المنطق يقول ان الكنة وحيدة بين ناس جدد وجب اللين على العجوزة و بناتها حتى تتعود عليهم مش العكس لكن ربي يهدي العباد مهمش راحمين ولادهم و خاوتهم فما بالك المسكينة الدخيلة

السلام عليكم , اظن ان طاعة الحماة من طاعة الزوج يعني اذا كنتي فعلا تحبين زوجكي عليكي طاعة المرأة التي حملته في بطنها 9 اشهر وربته وسهرت عليه الليالي .انتي عامليها مثلما تعاملين امكي واذا هي عاملتكي بالعكس فسيكون اللوم عليها هي .والله اعلم

[حنيني24]

المشاركة الأصلية كتبت بواسطة امينة 1991

السلام عليكم , اظن ان طاعة الحماة من طاعة الزوج يعني اذا كنتي فعلا تحبين زوجكي عليكي طاعة المرأة التي حملته في بطنها 9 اشهر وربته وسهرت عليه الليالي .انتي عامليها مثلما تعاملين امكي واذا هي عاملتكي بالعكس فسيكون اللوم عليها هي .والله اعلم

بوركت أخيتي،،،، وهذا هو الصواب،،،
رأيت بأم عيني من تنكر فعلا إذا قامت به زوجة أخيها،،،
وتــــــــــــــــــــــأتي هي به أو بأقبح منه،،،لأم زوجها،،،
فكما تحبي لأمـــــــــــــــــــــــــــــــــــــــــــك،،، أحبي لأم زوجـــــــــــــــــــــــــــــــــــــــــــــــ ــــــــك،،،
وكمــــــــــــــــــــــــــــــــــــــا تُديـــــــــــــــــــــــــــــــــــــــــــــن تُـــــــــــــــــــــــــــــــــدان،،،

[ريمة89]

السلام عليكم
اه اخي عبدوا شكرا على الموضوع دوك نبرد قلبي
اول حاجة انا نقول لجميع الاعضاء اللي عافس على الجمرة هو اللي يحس ويجي نهار كامل تجوزوا على الطريق هدا وراح تفهموا مليح علاه الكنة تهدر و..........
اولا انا كي العادة انا نعطي مثال بمن حياتي اليومية انا الحمد لله تزوجت وانا اللي شرطت على زوجي نبقى مع يماه مع العلم انوا لي طابق مستقل عنهم وهو قالي لالا انا نعرف دارنا وانا قتلوا يماك عجوزة وخطبتني وداتني نديرها فوق راسي وختوا خدامة منهار تزوجت دايرتها راجل مانتكل عليها فالخدمة فوالوا قلت هي كبيرة ومشي مزوجة وانا بنتها مزوجة امالا قلت مانحاسبهاش والله والله والله اني كي رحت لشهر البصل جات معانا قعدت شهر وانا ماقلت والوا كي جيت من شهر البصل لقيت عجوزتي وبناتها 3 واولادهم وازواجهم وحنا بقى 2 لرمضان واسكتت راجلي تقاتل مع يماه قالها رجالهم برانين كيفاه انا مرتي دوك ماتنحيش الخمار وراكوا تشفاو على رمضان والله داروني خديمة حتى اجهضت من التعب وكي راح رمضان وعيدوا معانا وحد النهار قلت لعجوزتي الحمد لله يايما جوزت رمضان وخدمت يبقى غير الصح الحمدلله جاز مليح غاضتني كي اجهضت برك قاتلي واحد ماقالك اخدمي انا بناتي هوما كلش فالدار هادي وانت وحدك حبيتي تبيني شطارتك تما بديت نفطن ونفيق والله انني مانيش نعاير بناتها ومن حقها بصح حتى انا عروسة جديدة مام نتفاهم ماراحاش نتفاهم مع 8 مستحيل والله انه فرمضان صرا فيا الباطل كي بقى نهار للعيد انا طحت فراش تقست وليت بالراقي والله مكارحمتني قاتلي روحي ليماك وراجلي راه يشوف فيهم المهم داويت ورقيت وبريت الحمد لله والله كلمت ماخرجتها من فمي بقيت نخم وهوما خدامات كامل كي يجوا يحبوا يريحوا عند يماهم ونا قاعدة فالدار والله عايروني ونا عندي 4 اشهر سمعت كلام عمري ماستنيتوا وسكتت قلت هدا هو الزواج وكل مرة عجوزتي تعطي المجال لبناتها يعيروا وهي تتفرج وتقولي بناتي ماعندهمش الزهر انت 20 سنة بنتهم ربي عطاك كلش والمرة الاخيرة انا راقدة في برطمتي انا وزوجي حتى جات ختوا فتحت الباب وبدات تعاير تما زوجي هدر قالي مانبقاوش هنا نرحلوا انا وياك مانتهناوش وانا والله ماحبيت
علابالك علاه خاطر عجوزتي جات تبكي وقاتلي ماضحكيش عليا الناس 7 شهر رحلتي وانا دوك نهدر مع بناتي والله ماهدرت ماوالوا المهم انا راجلي دارلي داري بعدها بصح مازالت الهدرة والمعايرة
انا راني طولت عمرها العروسة ماجي عند اهل زوجها بقلب كحل لالا على وجه زوجها تحمل بصح صدقيني الزوج كي يشوف دارهم كثروا راح ياخد القرار وحدوا
والله انا ماما راحت لكندا 3 اشهر الشهر اللي راحت فيه انا حملت فيه والله ما رفدوني ولا والوا شهرين عجوزتي ماسقسات عليا ماوالوا وساكنين دار وحدة وامبعد جات بنتها دارت اكسيدون دارت حالا وقاتلي انت اللي تخدمي وخدمت لوجه ربي والله انني كي راحت ماما شربولي المرار بالمغرف كي نقولها تشهيت تقولي كل واحد ليماه نا نمد لبناتي وانت يماك راحت وخالاتك واش نديرلم وانا نتوحم
ياختي باه تكرهي انسان ماشي هكداك برك انا الحمد لله جات ماما وبقى غير العيب
وهكداك ونقول عجوزتي خفت نرحل تموت ولا تمرض وتحصل فيا مع العلم انوا راجلي كل مايشوفهم ناضوا يقولي نرحلوا وانا ماحبيتش
انا باه نقولك العجوزة وبناتها ماشي كدب ولا لالا والله من حرقة قلبي فيهم وهدي يماه مانقدرش نقولوا ماشي مليحة انا تاني راح نولي ام بصح نعاملها كامي لوكان جات تعاملني كي بنتها راني طولت هدا مقتطف فقط من حياتي برك
انا نقول الدنيا هدي مكتوب كاين وين الراجل مليح ودارهم ماشي ملاح وكاين وين الدار ملاح وهوما ماشي مليح
انا الحمد لله راجلي ماشاء الله انسان رزين وكل مرة يوقف معايا قدام دارهم يطلع في عيني كثر خاطر انا ماعندي خويا ماعندي ختي عندي ربي وراجلي والحمد لله راني مهنية ضميري وراجلي راضي بكلش وانا راني صابرة حتى يفرج ربي
ههههه خويا عبدوا اسمحلي طولت
الموضوع حتى اليوم باه شفتوا يعطيك الصحة

[شمس 15]

يعطيك الصحه خويا على الموضوع يا خويا أنا راني حابه نسمع من عند لعجايز ألي كي تجيهم لعروسه يديروها خدامه يشوفوها شغل طياب نظافه كي شغل عبيد و كي يجو بناتهم المتزوجات تزيد تخدم عليهم.أنا عجوزتي كرهتلي الجزائر كي نجي هابطه نطير بالفرحه راني رايحه لأهلي و كي نهبط نندم ما تحبنيش نروح لدارنا و إذا رحت تحسبلي شحال قعدت يمه مسكينه قلبها يتقطع كي تسمعني راني في الجزائر بصح ما رانيش بحذاها و انا وحيدتها.هكذاك و ما نقولش نخليها في قلبي و راجلي يسمع ليماه تسمى نخاف نهدرلو يقولي راكي ديري فالمشاكل.و هذا المره مرضت من راسي ودار عجوزتي ما يحبوش لعروسه تخرج لازم غير لطبيبه و كي قلتلهم نروح لدارنا باش نروح لطبيب شيخي قالي أترزني أحكمي دارك تسمى لكان قلتلهم أدوني نتسوق ولا نحوس خلات هذا كل على التهمبير. المهم هاذي حكايتي ماشي معنتها كامل العجايز ماشي ملاح و ماشي كامل لعرايس ماشي ملاح كاين و كاين كاين شي عرايس هما لعجايز و لعجايز هوما لعرايس تلمو واعرات راني شفت بعيني الله ينزل الرحمه و نطلب من كل عروسه تخاف ربي في عجوزتها و ديرها كي يماها و كل عجوزه دره كي بنتها

[Lydia istanboul]

اخي عبدو لم قصدك لما قلت يرون في زوجة الاخ كشيطان و بارك الله فيك على وقوفك مع زوجات اخوانك و انا قلت كلمة بعض لعدم تعميم الوصف أما الاخت أمينة فأقول لك أطيع زوجي أكيد و أفرحه بإهتمامي و احترامي لعائلته لكن كلمة الطاااااااااعة راهي كبيرة يا حبيبتي و خلينا نبعدو على المثاليات شوي مثلا عجايز هاد الزمن يتحكمو حتى في مواعيد زيارة الكنة لأهلها ووووو هنا في رأيك لازم نطيع عجوزتي و الا انا اثمة؟ أعيد ما قلت و اكرر الطاعة للزوج و الوالدين و فقط اما الاحترام و الوصال فللجميع و الاقربون اةلى بالمعروف يعني الاسلام موصيني بالجار فكيف بأم زوجي اكيد اعاملها بالحسنى لكن يبقى لي وجودي و كياني و بيتي و استقلاليني و ما أفعله من طيب اثاب عليه و ما حفضته لنفسي من حقوق لن اعاقب عليه و الله اعلم