عرض زواج فهل تقبلين هذا الرجل؟ - الصفحة 5

Amouna.DZ · 2012-05-07, 18:38

[QUOTE=delpiero16;9865616]لكل رأيه سيدتي الفاضلة
تخرجت من الجامعة في 2007
الى اليوم لم اسمع ان هناك بنتا متعلمة لاتقيم علاقة غرامية مع شاب حتى ولو في الهاتف
والمؤسف ان 99% من هته العلاقات غير ناجحة
يعني ماضي اسود[/QUOTE

حرام عليك خويا تقول هذا الكلام أنا نعتبرو قذف في بنات الناس. ربي يهديكم هذا معندي ما نقول

بنت الحجاج · 2012-05-07, 19:44

حلاقة الشعر ممنوعة ؟؟؟

و الله شرطْ غريبْ جدًا !!

واش دخلو هو في شعرها ، المهم يكون باهي و خلاصْ !!

amina2688 · 2012-05-07, 22:08

اقتباس:

المشاركة الأصلية كتبت بواسطة delpiero16

شكرا لك اخية وسعيد بردك
والله نحب اللهجة نتاع الشرق ههههه
لكن اخيتي اسمعيني
سترك يا اخيتي في بيتك
خروجك من غير ضرورة يضرك
انت كنز مقدس وظهورك للعلن يفقدك قيمتك
وما الحلاق؟ بيت كلام يفسد طبعك
وماالسوق كلام الناس لايرحمك
ومايطيب القلب يارب الا بذكرك

والله 99% من برامج التلفزيزن نحن في غنى عنها

واسعد دائما بردك
انما هو نقاش
والإختلاف في الرأي فضيلة
ولكن ليس معناه اني احقد عليك
والله اسعد في كل مرة بردك

شكرا لك والله لا يشوفنا في الحقد ان شاء الله وانا اسعد بمشاركاتك وافكارك
صح هي ما هيش مليحة بصح انا وحدة من الناس لكان ما نشريش حوايجي بيدي ما نتهناش وما يعجبونيش
والانترنات والتلفاز عندي كي الماء والهواء ههههههههه علا بلي راح تعرضني معرضة كبيرةههههههههههه
وا ش تحب هذه هي انا وهذا هو اانسان بصفة عامة الحمد لله وكيما يقولوا الكمال لله
شكرا مرة اخرى اخي اعيز نتمنى تقبلني اخت ليك
بانتظار موا ضيع اروع واروع
لا الله الا الله

همسة مشاعر · 2012-05-07, 22:19

اخي انا نشوف راك متشدد علاه المرى كي تدخل في امور زوجها راهي عملت حاجة عيب انا صراحة كون منسقسيش راجلي مالي خرج حتى رجع واش دار منكونش مرى نكون بكوشة ولا عندي حالة تاع وحدة مهبولة ومنكونش نستاهل راجل بالعكس انت اذا تزوجت ومرتك متسقسيك حتى على شي راح تنفجر كي تتزوج ذرك تشوف لازم تسقسي على الخدمة وعلى حالو مرتاح مش مرتاح المرى راهي نصفك الاخر كي تتزوج ذرك تحس
اما التلفزيون شوي شويا علاه الوحدة متعرفش صوالحها راهي متزوجة تعرف الي عليها والي ليها

وشعري راني كي نقصو هذي تسمى زينة الحق منوافقكش راك متشدد
الخرجة منقدرش نقعد في الدار ديما لازم نخرج مع راجلي انا منخرجش وحدي مي لازم زوجي يخرجني نشوف الخلق

همسة مشاعر · 2012-05-07, 22:29

اقتباس:

المشاركة الأصلية كتبت بواسطة الماسة النادرة

نندب عليه هذا ماشي زوج هذا يخدم في حبس قوانتنامو واش خلاصو الرجال نعطي نصيحة لكل رجل مثله يروح يشوف كاش طفلة عندها عام ملي زادت ويربيها ومنبعد كي ولي في عمرها 18 سنة يتزوجها باش يضمن بلي مدارت والو ههههههههههههههههههههههههه وزيد كل خاين مشكاك هاذي متنساوهاش كاين الي يكون داير رايو ومنبعد يقول تبت ويبدى يخرج في االعقد ديالو في الماضي مع مارتو

هههههههههه اختي هذا يحوس على وحدة عندها كابة منعدمة من الحياة انا كلش توقعتو غير منتفرجش التلفزيون والنت مستحيل وزيد منسقسيشو على خدمتو قسما باله ننفجر ولا نتبلوكى كامل

issame0101 · 2012-05-07, 22:54

السلام عليكم

الآن فهمت أنه من الأفضل أخذ الشروط نقطة بنقطة يكون أفضل

1- شاب يكسب قوت يومه يعني على قد الحال (التقوى و صلة الرحم من متطلبات الزرق كما أنه حتى لو كان غنيا فربما قد لا يدوم الحال) يعني هذا الشرط من المفروض أن يكون مقبولا عند فتاة من نفس المستوى المادي ، و حسب قناعتها لو كانت ثرية.
2- غير وسيم ولامفتول العضلات ماشي بوغوس . ليس الجمال بأثواب تزيننا. إن الجمال جمال العلم والأدب , و لكن كما هو يحب أن تتزين له فمن المفروض أن يتزين لها (يقول تعالى (و لهن مثل الذي عليهن بالمعروف))
3-متدين غير متشدد .... شرط جميل و معظمهن يفضلن هذا النوع (بدون افراط ولا تفريط).
4- يطلب منك ارتداء الجلباب (شيء جميل أن تعلم النسوة أن تلك العباءة ليست في حقيقتها حجاب إنما تلبس تحت الحجاب) و أنا شخصيا أظن أنه عليه أن يقنعها و لينظر إلى قلبها ذلك هو الأفضل (رأيي الشخصي)
5- الحمام والتسوق ممنوع (الحمام من المفروض ليس فيه خير و بخاصة في عصرنا مع تطور التكنولوجيا) أما التسوق ففي الحقيقة لا يرجى الخير من الأسواق (لكلا الجنسين) و لكن من المفروض أن يصطحبها لشراء بعض حاجياتها الخاصة و ربما تجهيزات البيت للأخذ برأييها لما لا؟؟ تؤنسه و يؤنسها (ما أروع زوجين يمسكان بأيدي بعض و يتنزهان)
6- العمل ممنوع (حسب قناعتها و طبيعة عملها) فأحيانا أيضا لا يرجى الخير من الجلوس في البيت (أتمنى أن تفهم قصدي) لأنها مهما حاولت تشغل نفسها .... ستجد الفراغ
7- تطبيق الشريعة الأمر يتوقف على مفهومه للشريعة (فالشريعة هي ما شرعه الله لعباده من عقائد و أخلاق و عبادات)
8- عدم مشاهدة البرامج التلفزيونية غير الدينية (اضافة إلى الأشرطة العلمية و قنوات العلوم و التجارب و بعض أفلام الكرتون ... اصلا أنا لا أشاهده كثيرا لا تعجبني تفاهات الغرب)
9- من غير عم أوخال لايجوز التكلم مع اي من الأقارب غير المحارم (نحن نتكلم عمن هو ليس بمتشدد!! يمكن التكلم و لكن بحضوري و حسب صلة القرابة مع هذا الشخص، المثل يقول الناس لبعضاها ... راك كي تقطع على الناس الناس يقطعوك)
10-يقيم مع عائلته ... عادي جدا
11- لاتصافحي ولاتكلمي غير محارمك .... هذا الأصل
12- كشف الرأس ممنوع .......... ما عندكش فيها شك... راح نجيبها ليا و لا للناس ؟؟؟ هههههه
13- حلاقة الشعر ممنوعة.... هنا يجب التفريق بين الحلاقة و التقصير (يمكن للمرأة أن تقصر في شعرها على أن لا يكون ذلك تشبها بالرجال (هناك ضوابط شرعية كأن يأذن لها زوجها، أن تحلق لها امرأة،أن يكون إلى شحمة الأذنيين))
14- وضع الزينة ممنوع ....... اكيد تتزين ليا أنا أو في أعراس النساء (حفلات) تغطي وجهها و أنا نوصلها بالسيارة
15- واجب عليك ان تتزيني له كل ليلة ........ اكيد ماش كل ليلة و لكنما كل ما ندخل للدار
16- التدخل في عمله وسؤاله تلك الأسئلة التافهة ممنوع ...... لا لا هذا ليس شرط عقلاني.. تسقسيني و نقصرو و نقعدو نشربو قهوة و شاي .. و نشاركها همومي و أفراحي. تسأل واش تحب و تهدر و اكيد في بعض الأحيان راح تصمط و لازمك تتحمل .. لأنك أنت أصلا (أيها الزوج) و فيك عيوب.أنا شخصيا كون ما تصقسينيش ما نقبلش راح نحسها غير مهتمة.
17- ممنوع الخروج من المنزل من دون موافقته حتى ولو جاء ابوك من اجل العرضة ... أظن بأنه كل من هي ذات خلق و أصل علابالها بهاذي
18-يحبك ويصونك........ لازم
19- يعطيك حقوقك الشرعية كاملة غير منقوصة ....... نحاول و نتعاونو على كلش (سلبياتي تغطي عليها بايجابياتها و سلبياتها نغطي عليها بايجابياتي)
20- الصلاة عماد الدين وكل ليلة تقرئي له ماتيسر من القرآن (تقرالي و نقرالها و نسمعوا مع بعض و نحكيو و نقصرو و نبحثو في الانترنت)

أهم شيء لا تكن لينا فتعصر و لا صلبا فتكسر

lilou f lilou a · 2012-05-08, 08:45

والله هلكتها بالشرووط يا الزين

الماسة النادرة · 2012-05-08, 09:36

اقتباس:

المشاركة الأصلية كتبت بواسطة delpiero16

الماسة النادرة

شوفو حنعطيكم اجابات باش نضحكو هذا مان 01لوكان يترفه يزوج عليك بلاكي منو02كي تشوفيه فاليل يخلعك تقل كوشمار 03الدين مليح معندي ما نقول04كي مايخلصش الفاتورة تاع الما وين تروحي وزيد كي تحبي تاكلي بيتزا شكون يشريلك وهو مانش 06ممنوع كييخلاصولو دراهمو منين يروح يسلف 07هاذي تان منقول فيها والو 08 وكيفاش تشوفي الحلقة الاخيرة تاع المسلسل الي كنتي تشوفيه في دار بباك 09 شوفي ديري خالك هو المرسال بينكم مع غير المحرم 10عايش ب12 13تولي كي طرزان 14كي يخرج برى يشوف في لخرين انت بلا متعيي روحك15 تندبي عليه الموت وتعطي الراحة وهو لالا 16اكيد باش يدير غرضو 17 لوكان يجي بباه يولي يشطح وحدو وحدو بصح بباك لالا 18تحبو حبة يخرجلك عمرك ويقولك نحبك لالا يخليه عندو 019 وشمالحق الي بقى بقى غير حق الموت 20كل واحد يقرى لعمرو ولا يشعل قناة العفاسي ويسمع على روحو نتمنى تكونو ضحكتو شوية وطلع المورال المرة الجاية نديرلكم شروط للراجل وتشوفونخرجلهم عينيهم :

الماسة النادرة
01- لوكان يترفه يتزوج عليك وين راه المشكل؟ (((( وانكحوا النساء مثنى وثلاثى ورباعى..... )) لكن يجب العدل (( وان خفتم ان لاتعدلوا فواحدة))
02- تشوفيه فالليل يخلع على خاطر مسكين نهار كامل وهو خدام وهو ماشي كيما مهند والكوسوفي ديالكم راني قتلت ماشي بوغوس وعلا تقبلي بيه حتى يخلعك في الليل
04- يا أنسة هو يدبر راسوا وان كنت مراة صالحة اصبري حتى يخلصلك الفاتورة تاع الماء وعلاش نتي جاتك غير ع البيتزا ؟ كولي الكسرة والله نتي شاطرة غير في الهدرة ويديك معوجين ماتعرفي الطيبي والو؟
06- لا آنسة الراجل ماعندوش الحق في دراهم المرءة حتى لوكانت عندها ملايير هكذا قال ربي سبحانو
08 غير ماكان لها تشوفي الحلقة الاخيرة عللى خاطر هو يديرلك مسلسل خاص بعنوان عذاب القبر والحلقة الأخيرة تحت عنوان ((( مناقشة الحديث الشريف رأيت أكثر اهل النار النساء..)) و الخاتمة تكون ب عنوان يؤتيه الله 70 من حوريات الجنة
09- ياعمري ماتخونيش زوجك ومانظنش خالك يكون كي البابور يدي ويجيب هاهاهاها
10- نتي تاني عندك خوك ووالديك مايقبلوش يتزوج بوحدة وتديه بعيد لالا؟
13- اختي طرزان مليح وانت تعرفين ان الشعر الطويل للمرأة فاتن وسر الجمال
14- ختي قلنا تطبيق الشريعة وزنى العين النظر(( قل للمؤمنين يغضو من أبصارهم
15- علاش تندبي هو يندبلك لوكان ماتكونيش مليحة
16- في القرآن يقول ولاتواعدوهن سرا (( أي غرض يديرو
17- علاش ؟ باباه ديجا ساكن معاه وباباك رهو ضيف ع العين والراس
18- ياخاه نندب عليك
19-كلنا ميتون
20- ماأراد ذلك الا ان تكسبي اجرا عند الله وبكل حرف تقرئينه حسنة والحسنة بعشر امثالها ويضاعف الله لمن يشاء الى 700 ضعف

المرة الجاية قبل ماتكتبي شروط الراجل يالله بالخف فكري راكي حابة تكوني زوجة صالحة بأسرة مسلمة صالحة
أم طالحة بمفهوم غربي معادي للأسلام

يا خاه نندب عليك نتي باينة من الشرق هوما لي يقولو نندب

اولا انا بنت العاصمة ابا عن جد 02انا قلت نمد اجابات باش نتسلاو ماشي باش تقعد تنظر عليا 03انت واش هي الصفات الي فيك باش تقدمها للمراة ولا غير تمدلها حقوقا شوف يا اخي لاتكن رجعي ومتخلف الان المراة تعمل طيار وجراحة واطار سامي ورئيسة دولة واش هذوا النساء في رايك خارجين الطريق ولا واش كاين نساء 100 راجل ميجيش في ظفرها لكن كاين رجال عندهم عقد تجاه المراة ونجاحها اذا يتخباو وراء الدين ويلبسو عباءة يخبو بيها شعورهم بالنقص ونزيدلك حاجة انا يا اخي انا درت دراسات عليا في البتروكمياء في المعهد الوطني ببومرداس والان انا متزوجة وماكثة بالبيت ليس لان زوجي متخلف بل لاني اردت ان اشعر بالسكينة في بيت الزوجية ونزيدلك راجلي هو الي يشجعني دائما للعودة الى العمل يقولي مدامك راكي في اوج عطائك علاش متكونيش عنصر فعال في المجتمع لان فهمت يا اخي على كل حال انا كنت اجرء منك وحكيت على نفسي ماشي قاعدة نمد في النظريات كيما انتا يا محترم

delpiero16 · 2012-05-08, 10:00

Amouna.DZ

أخيتي الكريمة
عندما قلت علاقة غرامية لا أعني بذلك الفعل المخل بالحياء........... هذا غير مقبول والرجاء ان تفهمي قصدي
لكن شئتي ام ابيتي هذا واقع الحال وان كنت انت او من تعرفينهم غير ذلك فأنتن من القلة القليلة
ووالله انم اهو موجود ابعد مايكون من الإسلام في شيئ واحدثك من واقع الحياة وانا عن نفسي أقسم لك برب العزة ان عمري لم اتصل أو اكلم فتاة في غير شرع الله، ولا أخفيك سرا عرفت فتاة في الجامعة في 2002(تاريخ دخولي الجامعة، كنت شابا صغير السن لديه أحلاف الطفولة البريئة) أعجبتني طرحت عليها الفكرة رفضت ومن بعدها الى يومنا هذا لم اكلم اي فتاة لا هاتف ولا حقيقة مع اني املك خط هاتفي مفتوح واستطيع الكلام ليل نهار
لدي اتصال بالكثير من الفتيات في الإنترنت لكن كل من تنطق بلسان عربي لا أكلمها ليس انقاصا منها لكن لا اريد ا ن اقع في ماحرم الله
من اوروبا وامريكا نعم بخلاف ذلك لا أقله ان مع الخارج استطيع المحافظة على اللغة الأجنبية ولا سبيل الى الوقوع في ماحرمه الله ونتحادث فقط في امور ثقافية

بنت الحجاج
انا نشوفها باهية غير بالشعر واللي تقص شعرها نشوفها راجل هههه وماشي باهية هكذا حبيت انا
وانت تختارين لنفسك اسم بنت الحجاج
واتمنى ان تقرئي تاريخ الحجاج الحقيقي وليس التاريخ المزيف
وستجدين ان شاء الله مايسرك

amina2688

ههههه آآآآآآآآآواه لا لا مافيهاش تشري حوايجك بيدك هذه غير فوتيها ههههه
يا ما نندب عليك انتي مدمنة على التلفاز والانترنت؟؟؟؟ نتمنى ماتكونيش معوجة اليدين وماتعرفي ديري حتى حاجةن هكذا تولي تاكلي غير الكونجلي والبيتزا والقاطو ههههه
وبما انك مدمنة انترنت ادخلي صفحة
Islamweb.net
شوفي دروس عائض القرني واختار لك درسه تحت عنوان "الحب"
وخير الخطائين التوابون
انت اختي في الإسلام واللغة والبلد وأعتز بان تكوني أخيتي وشكرا لك

همسة مشاعر

يا ما واش راه يستنى فالمخلوق راجلك لا لا يا اختي غير كوني بكوشة وماتندبيلوش هكدا ههههه
اختي ماعليش تسقسيه راك مرتاح لا لا الخدمة ماشية لالا هذي ماشي عيب بالعكس تفرح لكن تسقسيه واش درت وين رحت وعلاش تكلمت مع هذا وهذه.................... راح يموت مسكين
اما التلفزيون اختي احسبي شحال كاين قناة للهو والمجون والفسق؟؟؟؟؟؟ ايا الغالبية الجزائرية دايرة نايل سات فيه 735قناة مفتوحة 100 عراقية 100سورية لبنانية اردنية 100ليبية تونسية جزائرية مغربية سودانية 100 مصرية والباقي خليج
انا نقلك راكي تبعي في حوالي 60 قناة لا اكثر 50 للغناء و10 دراما وافلام ولا راني غالط؟ظ؟؟؟؟؟؟؟ بيناتنا قولي لي انك ماتشوفيش قناة وناسة؟ ولا ميلودي؟ ولا دراما؟ ولا عرب قوت تالنتس
والمشكل والله ماهو هنا والله المشكل الكبير في قناة الرقص الشرقي يا ما نندب عليكم
والنبي امر بقص اطراف الشعر التالفة وفقط
ومافيها والو مرة على مرة تخرجي ديري دورة في السيارة ههههههه
ماتنفجريش غير اذكري ربي ترتاحي
ههههه شكرا اخيتي الكريمة

issame0101

شكرا اخي لكن والله ان تمعنت في الأمور ستجد هذه الامور عادية ولانحكم على الامور من الظاهر كل شي عادي انا ماجبتش هذا من عندي كلو من شرع ربي
بالنسبة للعمل خويا العزيز لا ماتخرجش ومين ذاك وين راه المشكل تخرج هي ويماك تديرو تحوسة الغنسان يريح شوية ومرة على مرة تزورو الأقارب هكذا الانسان مايكونش مخنوق
كي تتزوج جديدة ديجا ماعندهاش الوقت وتكون فرحانة والا كاين الوقت ومالقات واش الدير اتخدم الكروشي هههه ولا دير حوايج تخدمهم للدار ههه والا كانت ماتعرفش تتعلم وان شالله بعد عام ولا زوج ربي يرزقها بالولاد ومن بعد والله المسكينة ماتلحق روحها
بقي فقط ان تسأله ، اخي الكريم وعلاش ماتظنش راني متخلف انا نقلك الراجل يحب هو يجي يسهر مع مرتو ويحكيلها وتحكيلو هذا يزيد في الروابط بيناتهم وهذا واجب شرعي لكن انا تكلمت على الأسئلة التافهة واش درت وين رحت مع من تكلمت وعلاش هدرت مع هذا...... هذا يرجع الراجل مهبول
وتكر اخي الكريم ان الإسلا م دين وسطية واعتدال
وتذكر ان السنابل الممتلئة تنحني تواضعا والفارغات يبقين الى السماء

lilou f lilou a

والله يا اختي الكريمة ليست شروط لكن فكري جيدا من الناحية الدينية وستجدين راحة النفس

تذكروا اخوتي الكرام ان هذا ماهو إلانقاش ونحن نتكلم عن الحياة الواقعية ونحترم آراء بعضنا

delpiero16 · 2012-05-08, 10:01

الماسة النادرة
لك مني كل احترام لكن سأرد عليك بعدا هذا الرد
اختي الكريمة انتي قلت اجابات باش نتسلاو معليش وانا ماقلت والوا غير رديت عليك وماقتلكش كلام خارج عن الادب انا فقط اردت ان نعطيك ابتسامة
الصفات اللي مندها للمرأة هي الصفات الموجودة في الشريعة الإسلامية وان كان لديك اعتراض على شرع الله فذالك امر لا حيلة لي فيه
اقبل ان اكون رجعيا ومتخلفا ان كانت شريعة الغسلام متخلفة
الرأة تعمل طيار؟؟؟ هل رايتي مسلمة بحق تعمل طيار؟؟؟ تلبس لباسا رسميا من دون حجاب وتختلي بالرجال في قمرة الطائرة؟؟؟؟؟
واين تلك الإطار السامي؟؟؟ في ماذا؟؟؟؟؟ واقسم لك بالله العلي العظيم اني استطيع ان آتيك بكل دليل تتطلبين حول اي امرأة في الحكم لأثبت لك انها بعيدة كل البعد عن الإسلام
رئيسة دولة؟؟؟؟؟؟ يعني سياسية ههههههه اتعرفين ماهي السياسة؟؟؟؟؟ وتاريخ كل سياسي؟ ثم في الدول الإسلامية أعطيني اسم رئيسة دولة أو مشهورة لأعطيك تاريخها
ماعليش كاين نساء 100 راجل مايجيش في ظفرها لكن هوؤلاء النسوة قرن في بيوتهن ولم تختلطن بالرجال وان كان لديك دليل غير هذا اعطني اسما وساعطيك تاريخا
لا يا اخية الرجل لا يختبئ وراء الدين لإخفاء النقص والرجل لا يكون رجلا الا ان عرف حدود الله فأقامها
انت قلت (والان انا متزوجة وماكثة بالبيت ليس لان زوجي متخلف بل لاني اردت ان اشعر بالسكينة في بيت الزوجية)
انت بهذا تناقضين نفسك تجدين السكينة في بيت الزوجية ؟؟؟ وتقولين اطاراااا؟؟؟؟
دراسات عليا في البتروكمياء في المعهد الوطني ببومرداس
الله يبارك ويزيد معليش قلت انك أجرأ مني وتكلمت على نفسك؟؟؟؟؟
دراسات عليا وماقدرتيش تفهمي باللي انا كاتب الموضوع يعني وجهة نظري وفي الردود أوضحت للجميع مافكر به يعني انا تكلمت على نفسي ونزيدلك
انا متخرج من المدرسة العليا للإحصاء والإقتصاد التطبيقي ببن عكنون في العاصمة ( المعهد الوطني للتخطيط والإحصاء سابقا) وانا من باتنة
والنظريات تزيد في اثراء النقاش وقلت اني احترم رأي كل شخص يا اخية
ردك فيه الكثير من التهكم والإستفزاز الخارج عن الإطار هداك الله لما يحب ويرضى

همسة مشاعر · 2012-05-08, 10:11

اخي الكريم انا منوعدكش باش نكون مع زوجي كتومة ومنسقسيش ياسر اغلبيتنا نحنا النساء هكا واش نديرو
اما على القنواة راني عمري 27 سنة واذا تزوجت ممكن نكون 30 يعني راني كبيرة ياسر على اني نتفرج قنواة لهو والله مزال مليح ليا عمري وصل 30 وانا مزلت مشبعتش من التلفزيون
؟

نقلك في وقتنا هذامبقاش فيه مرى تافهة للدرجة هذي ذرك كاين النت كاين هوايات ياسر المرى تخدمهم في البيت وتستغني علي التلفزيون
انا نتفرج مولدي افلام كي يكون فيلم مليح ونكون فاضية شغل
اما قناة وناسة منيش مراهقة ولا تافهة نشد الكموند ونحكم قناة بنات ترقص و الدنيا قايمة قاعدة على ناس لا دين لاملة
الحمد لله عندي الخياطة وعندي شغل الدار نشغل بيهم روحي
مش اي مرى عندها تليفزيون تتفرج كلش ونحنا رانى كبار نعرفوالحلال من الحرام
اما الشعر روح لناس تفتي تقلك الحرام في القص هو التشبه بالرجال انا منقدرش نخلي يشعري طويل بلى سبيغة وبلى قص

delpiero16 · 2012-05-08, 10:16

اقتباس:

المشاركة الأصلية كتبت بواسطة همسة مشاعر

اخي الكريم انا منوعدكش باش نكون مع زوجي كتومة ومنسقسيش ياسر اغلبيتنا نحنا النساء هكا واش نديرو
اما على القنواة راني عمري 27 سنة واذا تزوجت ممكن نكون 30 يعني راني كبيرة ياسر على اني نتفرج قنواة لهو والله مزال مليح ليا عمري وصل 30 وانا مزلت مشبعتش من التلفزيون
؟

نقلك في وقتنا هذامبقاش فيه مرى تافهة للدرجة هذي ذرك كاين النت كاين هوايات ياسر المرى تخدمهم في البيت وتستغني علي التلفزيون
انا نتفرج مولدي افلام كي يكون فيلم مليح ونكون فاضية شغل
اما قناة وناسة منيش مراهقة ولا تافهة نشد الكموند ونحكم قناة بنات ترقص و الدنيا قايمة قاعدة على ناس لا دين لاملة
الحمد لله عندي الخياطة وعندي شغل الدار نشغل بيهم روحي
مش اي مرى عندها تليفزيون تتفرج كلش ونحنا رانى كبار نعرفوالحلال من الحرام
اما الشعر روح لناس تفتي تقلك الحرام في القص هو التشبه بالرجال انا منقدرش نخلي يشعري طويل بلى سبيغة وبلى قص

ربي يجيب اللي فيه الخير اختي وماصبرك الا لله
بقي بضعة شهور لأصل الى 30 والى اليوم لم افكر في الزواج أصلا
واتمنى من كل قلبي ان لا تشاهدي ميلودي افلام لانها أقبح قناة عربية

والسكينة والسعادة لن تكون الا بذكر الله

همسة مشاعر · 2012-05-08, 10:24

اقتباس:

المشاركة الأصلية كتبت بواسطة delpiero16

ربي يجيب اللي فيه الخير اختي وماصبرك الا لله
بقي بضعة شهور لأصل الى 30 والى اليوم لم افكر في الزواج أصلا
راك تحكيعلى روحك ربي يسهلك خويا وتلقى زوجة لكن نسقسيك راح تكون فيها الشروط هذي ولا لا كي تلقى وحدة اعلمني اوك باش نباركلك
واتمنى من كل قلبي ان لا تشاهدي ميلودي افلام لانها أقبح قناة عربية
اوك خويا راح نبطل نتفرجها وعد بالرغم اني منتفرجش ديما
والسكينة والسعادة لن تكون الا بذكر الله

امين ربي يسكنا راحة البال والايمان

delpiero16 · 2012-05-08, 10:38

اقتباس:

المشاركة الأصلية كتبت بواسطة همسة مشاعر

امين ربي يسكنا راحة البال والايمان

آآآآآآآآآميييييين يارب

همسة مشاعر · 2012-05-08, 10:48

ربي يسهلك خويا وتلقى زوجة لكن نسقسيك راح تكون فيها الشروط هذي ولا لا كي تلقى وحدة اعلمني اوك باش نباركلك