لن تتزوج إذا قبلت بشروط الخطوبة....... - الصفحة 4

morad81 · 2012-04-28, 18:38

اقتباس:

المشاركة الأصلية كتبت بواسطة *أمنيآت لآمتنآهية*

ربما لانني بنت اوافق ما يفعله الاولياء،فالبنت تعبت وسهرت وعانت في دراستها وحق لها ان تعمل بعد كل ذاك الجهد
سؤال واحد يشغلني،يتوجه الخاطب الى اهل التي يودها زوجة علما انها عاملة ويودها ان تتخلى عن عملها فلم لا يختصر الطريق ويتزوج واحدة ماكثة في البيت مباشرة؟؟
مقتنعة انا بشيئ واحد لن اتخلى عن عملي الا إذا رأيت ان زوجي رجل صالح لن يتخلى عني بمجرد تخلي عن العمل،أعلم جيدا أن المرأة خلقت لتبقى في البيت لكن صدقا الظروف من جبرتنا على العمل
لا تستاؤوا أيها الرجال لكل ظروفها فدعوها تعمل حتى تقتنع أن البيت احفظ لها وأستر
رزق الله شبابنا وبناتنا زوجات صالحات وأزواجا صالحين

ميول الرجل الى المرأة المتخرجة طبعا يريد من توافقه وتعليش مستواه ...وقد يكون قادر على التكفل التام بما تريده ......فلا حاجة له في عملها.

عُضو مُحترم · 2012-04-28, 18:54

اقتباس:

المشاركة الأصلية كتبت بواسطة rihanna

أنا من تيزي وزو
عندنا السن الوسط للزواج هو 26 سنة
أنا شخصيا و الله ما نقدر نتزوج على 20 سنة، يضيع عليا شبابي، تضيع عليا حياتي
أنا أحب الخروج مع الأصدقاء و السفر، فإذا تزوجت راح أبقى في البيت أرعى الأطفال و أعمل 24ساعة !!!!!!!!!! أمر فظيع
السن الذي أتمنى أن أتزوج فيه هو على الأقل 28 سنة حتى أتمم دراستي و أعمل و أستمتع بحياتي، ليس لنا إلا حياة واحدة
هذه أنــــــــــــــــــــــــــــــــا و أغلبية الفتيات عندنا

سقسي الامهات

على شعور الامومة و طفلها بين يديها؟؟؟؟؟؟

تتزوجي على 20

في سن 45 تكوني رايحة تزوجي بنتك او وليدك الكبير

و يكون عندك بنت تساعدك في الشغل

تتزوجي على 26 او 30

كي تلحقي 40 سنة او 45 سنة
يكون اولادك صغار وانتي يبدا جسمك في الضعف صحتك تضعف بسبب التقدم في السن

رايحة تتعبي في كبرك

عُضو مُحترم · 2012-04-28, 18:58

اقتباس:

المشاركة الأصلية كتبت بواسطة rihanna

أنا من تيزي وزو
عندنا السن الوسط للزواج هو 26 سنة
أنا شخصيا و الله ما نقدر نتزوج على 20 سنة، يضيع عليا شبابي، تضيع عليا حياتي
أنا أحب الخروج مع الأصدقاء و السفر، فإذا تزوجت راح أبقى في البيت أرعى الأطفال و أعمل 24ساعة !!!!!!!!!! أمر فظيع
السن الذي أتمنى أن أتزوج فيه هو على الأقل 28 سنة حتى أتمم دراستي و أعمل و أستمتع بحياتي، ليس لنا إلا حياة واحدة
هذه أنــــــــــــــــــــــــــــــــا و أغلبية الفتيات عندنا

ماجاوبتينيش يا اختي الصغيرونة ريحانا

على الموضوع تاع البارح؟؟؟؟؟

واش رايك؟؟؟؟

جسر الأمل · 2012-04-28, 19:44

بصح ياريحانا انت قلت مانتزوجش قاع، ماعليش مي بغيت نقولك حنا رانا نهدرو كل واحد يقول السن اللي يبغيه انت راكي تقولي 28 هاكدا، انا نقولك نهار يكتبلك ربي الزواج لابغا يكون عمرك 28 او 26، ونقولك حاجة ودوك تضحكي عليا شاتقولي لو كان نقولك غادي تضربي عام او زوج وتتزوجي، ههههههههههه انا مشي شوافة، مي اغلبية البنات اللي يخطوا لحياتهم وكانهن عارفين شاغادي يصرالهم يطيحو في العكس
يعني شكون قالك مثلا غادي تتزوجي في 28
انا مرانيش نقولك لازم بسيف عليك تتزوجي وانت صغيرة لاااااااااااا مشي هكدا، مي الوحدة كي تلقى واحد ولد فاميليا هداك هو الصح اذا حبك تكملي قرايتك او تخدمي نورمال

وكيما يقولك ناس بكري تجيبي ولادك وانت صغيرة ويكبروا معاك خير ماتجيبيهم وانت كبيرة
وبالتوفيق حنوووووونة

morad81 · 2012-04-28, 20:53

اقتباس:

المشاركة الأصلية كتبت بواسطة جسر الأمل

بصح ياريحانا انت قلت مانتزوجش قاع، ماعليش مي بغيت نقولك حنا رانا نهدرو كل واحد يقول السن اللي يبغيه انت راكي تقولي 28 هاكدا، انا نقولك نهار يكتبلك ربي الزواج لابغا يكون عمرك 28 او 26، ونقولك حاجة ودوك تضحكي عليا شاتقولي لو كان نقولك غادي تضربي عام او زوج وتتزوجي، ههههههههههه انا مشي شوافة، مي اغلبية البنات اللي يخطوا لحياتهم وكانهن عارفين شاغادي يصرالهم يطيحو في العكس
يعني شكون قالك مثلا غادي تتزوجي في 28
انا مرانيش نقولك لازم بسيف عليك تتزوجي وانت صغيرة لاااااااااااا مشي هكدا، مي الوحدة كي تلقى واحد ولد فاميليا هداك هو الصح اذا حبك تكملي قرايتك او تخدمي نورمال

وكيما يقولك ناس بكري تجيبي ولادك وانت صغيرة ويكبروا معاك خير ماتجيبيهم وانت كبيرة
وبالتوفيق حنوووووونة

صح كلام اللولين ما يتعاودش....يقولوا لازم ولادك يكبروا في ظهرك....أي تكون مازالك صغير وولادك كبار يعني.

مي يا جسر الأمل راهم ما يسمعوش لكلام...................و الصحة و الصغر غرارين.

hosbkaz · 2012-04-28, 21:22

اقتباس:

المشاركة الأصلية كتبت بواسطة rihanna

أنا من تيزي وزو
عندنا السن الوسط للزواج هو 26 سنة
أنا شخصيا و الله ما نقدر نتزوج على 20 سنة، يضيع عليا شبابي، تضيع عليا حياتي
أنا أحب الخروج مع الأصدقاء و السفر، فإذا تزوجت راح أبقى في البيت أرعى الأطفال و أعمل 24ساعة !!!!!!!!!! أمر فظيع
السن الذي أتمنى أن أتزوج فيه هو على الأقل 28 سنة حتى أتمم دراستي و أعمل و أستمتع بحياتي، ليس لنا إلا حياة واحدة
هذه أنــــــــــــــــــــــــــــــــا و أغلبية الفتيات عندنا

السؤال المطروح هل ضمنت انك ان لم تتزوجي وانت شابة تصبرين على ان لا تقعي في الحرام كل هذه المدة؟
هل ضمنت ان تعيشين الى ذلك الحين ؟
نعم قلت تريدين السفر والخروج مع الاصدقاء، الا تتوقعين ان تقعين في المحظور وتقع الفأس على الرأس؟
سؤال اخر بصراحة هل انت مسلمة ؟
بارك الله فيكم وفيكن اخوتي

همسة مشاعر · 2012-04-29, 12:57

اقتباس:

المشاركة الأصلية كتبت بواسطة بسمة محبة

السلام عليكم و رحمة الله و بركاته

هذه هو السبب لكثرة العنوسة من كلتا الجهتين سوء شباب ولا بنات

هوما يروحو غير لي مزالها متعرفش صلاحها و يقبلو كل شروطها و يتمرمدو على جالها و في الأخير تقوللهم بكل برودة ماتساعدنيش مانقبلش بيك.

و يخلي البنات الناضجات والواعيات قاعدين.

علاش الشباب مايخيروش لي تخرج عليهم مش لي جريهم ..

كاين بنات ما شاء الله يكملو قرايتهم و يكون عندهم مستقبل زاهر في ميدان الشغل و يتنازلو عليه من أجل الزوج الصالح.

اذن واحد ماحتم عليكم تستناو هادوك لبنات كاين لي يجيها مكتوبها لي يساعدها و انتم ديرو لي تخرج عليكم.

اه والله غير كلامك صواب يعطيك الصحةكفيتي ووفيتي بردتيلي قلبي برافوووووووووووووو

maya88 · 2012-04-29, 13:41

السلام عليكم عجبني الموضوع حبيت نشارك باالراي نتاعي انا راني مخطوبة فوت الباك مرة وحدة ومنجحتش كي حبيت نعاود جاني مكتوب مليح خدام وقادر على شقاه خممت وصليت وطلبت ربي وقلت في نفسي الزواج في هادا الوقت سترة للبنت ما تشرطتش عليه وشرطي الوحيد هو الهنى وسهلت عليه والحمد لله ثلاث سنوات وانا مخطوبة وهادى العام اذا ربي كان كاتب ان شاء الله نديرو العرس وانا نقول للمراة لي تعمل وتفضل العمل على الزواج يجي النهار وتندم

بني بلعيد · 2012-04-29, 13:58

المشكل ليس في السن الأنسب للزواج ، لأن ذلك من خصوصيات كل منطقة حسب عاداتها وتقاليدها ، ولكن المصيبة في الشروط التعجيزية للشاب عندما يتقدم لخطبة فتاة فيصبح غير قادر على الزواج ، وبذلك تضيع فرصة تزويج الفتاة لترتمي في أحضان العنوسة ، ذلك الهاجس الدي يطارد كل فتاة ، بفعل العادات والتقاليد البالية ، ألم يقول رسولنا الكريم( ص) : أقلهن مهرا أكثرهن بركة ، أو كما قال

Rihanna · 2012-04-29, 18:28

اقتباس:

المشاركة الأصلية كتبت بواسطة hosbkaz

السؤال المطروح هل ضمنت انك ان لم تتزوجي وانت شابة تصبرين على ان لا تقعي في الحرام كل هذه المدة؟
هل ضمنت ان تعيشين الى ذلك الحين ؟
نعم قلت تريدين السفر والخروج مع الاصدقاء، الا تتوقعين ان تقعين في المحظور وتقع الفأس على الرأس؟
سؤال اخر بصراحة هل انت مسلمة ؟
بارك الله فيكم وفيكن اخوتي

أما عن الحرام (؟؟؟؟؟)، أنت لست حيوان يا أخي، نقدر نشد روحي

أما عن الموت، ويلا مت واش ندير، هذاك هو مكتوبي كيما تقولو
أفضل نموت وحدي و لا نخلي ولادي يتامى

أما عن كوني مسلمة، عادة لا أتكلم في الأمور الدينية بالصح نقولك ... ماشي بزاف

Rihanna · 2012-04-29, 18:32

اقتباس:

المشاركة الأصلية كتبت بواسطة جسر الأمل

بصح ياريحانا انت قلت مانتزوجش قاع، ماعليش مي بغيت نقولك حنا رانا نهدرو كل واحد يقول السن اللي يبغيه انت راكي تقولي 28 هاكدا، انا نقولك نهار يكتبلك ربي الزواج لابغا يكون عمرك 28 او 26، ونقولك حاجة ودوك تضحكي عليا شاتقولي لو كان نقولك غادي تضربي عام او زوج وتتزوجي، ههههههههههه انا مشي شوافة، مي اغلبية البنات اللي يخطوا لحياتهم وكانهن عارفين شاغادي يصرالهم يطيحو في العكس
يعني شكون قالك مثلا غادي تتزوجي في 28
انا مرانيش نقولك لازم بسيف عليك تتزوجي وانت صغيرة لاااااااااااا مشي هكدا، مي الوحدة كي تلقى واحد ولد فاميليا هداك هو الصح اذا حبك تكملي قرايتك او تخدمي نورمال

وكيما يقولك ناس بكري تجيبي ولادك وانت صغيرة ويكبروا معاك خير ماتجيبيهم وانت كبيرة
وبالتوفيق حنوووووونة

كوني متأكدة، لن يحصل شيء قبل اتمام دراستي ...مازال 7 سنوات تقريبا

فتـ حييةـاة · 2012-04-29, 18:57

اقتباس:

المشاركة الأصلية كتبت بواسطة rihanna

أما عن الحرام (؟؟؟؟؟)، أنت لست حيوان يا أخي، نقدر نشد روحي

أما عن الموت، ويلا مت واش ندير، هذاك هو مكتوبي كيما تقولو
أفضل نموت وحدي و لا نخلي ولادي يتامى

أما عن كوني مسلمة، عادة لا أتكلم في الأمور الدينية بالصح نقولك ... ماشي بزاف

لا لا حنونة انتي مسلمة ونص ردك في قسم مشكلتي يبين انك مسلمة حتى النخاع ............اللهم اهدنا فيمن هديت

Rihanna · 2012-04-29, 19:01

اقتباس:

المشاركة الأصلية كتبت بواسطة عُضو مُحترم

ماجاوبتينيش يا اختي الصغيرونة ريحانا

على الموضوع تاع البارح؟؟؟؟؟

واش رايك؟؟؟؟

ما لقيت حتى أية تقول اقعدي فالدار
هي تنهى على التبرج و تأمر بحفظ الفرج و الاهتمام ببيت الزوج
بالصح ماكاش أي آية تحرم خروج المرأة و عملها

عُضو مُحترم · 2012-04-29, 19:29

اقتباس:

المشاركة الأصلية كتبت بواسطة rihanna

ما لقيت حتى أية تقول اقعدي فالدار
هي تنهى على التبرج و تأمر بحفظ الفرج و الاهتمام ببيت الزوج
بالصح ماكاش أي آية تحرم خروج المرأة و عملها

التحريم يا اختي ريحانة

يكون لما تخرج متبرجة

و تخرج من اجل اشياء لا ترضي الله

وحدة رايحة تقابل ( حبيبها) لا بسة ما لا يستر

هاذي نقولولها روحي معليش ديري رايك؟؟؟؟

عُضو مُحترم · 2012-04-29, 19:42

اقتباس:

المشاركة الأصلية كتبت بواسطة rihanna

ما لقيت حتى أية تقول اقعدي فالدار
هي تنهى على التبرج و تأمر بحفظ الفرج و الاهتمام ببيت الزوج
بالصح ماكاش أي آية تحرم خروج المرأة و عملها

الآن انتبهت جيدا للرد

قال الله تعالى

(وقرن في بيوتكن)

و قال قِرن

القرار و الاستقرار ليس هو المكوث فقط

لا بل المكوث و الرضى به و محبته

واحد يقوللك حاب نستقر معناتها حاب نرتاح

يعني المرأة تجد راحتها في بيتها مش خارجه
==================

ما تنسايش يا اختي ريحانة

ان الله قاللك اقعدي في دارك وكي تخرجي استري روحك

و إذا انتي ماطبقتيش امر الله بالستر

هو قادر

يخليك تقعدي في الدار رغما عن انفك

ساهلة جدا ربي يجعل الانسان عاجز على المشي

كما ساهلة جدا ربي يجعل الانسان قادر على المشي

انا ما قلتلكش ما تخرجيش وما تقرايش وما تخدميش

ولكن بالاكي يغرك ابليس

وتقولي نخرج و مايهمنيش الدين او الاسلام

الله يمهل و لا يهمل

بين ليلة و ضحاها

لي كانت تمشي و تتقلش في مشيتها وحاسبة روحها حُرة

يجيها مرض يسببلها الشلل في الرجلين تقعد في الدار

لا من يقيمها و لا من يشوف فيها

لهذا يا ريحانة المنتدى

يا اختنا الصغيرة

لازم تعرفي دينك

وواش قال ربي

حقوقك وواجياتك

ورانا هنا نعلموك حاجة لي ماتعرفيهاش

واذا عندك اي سؤال اتصلي بالاخوات هنا يجاوبوك

انتي مسلمة و نُص برك ماتخليش ناس تلعبلك بعقلك

و يفهموك بلي الاسلام صعيب او مخيف