موضوع جذيذ

[نيفرتيتي.]

المشاركة الأصلية كتبت بواسطة موسى2207

2 الحار نخلل شوية مع كاش خضر ونعمل شوية بالطماطم ونكونجليها واذا حبيتو الطريقة نقلكم عليها

تانا السفرجل نعملو بالعسيلة ونخبيه انا نموت عليه
اعطينا الطريقة من فضلك
انا مشكلتي تكمن في الربيع والخريف نتعب فيها بسبب الفوضى الناتجة عن اللباس يتخلط تاع الشتاء مع تاع الربيع بسبب تغير الجو ونقلق من الوضع
اللي عندها طريقة مليحة ومنظمة تقولنا عليها

انا درك راني جابدة تاع الصيف وتاع الشتا راجلي يلبس في تاع الشتا واناوولادي نلبسو في تاع الصيف احنا سخانة علينا وهو برد عليه مالا حطيت في سلة كبيرة حتى نضمن الحال ماعادش يبرد ونخبي تاع الشتا نخلي تاع الصيف

[houdehoud]

سلام عليكم واش نقولكم انا كي يسلك راجلي ندي نشري قضيان نتاع شهر ولاكثر مثلا 2spaguetti
2 tlitli ،العدس لوبيا بربوشةمانعرفش نفتل ههههههه ٠٠٠٠٠٠طماطم مصبرة دقيق فرينه٠٠٠٠٠
هكا يبقالي غير الخضرو الفواكه واللحم اودجاج تجي ب2000دج و يجي المصروف ساهل و نقدر نتحكم فيه و رمضان كيف كيف نزيد نوجد الفريك و البرقوق و الزبيب و نشري بيدون صغير نتاع زيتون اخضرو بلاكة نتاع الفلان و ندير سلاطة مشوية نقسمها ف صاشيات و نحطها في كونجلاتور و كل سمانه نجبد شوي و نحطه

[houdehoud]

اما الجلبانه انا نشري congelé
ميزانها تعرفيه و سومتهامليحة وزيد حلوة وطيب ليه ليه

[houdehoud]

المشاركة الأصلية كتبت بواسطة زهورالفل

والله الموضوع اصبح قمة في الافادة ربي ايخليك يا مريم سلسبيل على طرحه وانا تاني حبيت نعرف كيفاش تخدمي السفرجل ويا ام دودة راني قريت تعليق نرجس وتقلقت بزاف مين قريتو ماشي حق عليها اتكلمك بهدي الطريقة مي خليهاان دل على شيء انما يدل على مستواها وعقليتها خليك منها وخلينا انكملو هدرتنا وحكايتنا امنوني والله ما عندي حتى صحبة مي انتوما صرتو صحاباتي وحباباتي ومرحبا بيكم حتى في داري خطراتش كي نقعد نحكي مع اختي ولا كاش وحدة على كاش وصفة اي انقوللها صاحبتي وراتلي الوصفة ينخلعو ايقولولي علاش عندك اصحابات انقوللهم في المنتدى يقعدو يضحكو عليا مي انا والله انحبكم كامل راكم اخواتاتي

ههههههههههههههههه والله حتى انا كيفك نقولهم صاحبتي الفلانيه طيبت هاديك الحاجه و لخرى قاتلي هك حتى يدهشوا منبعد نقولهم نتاع المنتدى هههههههههه دوك وين نروح للدار يسقسيوني عليكم

[houdehoud]

المشاركة الأصلية كتبت بواسطة ام دودة

انا درك راني جابدة تاع الصيف وتاع الشتا راجلي يلبس في تاع الشتا واناوولادي نلبسو في تاع الصيف احنا سخانة علينا وهو برد عليه مالا حطيت في سلة كبيرة حتى نضمن الحال ماعادش يبرد ونخبي تاع الشتا نخلي تاع الصيف

مازال الحال على قش الصيف ما زال البرد حتى لنص ماي باش يتعدل الحال بصح ذك مازالالجو يتبدل

[دعاء القلوب]

المشاركة الأصلية كتبت بواسطة ام مرية

السلام عليكم ورحمة الله وبركاته ام امجد هدهد سندس حبيبتي وام مصطفى ربي معاك ام دودة الحنونة وكل البنات كي راكم والله نشكرك بزاف اختي ولا نقولك خالتي ما علاباليش شحال في عمرك المهم نشكرك على الموضوع راكي لميتي كل الاحبة ربي يدومها والي نسيتها تسمحلي

انا جبت عادت يما لداري كي قرب رمضان نعملو عولة
1الجلبانة نشري كمية حتى ل25 و30 كيلو نفصصها ونعملها في سشيات نعبر قيس كل ليلة في ساشي ونكونجليها

2 الحار نخلل شوية مع كاش خضر ونعمل شوية بالطماطم ونكونجليها واذا حبيتو الطريقة نقلكم عليها

3 الطماطم تاني نرحيها ونطيبها ونحطها في الكونجيلاتور
4 نفس الشي للفلفل الحلو نقليه عادي في الزيت ونكونجليه
5 نخدم في الوقت نتاع الفريك والمرمز شوية نخليها لسيدنا رمضان
6 نفتل شوية طعام وشوية محمصة للسحور
7 نشري كمية برقوق ومششمش ونعملها مجففة في البيت ونخبيها لرمضان
8 تانا السفرجل نعملو بالعسيلة ونخبيه انا نموت عليه
ولي عودة نكمللكم ضيافتي لسيدي رمضان

اهلا زهزوهة واش راكي لحبيبة والله ليك وحشة كبيييييييييييييييرة الله الله عليك يالشاطرة تحمري الوجه يا بنت عمي لعزيزة اذا ممكن توريلي الطريقة تاع الحار اللطماطم و الفلفلة الحلوة و البرقوقة و المشمش و السفرجل سمحيلي تقلت عليك راكي عارفة لازم نبين روحي عند بيت شيخي.............

[hakim3148]

اشكركن اخواتي على اهتمامكن وردوكن والله يااخواتي ام دودة وياام امجد وياهدهد وياسندس وياممارية والله الوقت غلا بزاف ولازم الحيلة باه نعمروا بيوتنا ونقموبيهم لا اخواتي انا مانيش باغي ندير الزهو المهم اولادي ينجحوا بصح الضياف فيهافيها وخصوصا شيخي ابوا زوجي دائما حاصل فينا ديريلي فطور ولازم المشوي مايخممش مين نجيبو هذه الايام كل يوم يقول لزوجي خاصني المشوي وحنا والله ماعندنا حتى مليون مخبي للزمان ولما قالومنبعد رد عليه وقالونخاف نموت وما نكلش المشوي عندك والله يا خواتاتي عنده الاورو وياكل اللحم غني كل يوم واحنا نسكنو حذاه والله مايتفكرنا ويبغي يبروفيتي فينا طولت عليكم قلبي راه معمر اما انا كل شهر نشري 5ل زيت و1كغ قهوة و2كغ حمص و4طماطم و8كغ سكر و5صابون مارساي و2شامبو وعلبة امواريال 3كغ و10كغ سميد ندير بيه الحرشة والمسمن الصباح للاولاد و25كغ فرينة للخبز و1كغروز كنت نشري العدس واللوبيا وهذه المرة لا مابغوش ياكلوهم اما الاخت اللي قالت لي على احذية الشيفون والله نبغي قاع قش الشيفون لكن للاسف مانخرجش فقط عندما نروح لدارنا نخرج للسوق كون تسمع بيا عجوزتي دير حالة تقولو راه تحكم فيك وتتسوق يعني انت ماكش تحكم اما على مشكل ليكوش راه عندي كارثة كل بناتي مبلين بالتبول الليلي والله راني نخلص معاهم ارجوكم اللي عندها وصفة ناجة تقولي عليها على فكة ياام مرية انا كذلك عندي بنتي مرية4سنوات

[ام مرية]

المشاركة الأصلية كتبت بواسطة هبة الكوثر

احتى انا مرة جربت شريت جلبانة وفصصتها لقيت روحي كي نشري كيلوا تلقاي 500 غرام وزيد راهي غالية 160 للكلغ
مالا بحسبة لقيت روحي كي باه نتحصل على زوج كلغ لازملي نشري 4 كلغ جلبانة فصاصة وساعات تلقايها ماهيش معمرة تسمى جلبانات صغار ولا ماهيش حلوة صامطة **و 4 كلغ يجيوني ب640 دج باه نتحصل على وحد 2 كلغ
ولقيت عند البوشي يبيع صاشيات جلبانة كونجولي ب 220 دج للكلغ وحلوة وجلبانتها كبيرة كي نشري 2 كلغ طيحلي 440 دج راني درت الاقتصاد وخيرت الجلبانة البنينة وعلبالي شحال فيها من كلغ
واش قلتوا في هادي ياخواتي

ما سقسيتيش روحك وعلاش البوشي يبيعها رخيسة هههه لانها ماشي شابة يعني الي تبقى ماتتباعش من الموسم الي فات والي قبلو يبيتوها في السكر ويغسلوها ويكونجلوها صدقيني هاكا يعملو اما الخضرة الي تفصيها بيدك راهي طازجة وزيد وعلاش تشري من عند الخضارة ههههه انا يروح بابا يشريها من عند مول الجنان مباشرة ويدي واحد ينحيهالو زادة ونتفاهموشحال من بيت يعني انا ودارنا ودار خويا ودار عمي ودار ختي نشرو مع بعض تجينا بسومة الجملة فهمتي وعلاش نفضل الطازجة تجي رطية ماشي كي نتاع السوق نتمنا نكون افدتك اكثر حبيبتي هبة الكوثر شاركينا بتجاربك وتحضيراتك لرمضان باين عليك فحلة

[دعاء القلوب]

يعطيكم الصحة و الله عجبني الموضوع وحبيت نشارك معاكم انا كل اول شهر نصرف المصروف اللي يكفيني حتان لباي الجاية نشرش 3كيلو قهوة و10كيلو سكر و 2 كيلو طماطم معلبة و السباغيتي و المقرون و العدس و الحمص و الزيت بدون تاع5لتر و السمن لسموق و الحليب غبرة و الملح و الخل و الصابون السائل للواعين و الاريال نشري باطة تاع5 كيلو تشدلي قريب 3شهر و الصانيبو و القريزيل و الجافيل و ادقيق و الفرينة و الحبوب ماناكلهمش ياسر و نزيد معاهم شوية مصروف تاع القاطو راجلي يحب كي جي من الليكول يلقى حاجة حلوة و نحو جزء من المصروف نشريو بيه الكوش باطة الكبيرة و الحليب و اللانجات لبنتي يشدو شهر كامل اما الشيفون انا وحدة من الناس نموت عليه نحب نشري منو ليا و لبنتي نلبسهم فالدار مع الشغل و الهم تاعوا غير هوما اللي ينفعوا و+ساعات طيح عليهم تاش تاع جافيل مايغيضنيش الحال اما لوكان نلبس حاجة من الجديد و تتواسا و الله تغيضني و مع بنتي تتعلم فالمشي هاد ماينفع معاهااما اللبسة تاع الخرجة و العرضات صح الواحد يشري حاجة باهية و غلية ماعليش

[ام مرية]

اختي ام مصطفى ما تمديش الماء لبناتك في الليل او اي سوائل اخرى خاصتا القهوة هي مدرة للبول والبرتقال كارثة ينحي النعاس ويدر البول وقبل ما يرقدو خرجيهم حشاك يبولو هاكا تتفاداي الهم وتاني اذا كانت نفسهم عزيزة ديريلهم قش قديم يرقدو عليه هاكا تغيضهم عمرهم ويولو يفطنو نومهم وما يشمخوش قشهم باش ترجعيلهم القش نتاعهم هاد الطريقة استعملتها اختي ونجحت خلال اسبوع ربي يفرج عليك ويخليلك مارية نتاعك

[ام مرية]

المشاركة الأصلية كتبت بواسطة اشورة

اهلا زهزوهة واش راكي لحبيبة والله ليك وحشة كبيييييييييييييييرة الله الله عليك يالشاطرة تحمري الوجه يا بنت عمي لعزيزة اذا ممكن توريلي الطريقة تاع الحار اللطماطم و الفلفلة الحلوة و البرقوقة و المشمش و السفرجل سمحيلي تقلت عليك راكي عارفة لازم نبين روحي عند بيت شيخي.............

حبيبتي شرفو كي راكي والله غير كنت رايحة نقولك على هاد اللمة الي راهي عاملتها سلسبيل مي سبقتيني تسبقيني للجنة ان شاء اللله

[hakim3148]

والله يا اخواتي رمضان كامل درتلهم الساعة وكل السهرة وكل ساعة نوضهم شهر كامل حوال5او6مرات فقط ماشمخوشفراشهم وقطعت عليهم السوائل جابت نتيجة معى مريا 4سنوات وكن مشكلتي مع الكبيرتين 11سنة و10سنوات راني نعاني وهما كذلك راهم مغبونين كل يوم يبدلو قشهم ويطلعو فراشهم للشمس اما عن الجلبة شريت26كغ نقيتا صورت6قرورات تاع سعيدة معمرين جاوني قلال باش نخبيهم لرمضان اوضياف على غفلة اوايام نكون مشومرة نجبد شوية نديرها مع الروز او مع البطاطا على فكرة اليوم اصبحت ب500دج راني ف15يوم ماقليتش البطاطا وما شريتهاش درت عليها اضراب فقطعندي كيفية بنينة بروز نديرهامع حاجة اخرى لاولادي ماشي شرط البطاطا ب11الف يا اخت اشورة مشي بزاف 3كغ قهوة اما عن الجلبانة اشريت 26كغ ب160الف خرجتلي 6قرورات تاع سعيدة نحتاجها لرمضان وضيوفعلى غفلة خصوصا اخر الشهر ارجوكم اخواتي كل وحدة تقولنا واش تشري كل شهر ومثلا واش تطيب باه المصروف يكفيكم الشهر

[نيفرتيتي.]

واش حبيباتي رقدت شوية وجيت لقيتكم فتوني واش راح نقرى واش راح نخلي واش راح نهههههههههههههههه

[نيفرتيتي.]

المشاركة الأصلية كتبت بواسطة زهورالفل

والله الموضوع اصبح قمة في الافادة ربي ايخليك يا مريم سلسبيل على طرحه وانا تاني حبيت نعرف كيفاش تخدمي السفرجل ويا ام دودة راني قريت تعليق نرجس وتقلقت بزاف مين قريتو ماشي حق عليها اتكلمك بهدي الطريقة مي خليهاان دل على شيء انما يدل على مستواها وعقليتها خليك منها وخلينا انكملو هدرتنا وحكايتنا امنوني والله ما عندي حتى صحبة مي انتوما صرتو صحاباتي وحباباتي ومرحبا بيكم حتى في داري خطراتش كي نقعد نحكي مع اختي ولا كاش وحدة على كاش وصفة اي انقوللها صاحبتي وراتلي الوصفة ينخلعو ايقولولي علاش عندك اصحابات انقوللهم في المنتدى يقعدو يضحكو عليا مي انا والله انحبكم كامل راكم اخواتاتي

مشكورة اختي زهور الفل
بصح على صباح ربي جبت قهوتي وجيت نصبح عليكم لقيتها فورتلي دمي بصح هذه ثاني اهانة نتعرض ليها في المنتدى بالطريقة هذه نوكل عليهم ربي ان امهم مع كل احتراماتي ليها قالت ملوخية تونسية ماقالتلها والو وان كي قلت تتباع في تبسة شعلت فيا

[نيفرتيتي.]

المشاركة الأصلية كتبت بواسطة houdehoud

مازال الحال على قش الصيف ما زال البرد حتى لنص ماي باش يتعدل الحال بصح ذك مازالالجو يتبدل

راني في الصحراء الحال سخن ورجلي يشعل في الكليماتيزور