الأخت yarasmin. 26 ترد على تساؤلاتكم هنا

[ام فريال]

المشاركة الأصلية كتبت بواسطة yarasmin.26

quote]
وصفة الهمبورقر

1 كغ فرينة+كوب تاع اتاي زيت+2 م ك خمارة الخبز+2 مك سكر+1 بيض+ماء دافي
الفرينةوالملح والزيت واناء اخر خمارة+شوية سكر+شوية حليب+شوية فرينة وخليها تخمر
خلطي المقادير بدون ماتعجنيها رونيها بالماء وتروكيها ترتاح10 د
ثم اضيفي البيض ولميها حتى يتداخل فيما بعض وترتاح1/2 سا خذي سنيوى ادهنيها وشكلي دوائر وزن الواحد25 ال30 غ فقط ثم اطليها بالحليب بالبانسو وتروكيها تزيد تخمر ثم ذرذري اعليها الجلجلان ابيض زيدي اتركيها 20 د وضعيهم في فرن عالي الدرجة
حتى ايطيبو ويتحمرو شوية من الفوق
اما سويس رول عن قريب راني رايحة انديرو موضوع باه قاع تفهمو نظرا لطلب اعليه بزاف تحياتي

الهمبرغر على حسب ما راني نشوف ما يتعجنش مليح؟؟
و شكرا على الوصفة نجربهاا ن شاء الله

[yarasmin.26]

المشاركة الأصلية كتبت بواسطة ام فريال

الهمبرغر على حسب ما راني نشوف ما يتعجنش مليح؟؟
و شكرا على الوصفة نجربهاا ن شاء الله

ايه مينعجنش امليح لانه مهواش خبزينتلم مكان العجن تقيسي العجينة وترجعيها اما الخبز الى يجي خامر في الوسط الهمبورقر كي تفتحيه على2 تصيبيه مسطح كيما الخبز البايت انا ديما نصنعو في البيت

[ام اماني77]

بارك الله فيك أختي على هذا الموضوع سؤالي عالشكولاطة البيضاء نحب نزين بها الحلويات لكن تنشف بالخف في الكيس قبل مانكمل الحلوى نتمنى تفيديني وشكرا

[omchifa]

السلام عليك
جزاك الله خيرا على مجهوداتك وجعلها الله في ميزان حسانتك
سؤال من فضلك
ما مدة الوقت لتسخين الفرن قبل وضع الكيكة

[yarasmin.26]

المشاركة الأصلية كتبت بواسطة ام اماني77

بارك الله فيك أختي على هذا الموضوع سؤالي عالشكولاطة البيضاء نحب نزين بها الحلويات لكن تنشف بالخف في الكيس قبل مانكمل الحلوى نتمنى تفيديني وشكرا

اضيفي شوية زيت وخلطي امليح

[yarasmin.26]

المشاركة الأصلية كتبت بواسطة omchifa

السلام عليك
جزاك الله خيرا على مجهوداتك وجعلها الله في ميزان حسانتك
سؤال من فضلك
ما مدة الوقت لتسخين الفرن قبل وضع الكيكة

تسخين الفرن حسب نوعية الحلوى والكيكة اذا كانت تطهى على حما م مائي سخنيها او ماتخفيش اما اذا كانت كيكة تطهى على فرن 180 درجة سخنى على 200 د من5 الى10 دقبل يعنى اشعلى الفرن واخدمي الكيكة انتاعك وكي اديريها في الفرن عاودي نقصي للفرن ترخع 180 د باه متنحرقش وتبقى خظراء من الداخل

[موسى2207]

عندي لك رجاء حابة نختن لولدي وحابة تعطيني نوعينمن القاطوات
واحد يخرج كمية مليحة واحد يكون شباب شكلا ومضمونا

[بنت عين وسارة]

اختى ياسمين خدمة لمونة و مجتنيش حمرا و تبرى من فوق
كيما تاع المحلات قالولى كاينة مادة تلميع صح كيفاش دايرة اسمحلى تعبتك

[yarasmin.26]

المشاركة الأصلية كتبت بواسطة بنت عين وسارة

اختى ياسمين خدمة لمونة و مجتنيش حمرا و تبرى من فوق
كيما تاع المحلات قالولى كاينة مادة تلميع صح كيفاش دايرة اسمحلى تعبتك

ماجتكش حمرا من الفوق اطليتيها ولالاقبل الطهى بالبيض+قليل من القهوة باه اجيك محمرة من الفوق والتلميع ديري النباج ذائب واطليها ويمكن كذالك ذوبي شوية عسل واطلي لامونة بصحتك

[yarasmin.26]

المشاركة الأصلية كتبت بواسطة موسى2207

عندي لك رجاء حابة نختن لولدي وحابة تعطيني نوعينمن القاطوات
واحد يخرج كمية مليحة واحد يكون شباب شكلا ومضمونا

كاين انواع من الحلويات انت واش حبيتى اما الحلوى الى تقطع وجي زاكية الهلال المقرص طري وبنين وزاكي درتو الاسبوع الفارط في فاتحة تاع وحدة قاع سقساوني اعليه اما الحلوى شابة شكلا ومضمونا كاين بزاف بصح اتكلف انتي والوجد انتاعك ديجا قاع هذو الوصفات الي راكي اتشوفي فيهم قاع تاع بكري وبدلو في التزين قوليلي واش اتحبي وراني في الخدمة انعاونك لوكان جيتي قريبة ليا لوكان اخدمتهملك

[nina_65]

بارك الله فيك اختي اريد منك وصفة بتي فوغ المحلات حوست عليها مالقتهاش في قسم الحلويات

[yarasmin.26]

المشاركة الأصلية كتبت بواسطة nina_65

بارك الله فيك اختي اريد منك وصفة بتي فوغ المحلات حوست عليها مالقتهاش في قسم الحلويات

راهي في الصفحة 17 اختى

[فوزي77]

أختي العزيزة شكرا لك استفدنا منك ، جعلها الله في ميزان حسناتك

عندي طلب إذا كان ممكن شفت أخت نجحت في تطبيق وصفة بوتي فور من المحلات التي أعطيتي مقاديرها وطريقة تحضيرها.
الرجاء منك ان تعطيني رابط الصفحة التي وضعتي فيها المقادير وشكرا مسبقا

[موسى2207]

بارك الله فيك على الاهتمام وعلى ردك الجميل
اعطيني طريقة الهلال المقرص وtarteletteتكون فيها النستلي والكاوكاو
ان امكن طريقتك في تلويز الكاوكا

[*سماح 94*]

سلام اختي ان شاء الله تكونس بخير
تعيشي قوليلي الكريمة المكثفة كي نديرها نطلعها بالباتور كيما الطازجة ولا لل نستعملها طول
واي جبن نقدرو نديرو بيه تشيز كيك وتيراميسو بغير كيري
والف شكر عزيزتي