اعتذار و انسحاب - الصفحة 2

faizarbh · 2012-04-16, 15:22

بوركتي اختي

crono · 2012-04-16, 15:51

راني تخلعت وقت دخلت للقسم ولقيت موضوع انسحابك
غير الخير
واش من نقاط واش من ترتيب
نظن نحن هنا للافادة واستفادة بالنسبة للي معجبهاش التقييم يا اختي هذا ماشي كونكور راكي تنقطي عليه واذا مداوش مليح ميخدموش...هذا تقييم عادي للي عندها نقائص في خدمتها تصحح...لكن .خممي في باقي الناس لي يعزوك
نحيت من وقتك و حبيت تفيدهم بخبرتيكي في هذي الدورة
المهم الفائدة الكبيرة اديتيها انتي .
وتلقيها غدوة عند ربي .
ربي يكون في عونك

fifi180 · 2012-04-16, 16:37

لالا واحدة ماراح تنسحب المهم تولي الي تحط الدرس تقيم وتحط النقاط

sofiane2075 · 2012-04-16, 17:06

اقتباس:

المشاركة الأصلية كتبت بواسطة sondse1

صباح الخيرات اخواتي
حبيت نعلن انسحابي من الاشراف و من كل الدورة
انا حبيتكم كي خواتاتي و نحيت من وقتي و حبيت نفيدكم بخبرتي في هذي الدورة
و كل اللي طلبتو دعاء فقط و ما بخلتش حتى وحدا
كل وحدة طلبت مساعدة في اي حاجة مديتهالها
لاني حاستكم خياتي و انا عندي غير اخت وحدة و متزوجة و ديما نحس روحي وحيدة
و كي دخلت هنا درتكم خواتاتي
و جامي قست وحدا فيكم و كامل نحبكم

انا نعلن انسحابي و نعتذر لكل وحدة ما عجبتهاش الدورة و حست اني حقرتها مع اني ما حقرت حتى وحدا و كنت صريحة معاكم
اختكم سندس / مريم

اولا مساء الخير

نطلب منك تراجعي قرارك لاننا جميعا ضده احنا جميع نعزوك من قبل كنا نشوفو في المنتديات اعمال تطريز تعجبنا بصح و لا وحدة كانت عندها الشجاعة باه تبدا حتى جيتي و عملتب الدورة بارك الله فيك و الله يجازيك كل خير خليتي اشغالك مع انك مقبلة على الزواج الله يتمملك بخير و راكي تعلمي فينا و تساعدينا باه كل وحدة تخدم تروسوها وحدها و لي متزوجة تخدم حاجات يفيدوها تزين بيهم بيتها يعطيك الصحة على كل شيء ارجعي رانا كامل معاك و ربي يوفقك و يعطيك على حساب قلبك و الله تقول كنت عارفة ماحطيتش المعدلات

ان شاء الله ربي يهدينا كامل و احنا عائلة وحدة لي يضرك يضرنا انا جازو عليا اكتر من هاك بنتي حلفت مارجعتش انا رجعت المسامح كريم و شكرا لك

نبوغ · 2012-04-16, 17:11

راني مشوكيا كي رجعت من الخدمة لقيت هاذا الشي كامل حبيبتي سندس ما نقدروش نستغنوا عليك نتي وأخت فيفي عينينا هنا
علاش هكا يخي نتي يا الغالية بينك بين ربي ماكي مدايرة والوا خليك من هدرت الغاشي كاين ياسر لي يحبوك كون كل وحدة تسمع كلمة من وحدة تنسحب مافراتش المهم أنا لي نعرفوا دورك ماناش قابلين إنسحابك و نقولولك كملي معروفك معانا وجزاك الله كل خير

boubramek · 2012-04-16, 17:18

السلام عليكم
واشن هدا والله غير عيب
رانا هنا غير باش نتعلمو ونفيدو ونستفيدو
الله ينعل الشيطان

فتاة مسلمة · 2012-04-16, 18:02

وعلااااااااااااااااااش يا اختي غير درك جيت مالقراية وانصدمت
والله والفتك قاع والفناك بزاف وماما راي غير تدعيلكم بالخير، كون مشي انت وفيفي المبادرتان بالدورة مانتعلمش
وعلاش يا اختي ديري هاكدا والله حبيتك من قلبي وقاع الاخوات
المهم تعلمنا انا ماتهمنيش النقطة قد مايهمني انو تعلمت لانو راني حاسةراني في تكوين مهني وراني نتعلم
بلييييييييييييييييييييييييييييييييز اختي

زهرة الهضاب 19 · 2012-04-16, 18:05

يعطيكم الصحة كامل البنات على التفاعل ...ان شاء الله الأخت سندس تتراجع عن قرارها و ربي يشوف الصلاح ان شاء الله ...........

فتاة مسلمة · 2012-04-16, 18:13

انا ضد انسحاب الاخت سندس
مابخلتي علينا بحتى حاجة كل مانسألوك نلقاوك واجدة

fifiarch · 2012-04-16, 18:19

اااااا يا لبنات
واش ندير انا ضك وقيل ننسحب انا تانا
ماتحبوش تقييم المشرفات وتحبو غير الاستاذة تقيمكم

زهرة الهضاب 19 · 2012-04-16, 18:20

صحيح والله أخت فتاة مسلمة ....والله عيات معانا نتاع الصح ....واحد ميقدر يقول العكس ....

BACHIRA2 · 2012-04-16, 18:36

السلام غليكن جميعا و الله راني طريحة الفراش الحساسية دارت فيا حالة مي قلت نشوف الدرس الجديد حتي شفت موضوعك عزيزتي سندس و الله ما تتقلقي ما والو جاني الضحك كي عرفت كل هذا على النقاط تفكرت كي كنت نقرا و نحب دايما نكون الاولي هههههههههههه الله يهدي ما خلق حبيبتي المهم هو اننا نستفادو و النقطة واش رايحين يديرو بيها ؟؟؟؟؟؟؟؟؟؟؟؟
ما تزعفي ما والو ارجعي لينا احنا نحبوك كاخت و الله يجعل عملك هذا في ميزان حسناتك تحياتي اختي الكريمة

sondse1 · 2012-04-16, 20:53

مساء الخيرات خياتي
اولا اسمحولي بزاف لاني حيرتكم و قلقتكم معايا
مي انسحابي ما كانش من الفراغ
بالعكس انا تقصت بزاف و تجرحت من قبل الاخت شيراز
وانا كي انسحبت ماشي ضعف مني و لا مكرة في اخوات اخرى بالعكس حبيت اللي نسحبو على جالي يرجعو و يتعلمو
انا راني متعلمة هذا الفن و حبيت نفيدكم لاني شفت بنات بزاف حابين يتعلمو و طلبو من اخت اخرى تعلمهم و وعدتهم و ما وفاتش سواء لظروف ولا لغيرو
و انا كي وعدت وفيت و درت البوسيبل باه نوريلكم و نفهمكم باه تتعلمو هذا الفن
و قسم روحي بين الدورة و الجهاز و الخياطة و زيد خدمة الدار و المسؤولية اللي على كتافي اتخيلو دار كامل على راسي اللي تخص نجيبها و نقري في هذا و نعاون في بحوث هذا و زيد و زيد وزيد
حتى لبنات اللي ما فهموش مليح من الصور و الشرح و طلبو فيديو درتلهم سواء في درسي ولا في درس خالتي ام سفيان
و هذا كلو درتو لوجه الله تعالى اولا و على وجه خواتاتي و حبيباتي في المنتدى
و ما قصرت في حق حتى وحدا
و في الاخير وليت ما نيش مليحة
و الاخت شيراز تقول سندس تكرهني
علاه واش درتلها حتان دات عليا هذي الفكرة بالعكس حسيتكم كامل خواتاتي و حبيتكم تتعلمو و ما بخلت على حتى وحدا سواء في الدورة ولا خارج الدورة
وزيد ارجعو للصفحات نتاع درس خالتي ام سفيان وشوفو ردها على تطبيق فيفي كي قالتلها انو تطبيقك مليح و الاوراق ملاح و ما تديريش على هدرتها و حبيبتي فيفي قاتلها بلي عادي ندي بنصيحة سندس

و انا عارفة انو لو كان فيفي وحدها هي اللي قيمتكم وحدا ما رايحة تزعف مي كي دخلت انا ما عجبكمش الحال
انا قادرة نمدلكم 20/20 الا كان هذا يرحكم مي انا ضمري ما يرحنيش لاني هنا نكون نغش فيكم و نقوللكم راكم تعرفو و انتم مازلتم
مي معليهش انا نرجع على خاطركم انتم مي ما رايحة نقيم حتى وحدا حتى في الدروس اللي نحطها انا
باه ما نزيدش نتجرح على خاطر مرة اخرى ما رايحاش نتراجع على قراري
مع اني جامي تراجعت في قراري مهما صرا و كي نقول حاجة جامي نرجع فيها مي كي قريت تعليقاتكم حسيت صح خواتاتي و ما طاوعنيش قلبي مع اني كنت رايحة ننسحب غير من الدورة و اي اخت تحب مساعدتي نمدهالها مي معليهش راني نرجع معاكم و نطبق عادي و نمدلكم باقي الدروس

و اسمحولي مرة اخرى

نبوغ · 2012-04-16, 20:59

علي عيني وراسي رجوعك يا أستاذتنا تكرم عينك والله غير فرحت قريب نزغرت ويقولو واش بيها هبلت هههههههههههههه ربي يحفظك

sondse1 · 2012-04-16, 21:10

الله يخليك حبيبتي نبوغ
ان شاء الله ربي يوفقك