ما فهمت والو ؟؟؟ عاونوني ؟؟؟

[chaffai.airways]

السلام عليكم ورحمة الله وبركاته.......
نجخت في مسابقة كاتب إداري بلدي . قالولي نجخت والملف طلع لمديرية الوظيف العمومي بالولاية......؟؟
لكن اللي ما فهمتوش أنو راني في 3 اسابيع وماكان حتى خبر نقصد لا استدعاء لمحضر التنصيب ولا حتى شيء؟؟؟

هل هدا امر عادي؟؟؟ محضر التنصيب يطول هكدا ؟؟؟

ما تبخلوش عليا راني مشوش الافكار والله سبحانه عالم بيا

شكرا

[ultras BE]

اذا قالولك راك ناجح متخافش

[Bourouba22]

انا تاني منذ اربع اسابيع لا خبر قامو بتعليق النتائج لكن حتى الآن لا جديد مثلك تماما

[daoud93]

khoya mabrouk 3lik w ma tkhaféch hadi haja normal

[mrkarimos08]

نفس الشيء ناجح متصرف إداري
لكن لحد الآن وين نروح يقولولي مازال ما عيطوناش من الوظيف العمومي

[ultras BE]

نفس الشيء أنا كذلك

[moohe]

ما تخافش اذا قالولك نجحت خلاص تبقى بعض الاجراءا الادارية بين الوظيف العمومي والمراقب المالي
قد تتراوح بين شهر وشهرين حسب المناصب وحسب الادارة والولاية اللي راك فيها
كثر من الدعاء والصدقات وماتخافش سلام

[lisace2]

ما اتقلقش روحك

[djo761]

المشاركة الأصلية كتبت بواسطة chaffai.airways

السلام عليكم ورحمة الله وبركاته.......
نجخت في مسابقة كاتب إداري بلدي . قالولي نجخت والملف طلع لمديرية الوظيف العمومي بالولاية......؟؟
لكن اللي ما فهمتوش أنو راني في 3 اسابيع وماكان حتى خبر نقصد لا استدعاء لمحضر التنصيب ولا حتى شيء؟؟؟

هل هدا امر عادي؟؟؟ محضر التنصيب يطول هكدا ؟؟؟

ما تبخلوش عليا راني مشوش الافكار والله سبحانه عالم بيا

شكرا

أولا مبروك عليك أخي ...و كيما قالوا الاخوة ما تخافش راك ناجح لانو تبقى تأشيرة الوظيف العمومي فقط و الوظيف العمومي يدرس الملف انتاعك و المسابقة و اجراءاتها و يناقشها مع الادارة انتاعك و من ثم يصادقو على المحضر و تمضي المحضر انتاعك و تبدى و كل هاذي الاجراءات ما تفوتش شهر...مبروك مجددا.

[nourddinech]

ما تقلقش روحك راهي فقط اجراءات ما تدري غير اسبوع وتبدأ تخدم على روحك


اذا اعلنوا باللي الشخص ناجح ما يكون بعدها والو تحكم خدمتك بصح شوية صبر برك راهي بيروقراطية واش تدير المهم مبروك وما تقلقش روحك ولازم تفرح ربي يدوم عليك الفرح

[samarkand 2012]

أنا أنصح الجميع ، أن يداوموا على الإتصال و اللجوء إلى الإدارة المعنية ......أنا شخصيا اتصلت بوزارة الثقافة في 26 مارس ، لما قالولي بلي نجحت رحت غدوا من داك باش نتأكد ، قالولي سنتصل بك لإكمال الملف ، يوم السبت 31 مارس لحقلي تلغرام استدعاء، يوم 01 أفريل رحت قالولي وش يلزم وثائق ، شفت محضر النجاح ، و محضر التنصيب كان محرر ابتداءا من تاريخ 01 أفريل كملت الملف ، ووقعت عليه .........و دوك راني نخدم مند قريب أسبوعين.

أنصحكم ألا تغفلوا فقط ، مادام نجحتوا لا خوف عليكم ، لكن ما ترقدوش ....أمر التلاعب بالمناصب ممكن جدا و مبروك على جميع الناجحين ، و عقبال للأخرون
و هناك نقطة مهمة ، أن بقدر ما تتموا الملف بسرعة و و توقعوا على محضر التنصيب.....يكون في فائدتكم ........فيما يخص Affectation للمصالح . ،فادا تتأخرو ممكن يحيلوكم على مصلحة عيانة

[chaffai.airways]

بارك الله فيكم .....ربي يوفقكم