عقليات منتهية الصلاحية - الصفحة 2

مريم الصابرة · 2012-03-11, 10:48

اقتباس:

المشاركة الأصلية كتبت بواسطة amall

اختي مريلينا لا تهتمي لهم
مرة كنت اتفرج على حصة دينية و اتصلت اخت جزائرية تبكي و قالت للشيخ انها لم ترزق بالاولاد و انها قبلت قضاء الله لكن هناك من يقول ان الله لم يرزقها لان قلبها اسود و و و فهل فعلا لم يرزقني الله لهدا السبب فكان رده لها ان المؤمن يبتليه الله و غير المؤمن يعاقبه الله لدلك لا تهتمي لهم و انت اعلم الناس بقلبك و تدكر ي ان الله ابتلى احباءه و هم الانبياء و الرسل و من بينهم سيدنا ايوب عليه السلام

السلام عليكم اخي شكرا على المرور الطيب والعطر
يا ختي فالحقيقة أنا والله ما نعمر راسي بيهم صح كنت نتقلق فالاول مي من بعد الحند لله نصلي بزاف ونقرا القرآن قلبي كبير وواسع وعارفة ومؤمنة مليار مرة باللي اللي أصابني من ربي والحمد الله ولا غعتراض على حكم الله
شمرا على كلامك المشجع بارك الله فيك

مريم الصابرة · 2012-03-11, 10:54

اقتباس:

المشاركة الأصلية كتبت بواسطة الواثق

والله لم يحصلي الشرف بعد ان التقي مع هؤلاء ..........لكنت اكتب اليكم من مكان اخر..........والله المستعان................اذا وصلت الجرأة والوقاحة الى هاته الدرجة ..........حنى الكافر منتوقعهاش منو.........ولي مايخافش من ربي لا اضن انه يرجع في شيء الا بالعصا ....................اولائك طبع الله على قلوبهم فهم لايفقهون .............قبل يومين رحت لاخي في المستشفى هو طبيب كنت نحتاجو في امر مادي لما دخلت ليه وجدت رجلا مكسور ويديرولو في الجبيرة والرجل يبكي ..........ووجدت طفل صغير مع امه محروق من ماء ساخن ................اقشعر بدني وخرجت ومبعد اتاني اخي وقال لي ماذا تريد قلتلو بطلت جيت نشوفك وخلاص هو ضحك وانا لم استطع حتى ان اتكلم ..............................وفكرتيني في خالي رحمه الله اصيب بسرطان خبيث نتشر في جسده وسد كل عروق الدم حتى انه كان يبتسم لنا والطبيب يبكي ويقلنا المفروض راهو يحس بالم لايحتمله احد ...................حسيت بقوة خالي رحمه الله وتوفي العشر الاواخر من رمضان حتى مرة جبنا الحلاق يحلقلو شعره وخالي كان ملتزم وملتحي وكان مغمي عليه بدا يضحك الحلاق وقال له درك نحيلو لحيته خالي فتح عينيه الحلاق ترك الماكنة بيه الخلعة ............انا لم اكن ملتزم حينها قلت احنا لاباس علينا ونحو فيها بيدينا وهو شل كمل جسده من المرض والالم وماابى الاان يفتح عينه ليحذرنا ...................رحمك الله ياخالي يوم ابكيت كل الناس بان اريتهم قوة في الصبر لم نرها في الاصحاء..............اعذروني ان اطلت الكلام

السلام عليكم اخي الفاضل شكرا جزيلا على المرور والمشاركة العطرة
يا خويا انت رحت زيارة وما حملتش لو تشوف حال الناس والمرضى انا فالاول كنت كيما إنت مي وليت نبقى بزاف فالسبيطار لما ندخل مرات نبقى بالشهرين وقسم العظام رجال مشلين ونسا واطفال واللي رجلو طايرة واللي واللي القلب يوجع ولما نشوفهم نقول سبحان الله لو المتكبرين والاغنياء يجو ويشوفو الدنيا واش قادرة ترجع الإنسان في ثانية وحدة
قصة خالك فكرتني بالوالد نتاعي رحمه الله لما عرف عندو سرطان بكى ماشي خوف من الموت بكى علينا عارف إحنا شعال متعلقين فيه بالأخص انا وكان عارفني صحتي نافصة وقليلة وما قالش ليمى واش عندو المرض ويقرا القرآن ويصلي واليمات الاخيرة ما قدرش يمشي وبدا جسمو ينحف كلنا عرفنا مرضو وإحنا ما قلنالوش وهو خبى وما قالناش الشجاعة اللي شفتها فيه والقوة والإيمان لما كان راح يموت هي راهي تمدلي القوة ضرك باه نتحمل المرض وحتى لو مستقبلا يكون عندي سرطان فألف مرحبا لانوا من ربي شكرا على مشاركتك اخي الفاضل ربي يرحم خالك والوالد نتاعي ويشفي المرضى شكرا

مريم الصابرة · 2012-03-11, 10:59

اقتباس:

المشاركة الأصلية كتبت بواسطة ميرة34

ربي يشفيك أختي ويهديهم ياك يقولوا المومن ينباس
عقليات منتهية الصلا حية فعلا

السلام عليكم اختي الفاضلة ربي يبارك فيك وشكرا على المشاركة العطرة اللهم آمين ربي يشغي كل المرضى ويهدي الناس اللي مريضة في نفوسهم وقلوبهم
شكرا

الواثق · 2012-03-11, 11:07

رحم الله اباكي وادخله الجنة ومتعه بنعيم الفردوس خالدا فيها انه القادر على ذلك وهو ارحم الراحمين......................بارك الله فيكي اختي وجزاكي الله خيرا كلامكي يدل على ايمانكي القوي الذي افتقدناه في اغلب الناس والمؤمن يبتلى ويمتحن فما اسعد الانسان ان ينجح في الامتحان الاعضم يوم لاينفع مال ولابنون الا من اتى الله بقلب سليم .............والناس تفسد وتسرق وتقتل وتضلم من اجل وسخ الدنيا ويحسب نفسه خالدا فيها ................حبيت نسألك راكي تعالجي في مستشفى الدويرة ؟؟

نجمة ساطعة · 2012-03-11, 11:10

الاخطر من هذا لما يقولو راه يخلص واش دار او خرجت فيه دعوتي

مريم الصابرة · 2012-03-11, 11:15

اقتباس:

المشاركة الأصلية كتبت بواسطة الواثق

رحم الله اباكي وادخله الجنة ومتعه بنعيم الفردوس خالدا فيها انه القادر على ذلك وهو ارحم الراحمين......................بارك الله فيكي اختي وجزاكي الله خيرا كلامكي يدل على ايمانكي القوي الذي افتقدناه في اغلب الناس والمؤمن يبتلى ويمتحن فما اسعد الانسان ان ينجح في الامتحان الاعضم يوم لاينفع مال ولابنون الا من اتى الله بقلب سليم .............والناس تفسد وتسرق وتقتل وتضلم من اجل وسخ الدنيا ويحسب نفسه خالدا فيها ................حبيت نسألك راكي تعالجي في مستشفى الدويرة ؟؟

السلام عليكم اخي بارك الله فيك حتى انت من الشباب القلائل الدين لا يهمهم متاع الدنيا ولا ملداتها ربي يبارك فيك وفالوالدين اللي رباوك
ولازم نكون قوية يا خويا تربينا على الغيمان وكانو اهلنا خير مثال لينا وإحنا ملك الله وما لازمش نقولو لربي لالا بعيد الشر معاذ الله الله لا يوصلني حتى وين تعترض على حكم ربي شكرا جزيلا
أنا نعالج فالدويرة منذ 12 سنة شكراعلى السؤال اخي الفاضل ربي يجازيك

مريم الصابرة · 2012-03-11, 11:17

اقتباس:

المشاركة الأصلية كتبت بواسطة نجمة ساطعة

الاخطر من هذا لما يقولو راه يخلص واش دار او خرجت فيه دعوتي

السلام عليكم اختي نجمة ربي يبارك فيك صح هذي قدقد يقولك دعوتي تخرج فيه راه يخلص الناس والعقلية الحابسة انا عندي هذو مرضى من قلوبهم ونفوسهم ربي يهديهم شكرا على المرور الكريم شكرا

نجمة ساطعة · 2012-03-11, 11:20

على العموم سواء كان غلط هذا الشخص او لم يخطيء

اذا كان ارتكب الذنوب يا حظو تصفى في الدنيا قبل الاخرة و زيد معاها بونيش كلام الناس

و اذا كان مبتلي فيا حظو اكثر لانو راه ينتقل من درجة لدرجة اعلى ربي يشافي جميع الناس يا رب

الالم صعب يحسلو غير اللي جربو

السيدة كرمين · 2012-03-11, 11:21

شكرا عزيزتي لطرحك

سؤال: هل الذي يتغامز ويتهامز ووو هو بمنئ عن المرض و الابتلاء؟

تقبلي تحياتي

الباديسي · 2012-03-11, 11:26

حين يموت المريض ويرى ما جزاء المرض من ثواب واجر عند الله لتمنى حياته كلها مرض
شكرا اختي الغالية مريلينا
السلام

مريم الصابرة · 2012-03-11, 11:27

اقتباس:

المشاركة الأصلية كتبت بواسطة نجمة ساطعة

على العموم سواء كان غلط هذا الشخص او لم يخطيء

اذا كان ارتكب الذنوب يا حظو تصفى في الدنيا قبل الاخرة و زيد معاها بونيش كلام الناس

و اذا كان مبتلي فيا حظو اكثر لانو راه ينتقل من درجة لدرجة اعلى ربي يشافي جميع الناس يا رب

الالم صعب يحسلو غير اللي جربو

السلام عليكم اختي حتى لو غلط هذا الإنسان عندو ربي يحاسبو ربي خلق الناس وهو يسمحلهم وإلا لالا والمرض ما عندوش علاقة نهائيا
ربي يشفي مل الناس شكرا اسعدتني مشاركتك

مريم الصابرة · 2012-03-11, 11:29

اقتباس:

المشاركة الأصلية كتبت بواسطة karmine30

شكرا عزيزتي لطرحك

سؤال: هل الذي يتغامز ويتهامز ووو هو بمنئ عن المرض و الابتلاء؟

تقبلي تحياتي

السلام عليكم اختي الكريمة شكرا على المشاركة العطرة
هذي هي هذو الاشكال من الناس غندبالهم هوما ما يمرضوش وغنوا اللي مريض بهذا المرض أو عيره راه ‘نسان داير الكحلة من التوت وراه يخلص ربي يهدي الناس اختي جزاك الله خيرا وربي يشدلك فالشابيين اللي فالصورة الرمزية تبارك الله عليهم ربي يخليهملك ويخليك ليهم إن شاء الله

مريم الصابرة · 2012-03-11, 11:30

اقتباس:

المشاركة الأصلية كتبت بواسطة الباديسي

حين يموت المريض ويرى ما جزاء المرض من ثواب واجر عند الله لتمنى حياته كلها مرض
شكرا اختي الغالية مريلينا
السلام

السلام عليكم أخي الكريم كيف احوالك والعائلة الكريمة ؟ شكرا على مرورك المميز الناس يا خويا راهم يشوفو لدنيتهم ما راهمش يشوفو لآخرتهم
ربي يعلي قيمتك ويرزقك الذرية الصالحة يا رب

الباديسي · 2012-03-11, 11:33

اقتباس:

المشاركة الأصلية كتبت بواسطة مريلينا

السلام عليكم أخي الكريم كيف احوالك والعائلة الكريمة ؟ شكرا على مرورك المميز الناس يا خويا راهم يشوفو لدنيتهم ما راهمش يشوفو لآخرتهم
ربي يعلي قيمتك ويرزقك الذرية الصالحة يا رب

امين\\\\ امين==== امين \\\\\ الله يبارك فيك ويعافيك واكثري من الاستغفار

مريم الصابرة · 2012-03-11, 11:37

اقتباس:

المشاركة الأصلية كتبت بواسطة الباديسي

امين\\\\ امين==== امين \\\\\ الله يبارك فيك ويعافيك واكثري من الاستغفار

السلام عليكم اخي غالي اللهم آمين ربي يرزقك الاولاد ويرزقني ويرزق كل المرضى الشفاء اللهم ىمين شكرا جزيلا على الإهتمام اكيد لو كنت اتمنى فالحياة امر لتمنيت أن يكون لي اخ مثلك وكالواثق ولذريق نعم التربية والاخلاق ربي يرزقكم ما تتمناو شكرا