يا جماعة سرقوني - الصفحة 2

الباديسي · 2012-02-15, 21:03

وعليكم السلام اختي الفاضلة
السرقة اليوم يتعرض لها الرجل والمرأة الكبير والصغير وزيد عليها السارق يهرب ويمنع اي ينجو ولا واحد يتعرض له لاننا امة تخاف تنهي على المنكر اهل الشر متكاتفين واهل الخير خايفين وربي يقدر الخير
شكرا على الموضوع الهام

سفير الهضاب · 2012-02-15, 21:04

أنا الحمد لله أستاذ وكوّنت ثروة كبيرة من سرقة نقاط التلاميذ ، وابحث عن شريك غني لتزداد ثروتي

ياسمين البيضاء · 2012-02-15, 21:06

السلام عليكم
والله عيب الناس في تطور في البلدان او حنى مازالنا في السرقة والله العضيم عيب واش الي يخاليك تسرق جابلي ربي راهو متوفر كلش علاه هكدا نفرضوا راهوا يسرق او يجيب روحوا مع السرقة بصح نهار الي طيح بيه والله ما يلقى حتى معاه غير ربي اللهم ربي يهديني ويهديكم امين يارب العالمين

مريم الصابرة · 2012-02-15, 21:07

اقتباس:

المشاركة الأصلية كتبت بواسطة amal2000

شكرا الاخت ماريلينا علابالكي كي نقول اسمك نحسب روحي راني نتفرج في مسلسل مدبلج ههههههه(ماتزعفيش غير نزعق معاك)

شوفي اختي انا لوكان غير سرقولي فالزنقة وحدة كانت تجي عندنا للدار وتقول لماما انا فقيرة وابي لدغاته افعى من رجله وراهم حابين يقطعولو رجلو ووووووووو وماما تشفها مسكينة وووووووو المهم دارتلنا الفتنا قصة حزينة واحنا بحكم ماراناش ولاد البلاد مانعرفوهاش
ووحد اليوم جات عند ماما قالتلها اعطيني كاش حاجة تاع ماكلة المهم ............................
وسرقتلي خاتم تاع 19000دج في هذاك الوقت لان القصة عندها اكثر من سنة وبورطابل جديد
(كي سالت صديقتي عليها قالتلي هاذيك دايمن تسرق ومشهورة وكل مرة يحوسو عليها وحدين يقولو سرقتلنا )
ومع اني متاكدة من انها هي اللي سرقتها بصح مالمتها مازعفت عليها ما اشتكيت بيها رفدت يديا للسما وقلت حسبي الله ونعم الوكيل والحمد لله الحمد لله الحمد لله انهم سرقولي وماسرقتش

السلام عليكم هههههههههههه لالا ختي ما نزعفش على العكس راكي ختي نورمال حاجة مليحة ليا
والله أنا ثاني سمعت بهذا النوع من السراقات يعني ماشي غير الرجال اللي يسرقو النسا ثاني ربي يعوض عليك خليها عتد ربي تدي حقك شطرا على المشاركة

مريم الصابرة · 2012-02-15, 21:11

اقتباس:

المشاركة الأصلية كتبت بواسطة الواثق

شكرا اختي الكريمة على الموضوع حتى السرقة لحقتك في الدوار ؟؟؟؟.........امزح فقط .........................الحقيقة ان المشكل يتحمله كل جانب اولا الضحية خاصة لنساء تلقايها تمشي وتتبجح بالهاتف تاعها او الذهب لي تلبسو لي يفوت عليها وخاطيه السرقة يخمم فيها هاديك اللحظة ............وزيد الشباب لقاوها راقدة وتمونجي مع نقص الوازع الديني والخوف من الله ...............حتى حكم الله لم يطبق فليس هناك رادع لهم يشدوه شهر ويطلقوه ..............فكرتيني في واحد نعرفو دار مرة استعراض في الفنون القتالية والناس تصفق العشية سرقوه وضربوه بموس خلاوه سبتة في الارض .......................الله المستعان..................

السلام عليكم اخي القاضل شكرا على المرور كيف الحال؟ لحقتني فالدوار السراقين في كل بلاص يا خويا عييت نتخبى فالدوار ونهار خرجت وخذونيييييييييي قتلتني بالضحك على مول الفنون القتالية ورقدوه فالارض هذا فان دام بلا عظام
ربي يسترنا لو كاين عقاب بالشرع والدين ويقطعولهم يديهم ماكانش اللي يسرق مي هذي هي بلادنا واش نديرو ربي يبعدهم علينا يسرقونا وما نسرقوش بعيد الشر شكرا لك خويا

مريم الصابرة · 2012-02-15, 21:13

اقتباس:

المشاركة الأصلية كتبت بواسطة الباديسي

وعليكم السلام اختي الفاضلة
السرقة اليوم يتعرض لها الرجل والمرأة الكبير والصغير وزيد عليها السارق يهرب ويمنع اي ينجو ولا واحد يتعرض له لاننا امة تخاف تنهي على المنكر اهل الشر متكاتفين واهل الخير خايفين وربي يقدر الخير
شكرا على الموضوع الهام

السلام عليكم اخي الفاضل أعتز بمرورك بمواضيعي
معك كل الحق الناس تشوف المنكر وما تحكيش تخطي راسي وسبق وطرحت هذا الموضوع كل واحد يشوف ويقول خاطيني والسراق يروح للحبس ياكل ويشرب ويزيد يسمان يخرج ويولي يسرق تولي صنعة ربي يبعدهم عليك وعلينا شكرا

مريم الصابرة · 2012-02-15, 21:18

اقتباس:

المشاركة الأصلية كتبت بواسطة سفير الهضاب

أنا الحمد لله أستاذ وكوّنت ثروة كبيرة من سرقة نقاط التلاميذ ، وابحث عن شريك غني لتزداد ثروتي

السلام عليكم اخي شكرا على مرورك الاخت لم تفصد أن كل الاساتذة يسرقو أو يكونو ثروات من نقاط التلاميذ الاستاذ عندو اجرو ويخدم كيما هو كيما كامل الناس وعندو قيمة كبيرة عند ربي يربي اجيال ممكن إنت ما ديرهاش مي كاين أساتذة داروها وخاصة فالجامعة قرينا فالجامعة وشفنا وربي يعطيك خير الحلال ماشي الحرام وكون ثروة كي تشوف تلاميذك في بلاصاك أو يولو اطباء أو محاميون ربي يوفقك خويا

الدكتور سام · 2012-02-15, 21:23

لوكان جاو يطبقو واش قال ربي.الي يسرق يقطعلو يدو مش رانا ف الحالة هده.لانو هداك السراق كيقطعلو يدو مش رايح يقدر يسرق المرة الجاية و الا يقطعلو رجلو ادا سرق مرة اخرى.مي احنا السارق تاعنا يحكموه يدخلوه للحبس 3 شهر و يزيدو يوكلوه مليح في الحبس خير من دارو.واش من عقوبة هده.انا الحمد لله ما سرقونيش.مي خويا سرقوه وحد المرة راح يشري كبش العيد داولو 2 ملاين في السوق

/زهرة عصفور الجنة/ · 2012-02-15, 21:25

تعرضت للسرقة في عقر داري وفي وضح النهار سرقو مني بعض المال وكل مجوهراتي ربي ينتقم منهم لو كان شرع الله يطبق لما كثرت حكايات السرقة ربي يعافي كل مومن

وردة أمل · 2012-02-15, 21:32

علاه تفكري فيا يا ميريلينا ,,,,,,,وهههههههههههههه

أنا سرقولي موبايلي الشباب بصح و الله مانسمحلوا و الله ما يفرح بيه ان شاء الله...........ززز

رقة الحياة · 2012-02-15, 21:33

اقتباس:

المشاركة الأصلية كتبت بواسطة منى2004

تعرضت للسرقة في عقر داري وفي وضح النهار سرقو مني بعض المال وكل مجوهراتي ربي ينتقم منهم لو كان شرع الله يطبق لما كثرت حكايات السرقة ربي يعافي كل مومن

يا لطييييييييييييييييف في دارك !!!!!!!!!!!!!!!!!!!!!! الله يسترنا
بصح كلامك جا مصاوب :
في عقر داري في وضح النهاري بعض الاموالي و كل مجوهراتي ..... كلام عفوي بصح له قافية و وزن شعري

منهم لله منهم لله اللهم جنبنا شرهم
يا ختي حتى انتم ثاني غير اللي تجي تدخلوها خاصة الطلابات و هذوك الغجريات اللي يقراو الكف و الزهر هذوك راهم سراقين ما تامنوهمش

الدكتور سام · 2012-02-15, 21:42

قلتم علاه الفتيات يقصدهن السارق اكثر من الرجال.هدا لان السارق يجد سهولة في سرقتهن.فهن لا يقاومن و بمجرد ان يخرج لها السكين تسقط من شدة الخوف.كما ان الفتيات عادة يكون لديهن الهواتف الغالية الثمن و بالتالي تكون بالنسبة للسارق فيها المدخول و ما فيهاش الريسك.لدا انصح الفتيات باقتناء الهواتف البسيطة .2000دج.هههه هكدا كي تتسرق ماعليش

جسور المحبة · 2012-02-15, 22:16

يا جماعة ما تنسوش حكاية الصاك
انا مرة كانو ثلاتة واحد منهم بدا يجبد الصاك وتنا نجبد ما صدقتش بلي راني نتسرق حتى بعد مدة بش استوعبت ولما شافني متعاندة معاه وما حبيتش نخلي الصاك راح هرب ومن حسن الحظ انو مكانش عندو الموس وتاني غير صغار يعني 17 ولا 18 عام
من هذيك وليت لما نخرج الدراهم جامي نحطها في الصاك ولا اي حاجة تغيضني ونحط فيه برك لحوايج التافهة بش هكا يندب على عمرو سرق وجاب حاجة رخيصة هههههههه

لاتبكي ياقدس جروحي · 2012-02-15, 23:13

لالا أنا الحمد لله لم أتعرض للسرقة

بالصح شفت سرقة وسمعت عن سرقة من مصدر موثوق

أنا اللي شفتها : كنت عند خالتي وبدينا نسمعوا في العياط شفنا في الطاقة لقينا مسكينة وحدة

جامعية سرقلها واحد بورطابل نتاعها وتعيط تقولهم رجعولي كارت ميموار برك المخلوقة طاحت سكرت

واللي سمعت بيها:

قالك واحد السراق حكم طفلة قالها أعطيني واش عندك من ذهب قاتلوا ماعنديش

بدا يحوس فيها لقى صح ماعندهاش

وش دار لها في رأيكم

ضربها بركلة وقالها ديري الذهب كيما البنات ههههههههههههههه

والله هذي حقيقية هههههههههه سراق آخـــــــــــــــــر زمن

رقة الحياة · 2012-02-15, 23:19

واحد النهار شفت سراق قبض فتاة نحالها الصاك ما لقى فيه والو حطلها فيه 200 دج و رجعهولها شفاتو
كاين اللي تلقاه سراق بصح حنين و كاين اللي تلقاه خاطيه السرقة بصح قلبو با لطيف
و ما ننساوش ثاني ه\ ليام راهي انتشرت سرقة القلوب