عمل المرأة المتزوجة

[j-med]

المشاركة الأصلية كتبت بواسطة النجمة القطبية

يا اخى الكريم لا تتم المناقشات هكذا
الاخت حرة فى ابداء رايها
واعتقد ان اسلوبها راقى ماشاء الله عليها
اما بالنسبة للدراسة فهى ستكتشف مع الايام اهمية الدراسة للبنت خصوصا وربما ستجد البديل لاولادها مستقبلا
تعرفى اختى ام براء ذكرتينى باخت صغيرة سلفية اهلها اصدقاء لعائلة جدى وكان اخوها يجيبها تقعد عندنا هى صغيرة ووقفها عن الدراسة وكانت تحب تقرا
ممبعد سمعت بلى دخلت مدرسة خاصة غير مختلطة بالعاصمة
فكرتينى بيها طفلة هايلة والله
اذن البديل موجود
وربى يعلم

ساعيد كتابة ردي بطريقة اخرى

ام براء السلفية اقرأي ردودك و اعلمي ان مستوى بناتك سيكون مثل مستوى هذه الردود اذا " gاريتيهم في الدار في السنة السادسة" مثلما قلت

[خوله فاشن]

الله لما خلق الارض خلق فيها البشر ذكر وانثى كلاهما يكمل بعضهما ويبني هذه الارض
فالراجل مايقدرش يبني الارض بدون المرأه
تختلف النساء في البيتوتيات وفي اللي تحب تخدم
انا مع المرأه العامله لان افكارها ماترقدش لان المره في البيت تصير مع الاولاد وحالتها يتخدر عقلها حتى لو قرات كتب مايصير جديد ووتعلم
انا عن نفسي مانقدرش نقعد في الدار لاني بقاعدي في الدار يحكمني الكسل حتى عن شغل المنزل
اما اذا كنت خدامه بره نجي نشيطه نخدم الدار وكلش يكون فيا نشاط ماتعموش الفكره اللي حبت تخدم دبر راسها واللي ماحبتش تقعد في داراها
المره اذا لابسه مليح وفي خدمتها تهدر مع الرجال وواثقه من نفسها وتكون مؤدبه وين المشكل في التعامل مع الرجال الصحابيات زمان كانوا يتناقشون معاهم ويداووا المرضى وووووووووووو ؟

وش بيكم يالدزيرييين هذه ماهيش عقليتنا ؟؟ النساء زمان كانوا يحرثوا ويديروا هذه عقلية دول الشرق الاوسط ؟؟ ماهيش من الدين هذه ابدااااااااا
سما ماتخدمش المره الولاده تولي الراجل يولد وهكا ماتخلطوش الحابل بالنابل

[خوله فاشن]

على فكره مال المرأه من عملها لها شخصيا وهذا حق اعطاهولها الشرع لو يكون راجلها افقر الفقراء وهي الغنيه واجب عليه انه هو اللي يصرف عليها حتى لو فقير
والمره وشخصيتها اذا عودت الراجل تصرف معاه اكيد يتمادى اما اذا من اول حاط النقط على الحروف يعرف روحوا للي تقول ندمت اني خدمة في رجاله يخطبوا النساء لاشافوهم خدامات على حسب الموقف امشي

[خوله فاشن]

وش بيكم فريد وام البراء السلفيه ار يو اوكي الاسلام لايمت لما تقولونه بصله الاسلام اكبر من اللي راكم تهدروا عليه الاسلام ماتهدروش عليه اصلا اتعلموا وتثقفوا في الدين وفي غيره وياربي لاقدرتوا تتكلموا على الاسلام والاختلاط لاكان هكا كان نجحت الدول اللي مانعه الاختلاط الشذوذ والحاله مقلبه ديروا خط احمر كي تجوا تهدروا على الاسلام لانه اكبر من انه نهدروا عليه ولانه ماحدش راه مستوى ياأهله بالفتوى او الكلام عنه

بالمختصر قولوا انها وجهات نظرنا مادخلوش الاسلام في وجهات نظركم لان هذه فيها وفيها هدره كثيره وجهود كثيره للعلماء ومذاهب كثيره تهدر جيتوا انتم تديروا وجهات نظر او ماعنباليش من وين اديتوها وتنسبوها للاسلام ؟ هاتوا شهاداتكم مع الخبره ومع كبر السن والتجارب وحفظ القران والسنه كامل باش يسمح لكم بالكلام عن الاسلام ومافيه واحكامه ولو انه لا يجوز لاي احد يفتي وتعرفه الحكم في اللي يفتي بغير علم

[فتـ حييةـاة]

واش تخدمي الاخت خولة ؟؟؟؟

[النجمة القطبية]

المشاركة الأصلية كتبت بواسطة j-med

ساعيد كتابة ردي بطريقة اخرى

ام براء السلفية اقرأي ردودك و اعلمي ان مستوى بناتك سيكون مثل مستوى هذه الردود اذا " gاريتيهم في الدار في السنة السادسة" مثلما قلت

وما بها ردودها راهى لاباس ربى يبارك فيها
اواه بدل الرد

[فتـ حييةـاة]

المشاركة الأصلية كتبت بواسطة خوله فاشن

الله لما خلق الارض خلق فيها البشر ذكر وانثى كلاهما يكمل بعضهما ويبني هذه الارض
فالراجل مايقدرش يبني الارض بدون المرأه
تختلف النساء في البيتوتيات وفي اللي تحب تخدم
انا مع المرأه العامله لان افكارها ماترقدش لان المره في البيت تصير مع الاولاد وحالتها يتخدر عقلها حتى لو قرات كتب مايصير جديد ووتعلم
انا عن نفسي مانقدرش نقعد في الدار لاني بقاعدي في الدار يحكمني الكسل حتى عن شغل المنزل
اما اذا كنت خدامه بره نجي نشيطه نخدم الدار وكلش يكون فيا نشاط ماتعموش الفكره اللي حبت تخدم دبر راسها واللي ماحبتش تقعد في داراها
المره اذا لابسه مليح وفي خدمتها تهدر مع الرجال وواثقه من نفسها وتكون مؤدبه وين المشكل في التعامل مع الرجال الصحابيات زمان كانوا يتناقشون معاهم ويداووا المرضى وووووووووووو ؟

وش بيكم يالدزيرييين هذه ماهيش عقليتنا ؟؟ النساء زمان كانوا يحرثوا ويديروا هذه عقلية دول الشرق الاوسط ؟؟ ماهيش من الدين هذه ابدااااااااا
سما ماتخدمش المره الولاده تولي الراجل يولد وهكا ماتخلطوش الحابل بالنابل

بديتي بمقدمة عجبتني من بعد ......................

[خوله فاشن]

اولا المقدمه ثانيا مابعد المقدمه كلام يخصني انا مثلا انا لاقعدت في الدار نولي فنيانه نبر ون حتى على شغل البيت الا اذا نجي من بره من اشغالي تكون فيا طاقه نخدم الدار وكلش بعكس اختي بيتوتيه تحب البيت لاخرجت بره تجي هالكه فهي ترفض العمل في البيت وانا عكسها كل واحد وطاقته مانجبروش احد

وش نخدم علاه هههههههه ؟

[دادي84]

شكرا اختي على الموضوع الرائع
على ما اعتقد ليس هناك أي مشكل في عمل المرأة مع الرجال في بعض الادارات كالمستشفيات مثلا لأنها تدخل في اطار عملها كالقابلة فمن غير المعقول ان يقوم بهذا العمل رجل فالمسألة هنا ليست مسألة اختلاط بقدر ما هي مسألة تتعلق بطبيعة العمل من جهة و كذا بالمرأة ذاتها من جهة اخرى ....فاذا كان ايمانها ضعيفا و تخشى على نفسها الوقوع في الحرام عليها التوقف عن العمل حفاظا على شرفها و شرف زوجها و أما اذا كانت صلة المراة بخالقها قوية فلا خوف عليها لأن المراة يحرسها عقلها لا غير فحتى لو كانت في حصون محصنة و أرادت أن تأتي منكرا لن يوقفها شيئ لا اخوها و لا أبوها و لا زوجها ولا... الا خالقها........ أرجو أن تكون الفكرة قد وصلت

[فتـ حييةـاة]

سالتك فقط اختي
بغبت برك نعرف واش هي الوظيفة الي تخلي الواحد يدخل ناشط للدار

[خوله فاشن]

لا مش الوظيفه اللي تخلينا ناشطه اني نكون انجزت في هذاك اليوم نرجع فيا نشاط الحمدلله من ربي سواءا وظيفه ام دراسه

[خوله فاشن]

امل هذه وجهة نظرك انتي ماتحبيش تخرجي
والا عادي ويشوفوك علاه وش كاين ؟
وهذه انتي تحبي هكا غيرك لا
واذا النساء اللي يشكوا مشكلتهم لانهم تساهلوا مع الرجاله
ماتقدريش تعمي قضيتك على الجميع
عادي نمشي وماعلاباليش بالغاشي اولا النبي صلى الله عليه وسلم نهى عن الجلوس في الطرقات كيما المقاهي اللي قلتي عليها باش ماتضايقش الماره نحبس روحي على جالهم
لا اكيد مانوقفش حياتي انتي راكي تتسبي باش تقعدي في الدار من حقك ماتخدميش دامك ماتحوسيش وماتقدريش تجبري الناس يديروا كيما انتي انتي عقليه وهما عقليه نخرج ندور شاده روحي وعند قدري حتى واحد يخلطني ولا نخلط حد نخدم كلش نجي ندور نشري وين المشكل والا لازم نجيب مشكل ونقول كاين مية راجل الشوارع معمرين بالراشي والمليح نحبس روحي وخدمتي ونيفويا ووش تعلمت على جالهم ؟؟ لا مانيش من النوع اللي يضحي لعيون ناس فارغين شغل في المقاهي نو كلها لمصلحتي انا علاه نحبس وهما شادين الحيوط يبغاوني نكون كيما هما نو
لكن انتي تحبي جلسة البيت هذا شئ راجع لك مايجيش احد يقولك الا تخدمي نو كل واحد وكيفاه

[خوله فاشن]

القوامه للراجل شاء ام ابا خدمة المره هي تطوير لنفسها ومساهمه في المجتمع اذا حبت المره بنفسها تثبت روحها او لا وبنفسها وش تعود راجلها
المره اللي تخلي راجلها في الدار وهي تخدم المره هي اللي تخلي الراجل خدام وهي خدامه والا في الداار ودراهمها ليها
كل شئ يعود عليها فاللي تشكي تشكي على روحها هي الغلطانه كان بينت له من الاول
ثما الدزاير تتبع القور الغرب في مساهمة المره في المنزل مع زوجها من ناحية المصروف والشرع اسلامنا قال دراهم المره ليها ولها الحريه فيهم اعطانا الحق الاسلام المره حبت تنزل روحها وتخدم وتعاونه شئ راجع لها ومكان لاه تشكي كانت قادره تخدم ليها من الاول تفهمه الخدمه ماهيش باش نجيب دراهم حتى ونخدم بلا راتب الخدمه تطوير للنفس
وكاين كلام بزاف راح لي المهم انا دوكا نرقد تصبحوا على خير
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .

[مشكاة الهدى]

المشاركة الأصلية كتبت بواسطة ضوء الخيال

اختي زينب اود ان اسالك هل انت سلفية اقصد متجلببة

اسعد الله صباحك اختي

السلام عليكم

اولا انا سلفية وانت ايضا وجميعنا هنا سلفيون لما
لان السلفية في ابسط معانيها اتباع نهج السلف الصالح والسلف الصالح هم اهل البيت
والصحابة الكرام اكيد انت تعملين بالسنة والكتاب يعني نقتدي بالسلف
اما الجلباب فانا لا ارتدي البرقع او الستار يعني وجهي مكشوف لكني البس حجاب شرعي

اتمنى ان تتضح الفكرة لديك الان
واضيف انا متعلمة ومتحصلة على شهادتين للاعلام الالي ومتعلمة عن بعد في معهد سسعودي
ولي اخوات عاملات في سلك التعليم كل ما في الامر ان كل واحد فينا يتميز بقناعات

[السَّحابة البيضاءْ]

المشاركة الأصلية كتبت بواسطة زينب

اسعد الله صباحك اختي

السلام عليكم

اولا انا سلفية وانت ايضا وجميعنا هنا سلفيون لما
لان السلفية في ابسط معانيها اتباع نهج السلف الصالح والسلف الصالح هم اهل البيت
والصحابة الكرام اكيد انت تعملين بالسنة والكتاب يعني نقتدي بالسلف
اما الجلباب فانا لا ارتدي البرقع او الستار يعني وجهي مكشوف لكني البس حجاب شرعي

اتمنى ان تتضح الفكرة لديك الان
واضيف انا متعلمة ومتحصلة على شهادتين للاعلام الالي ومتعلمة عن بعد في معهد سسعودي
ولي اخوات عاملات في سلك التعليم كل ما في الامر ان كل واحد فينا يتميز بقناعات

شكرا على الاجابة والتوضيح بارك الله فيك