تابع ل مشكلتي مع شاب

مشكلتي · 2012-01-23, 19:52

مشكلتي مع شاب

مشكلتي
يوجد رجل يسكن امامنا متزوج حديثا وهو في الثلاثينات من عمره كثير النظر الي لااعرف لماذا ولما يشوفني مارة يحبس كل شي من يديه ويبقا يشوف فيا ولاخطرات يعمل اي حاجة باش يبين بلي راه قدامي مثلا يزيد في نبرة صوته باش نشوف فيه وعينيه توجور فالشرفة مع انني لااخرج الى الشرفة الا نادرا وكلما نخرج نصيبه يشوف وانا لاابالي به ابدا الا ان نظراته وتصرفاته تضايقني
فمارايكم انتم وبما تنصحوني

السلام عليكم ورحمة الله وبركاته
اولا اشكر كل من مر بمضوعي وقام بنصحي
المشكل لازال على حاله مازال الشاب يلاحقني بنظراته وعندما نكون مارة بجانبه يحبس كلشي ويقعد يشوف فيا حتى لو يكون مشغول يخلق اعذار باش يشوف فيا ولاحظت انه مايشوفش في بنات اخرين غي انا علما انه كان حابني هادي 3سنين وماكتبش المكتوب وهاد المرة سمعت بلي سما بنته باسمي..
انصحوني

عُضو مُحترم · 2012-01-23, 20:11

اخطيك

راه متزوج ما تخربيش بيوت الغير

s english · 2012-01-23, 20:55

1 بدلي الطريق ماتروحيش من جيهتو
2 ماتشوفيش فيه باه ماتشوفيهش بلي راهو يشوف فيك
3 نحيه من بالك و ماتبقايش تتساءلي عدة اسئلة لي تخليك تفكري بيه

mina minouna · 2012-01-23, 20:59

اخطيييييك منو راه مزوج

جسور المحبة · 2012-01-23, 21:00

راه عندو بنت وش بقالك تفكري فيه
انسيه وما تظلميش المخلوقة لي راهي معاه
كما تدين تدان وممكن تفسديلها حياتها ويخلفها ربي فيك
اخطيك منو وربي يجيب لي احسن منو

•~ندية الجوري~• · 2012-01-23, 21:01

السلامـ عليكمـ ورحمة الله وبركاته~

تجاهليه تماما

مشكلتكِ أنكِ تقنعي نفسكِ بأنّه يحبك و يُعجبكِ هذا الأمر
و تدافعي عن ذلك
بقولك انه يحبك منذ مدّة
و لا ينظر للأخريات بل انت فقط

بما أنّــه مُتزوّج فـ لا تجعلي له موقعا في تفكيرك

فليس للمتحابين إلاّ الزّواج
و لا أظنكِ ترضين
بتدمير عائلته من أجلك

صغيرتي
ليس ذنبكِ أن يتصرف بهذه الطريقة
لكن بإمكانكِ انت أن توقفيه
لا تجعلي الأمر يصل إلى أشياء أخرى
و يتحول من مجرد إعجاب و نظرات إلى أمور اكبر

و سيرزقكِ الله بمن يكون لكِ وحدكِ

منذ مدّة أخبرتني شقيقتي الصغيرة
بشيء يُشبه هذه القصة
و مضايقة شاب لها رغم أنه غير مُتزوج
إلاّ أني حذرتها من التعلق به أو مُطاوعته في تصرفاته غير المسؤولة

أخبرت زوجي تحدّث معه
و إبتعد تماماً و إرتاحت منه و الحمد لله

حل المشكل يكون بأن تخبري من تثقين فيه
و يتفهمكِ ... أخاكِ او عمكِ ...خالكِ

و يُحل المشكل بين الرّجــال

إلاّ إذا كان الأمر يُعجبك
و بدأتِ التعلق به
و افكاركِ تنسج لكِ أحلاماً وهمية

ربي يصلح الأمور و يستر بناتنـا

خولة لبابة · 2012-01-23, 21:03

اياكي ثم اياكي.....لا تخربي بيوت الناس.....حذاري يا اختاه ....حاولي تجنبه قدر الامكان.....خاصة و انه متزوج و لديه طفلة.....هذاك الرجال نقول....الله يهديه....لكن حذاري ان تعملي انتي شيء تجذبيه نحوكي....و اذا عرفتي انه عندما تخرجين الى الشرفة تجديه.....فلا تخرجي.....و الله اعلم....

جسور المحبة · 2012-01-23, 21:05

راه عندو بنت وش بقالك تفكري فيه
انسيه وما تظلميش المخلوقة لي راهي معاه
كما تدين تدان وممكن تفسديلها حياتها ويخلفها ربي فيك
اخطيك منو وربي يجيب لي احسن منو

مريم الصابرة · 2012-01-23, 21:06

السلام عليكم يا اختي الكريمة لقد سبق وأن نصحناك بنفس الكلام وسأكرره لك الشاب متزوج وأب حتى لو كنتما تحبان بعضكما الوقت قد فات وكما قلت المكتوب قد تدخل إبتعدي عنه ودعيه يعيش حياته مع زوجته وإبنته ضعي نفسك مكان زوجته هل ستقبلين أن تأخذ زوجك إمرأة أخرى وتهدم بيتك وما ذنب تلك البريئة الإبنة التي لا تعرف شيء من الحياة هل ستكبر بسببك بدون أب نصيحتي غيري الطريق أو واجهيه وهدديه بإبلاغ زوجته وهكذا سيكرهك وسيبتعد عنك على أقله سيخاف على زوجته فأضنه يريدك عشيقة لا تغضبي من كلامي ولكنه الواقع نصيحتي أن توقفيه عن حده وإن كان قلبك يريده فأنت ترتكبين خطأ فادح ندعوا الله ان ينير طريقك

MATRIX-DZ · 2012-01-23, 21:09

يا جمـاعة راها تقول أنو هو اللي يشوف فيها و يحبس شغلو كي تكون مارة

نتم راكم تقولو أخطيكـ منو و ما تخربيش بيت و عايلة!!!!!!

علاه راكم تلومو فيها على حاجـة الراجل يدير فيها؟؟
..

المهم يـا أختي ما تديريهش في البـال مع الحذر منو

و بعدي الطريق نتـاعو

نحيه من مخكـ طول بالاكـ ربي يهديه

طالبة مساعدة · 2012-01-23, 21:31

لا تبالي به و اذا فعل شيئ يلفت الانتباه اخبري اهلك فورا

رزان. · 2012-01-24, 15:18

الشاب متزوج عليك أن تنسي أمره نهائيا ، بما أنك لاحظت أنه دائما يشوف فيك ربما فهم العكس ( أنك تبادلينه نفس الشعور ...)
عليك بالحذر سوف تفتحين بابا يصعب غلقه حاولي بأي طريقة أن تبتعدي عنه
توكلي على الله و اطلبي له الهداية

hamzagolf6 · 2012-01-24, 17:52

ربما سرقولو بورطابلو وشك فيك ههههههع

"زينب" · 2012-01-25, 15:45

يا أختي راجل لا يغض بصره و ينظر إلى فتاة, ما نسمي هذا التصرف وقاحة فقط لا غير, و كونه متزوج لا يغير الأمر فهو وقح و غير مؤدب و خائن لزوجته وكثر هم الرجال الذين لا يغضون أبصارهم
لا أفهم ما النصح الذي تبحثين عنه
ربي يرزقك الزوج الصالح

manina_dr · 2012-01-26, 23:08

ربي يهديك يا ختي المشكلة متحتاجش مامبا باش تطرحيها راها باينة وش تديري اكيد كتقيميهش خلاص و ديري روحك مشفتيهش و متعمريش راسك بيه اصلا
وزيد راه يشوف بالعين برك متبلاك مادارلك حاجة تحيري عليها خليه يشوف معندك مقلقك و ره متزوج اطونسيون تخممي فيه و تخربي بيت راكي مزلتي صغيرة و نشالله ربي يرزقك الزوج الصالح