ماذا تحب ماذا تجيدين؟ - الصفحة 2

مريم الصابرة · 2012-01-23, 15:43

اقتباس:

المشاركة الأصلية كتبت بواسطة نورة أسماء

لالا صحيح الراجل همو كرشو؟؟؟؟وهذ المثل عمري ولا سمعت بيه نتاع راقدة وتمونجي؟؟؟مين جبته؟؟؟؟

السلام علييكم اختي نورة خليك من مجيد راهوا غيور من النسا ميت بالغيرة كان جايبها ورا الاخت نعيمة وراهي لاتية بقرايتها ضرك جا مورايا وأنا كنت غايبة لقاك إنت مي راني جيت ليه راقدة وتمونجي قالوها جدودو عليه فنيان باين ههههههههههه شكرا اختي

مريم الصابرة · 2012-01-23, 15:47

اقتباس:

المشاركة الأصلية كتبت بواسطة amal2000

اختي ماريلينا انا اكبر اخواتي وهذا اللي خلاني ندخل للمطبخ وهذا اللي خلاني ندخل في وقت مبكر للمطبخ طيبتني الكوزينة اذا عديتلك واش نعرف ندير يجو بزاف خليني نخبرك على واش مانعرفش ندير احسن
مانعرفش ندير الرقاق

ملاحظة : مهما تناول الزوج من اطباق لذيذة من يد زوجته او من اكل المطاعم الفخمة او ......ستبقى امه امهر طباخة في نظره وستبقى اطباقها الذ واطيب اطباق في العالم صح؟؟؟؟؟؟؟؟؟؟؟؟؟؟؟؟؟؟؟او انني اخطأت[/color]
الرجال فقط من لهم الحق الرد على الملاحظة..... شكرا

السلام عليكم اختي ما تزعفي ما والو أنا نعلمك ديري الرقاق واللي ما تعرفهاش عليميهالي وراني معاك الراجل مهما ياكل من مرتوا تبقى اموا أفضل طباخة وهذي حقيقة وواقع شكرا ربي يجازيك عزيزتي

said26 · 2012-01-23, 17:02

اقتباس:

المشاركة الأصلية كتبت بواسطة مريلينا

السلام عليكم سأضع ردا لنفسي أولا كنت نقرا ما نعرف ندير والو يا ربي نقلي البطاطا ومن بعد عايروني صحاباتي قالولي وكي تتزوجي كيفاه وين الراجل اللي يقبل ياكل البطاطا برك خممت فيها وليت نتعلم كل شي تعلمت الحلويات وتحصلت على ديبلوم مي الراجل كل يوم قاطوا نطلعلوا السكر لازم شوية مالح رحت نتعلم نعجن عندي جارتي مرا كبيرة وتحبني بزاف كانت تظل مورايا يا طفلة تعلمي تعلمي وانا نقولها لالا وليت انا نحلل فيها علمتني ربي يخليها تعلمت نعجن وندير المحاجب والبغرير هههههههه وكل شي الحمد لله ضرك نتاع الصح طباخة فور كيما يقولوا خليت البطاطا مي قالك مريلينا تعلمت تطيب وطاحت فالمرض الله غالب لا طياب لا راجل ناكل برك ههههه شكرا

او لازم تتعلمي
انا لازم نديرلها تاست هكذا باش نجيبها لدار ولا كفاش +معليش كي متعرفش المهم تتعلم
شكرا لموضوعك

فتـ حييةـاة · 2012-01-23, 17:05

اقتباس:

المشاركة الأصلية كتبت بواسطة مريلينا

السلام عليكم اختي ما تزعفي ما والو أنا نعلمك ديري الرقاق واللي ما تعرفهاش عليميهالي وراني معاك الراجل مهما ياكل من مرتوا تبقى اموا أفضل طباخة وهذي حقيقة وواقع شكرا ربي يجازيك عزيزتي

وعليكم السلام ورحمة الله ....... بصح تعرفي تديري الرقاق ؟؟؟ انا راني مستعدة نعلمك واش تحبي

مريم الصابرة · 2012-01-23, 19:19

اقتباس:

المشاركة الأصلية كتبت بواسطة said26

او لازم تتعلمي
انا لازم نديرلها تاست هكذا باش نجيبها لدار ولا كفاش +معليش كي متعرفش المهم تتعلم
شكرا لموضوعك

السلام عليكم خويا شكرا وي لازم نتعلموا على الاقل يجينا ضيف نقوموا بيه وراني معاك الزوجة كان ما تعرفش الام نتاعك كاينة تعلمها ربي يخليهالك شكرا اخي

مريم الصابرة · 2012-01-23, 19:21

اقتباس:

المشاركة الأصلية كتبت بواسطة amal2000

وعليكم السلام ورحمة الله ....... بصح تعرفي تديري الرقاق ؟؟؟ انا راني مستعدة نعلمك واش تحبي

السلام عليكم أختي نعرف نديروا ونعلمك ماكانش مشكل خلي نديروا فالدار ونصوروا بالبرتابل ونحطوا في قسم العجائن ركن الطبخ أوكي واللي نحب نتعلمها نقولك عليها شكرا حنونة ربي يخليك

فتـ حييةـاة · 2012-01-24, 01:37

اقتباس:

المشاركة الأصلية كتبت بواسطة مريلينا

السلام عليكم أختي نعرف نديروا ونعلمك ماكانش مشكل خلي نديروا فالدار ونصوروا بالبرتابل ونحطوا في قسم العجائن ركن الطبخ أوكي واللي نحب نتعلمها نقولك عليها شكرا حنونة ربي يخليك

اوك حبيبتي راني مرة مرة نشوف بصح انا راني نهدر على الرقاق تاع الغرب الجزائري سلام

مريم الصابرة · 2012-01-24, 09:16

اقتباس:

المشاركة الأصلية كتبت بواسطة amal2000

اوك حبيبتي راني مرة مرة نشوف بصح انا راني نهدر على الرقاق تاع الغرب الجزائري سلام

السلام عليكم اختي وي فهمتك أنا أصلي غربية نعرف الرقاق نتاع الغرب ما تخميش شكرا لك

ميرة34 · 2012-01-24, 11:53

ربي يشفيك وترجع لك صحتك امافيم يخص الطبخ راني نسلكها كيما يقولواالماكلة اللي نديرها تعجبهم (أهل الدار)كما يقول المثل حوحو يشكر روحو

مريم الصابرة · 2012-01-24, 16:23

اقتباس:

المشاركة الأصلية كتبت بواسطة ميرة34

ربي يشفيك وترجع لك صحتك امافيم يخص الطبخ راني نسلكها كيما يقولواالماكلة اللي نديرها تعجبهم (أهل الدار)كما يقول المثل حوحو يشكر روحو

السلام عليكم أختي اللهم آمين شكرا اختي الغالية على دعوتك الثمينة مادام اهل الدار تعجبهم إمالا راكي طباخة ماهرة الله يخليلك هذوك اليدين شكرا على مرورك الكريم

النجمة القطبية · 2012-01-24, 16:38

هاذ المرة موضوعك هايل مريلينا
انا عامة احب الطبخ
نعرف تقريبا نعرف كل الاساسيات يعنى الشربة بانواعها والحريرة الصراحة نحب الحريرة بزاف بصح منديرهاش كيما تع الغرب نحب الطريقة المغربية
نعرف الجوازات اغلبهم ونحب نخدم صوالح الفرن والبيتزا
الحلويات يعنى نعرف شوية تقليدية بصح نحب نخدم الباتيسرى يعنى وكل ما يتعلق بالشوكولاطة
نحب الشوكولاطة
ومازلت تحت التدريب
اما النقص عندى نقص شوية فى المحاجب هههه يجى مليح بصح مزال عندى نقص فى la finition
مازال عندى نقص شوى فى البغرير رغم ان امى فنانة بغرير هههه بصح انا نحب الفرنسى هذاك نديرو
اذا حبيتو تدوروها طبخ رانى معاكم نروحو لركن الطبخ نستفادو شوية

النجمة القطبية · 2012-01-24, 16:41

اختى مريلينا بما انك قريبة لى فى المنطقة اذن اعتقد تقاليدنا كيف كيف فى الطبخ
انتوما تديرو بوراك السلق ولا لا
ههههه راكى خلطتى فيا نخرج خير

الواثق · 2012-01-24, 16:50

بارك الله فيكم .............الطبخ من افضل سمات المرأة ان اجادته فلقد سيطرت على الوضع

مريم الصابرة · 2012-01-24, 19:07

اقتباس:

المشاركة الأصلية كتبت بواسطة النجمة القطبية

هاذ المرة موضوعك هايل مريلينا
انا عامة احب الطبخ
نعرف تقريبا نعرف كل الاساسيات يعنى الشربة بانواعها والحريرة الصراحة نحب الحريرة بزاف بصح منديرهاش كيما تع الغرب نحب الطريقة المغربية
نعرف الجوازات اغلبهم ونحب نخدم صوالح الفرن والبيتزا
الحلويات يعنى نعرف شوية تقليدية بصح نحب نخدم الباتيسرى يعنى وكل ما يتعلق بالشوكولاطة
نحب الشوكولاطة
ومازلت تحت التدريب
اما النقص عندى نقص شوية فى المحاجب هههه يجى مليح بصح مزال عندى نقص فى la finition
مازال عندى نقص شوى فى البغرير رغم ان امى فنانة بغرير هههه بصح انا نحب الفرنسى هذاك نديرو
اذا حبيتو تدوروها طبخ رانى معاكم نروحو لركن الطبخ نستفادو شوية

السلام عليكم أختي الله يبارك راكي كاملة وتعرفي الضروريات نتاع الطيخ أنا ثاني نحب الصوالح اللي ذكرنيهم والمحاجب فالاول انا كنت نديرهم خرائط كل مرة نتاع بلاد من اللون ومن بعد تعلمتلهم مليح الإستمرار فالحاجة يخليك تتعلميها وبالنسبة للقاطو أنا تعلمت الجديد ونتاع سوريا ونعرف التقليدية من اللي كنت صغيرة نروحوا لركن الطبخ ماكانش مشكل شكرا

مريم الصابرة · 2012-01-24, 19:12

اقتباس:

المشاركة الأصلية كتبت بواسطة النجمة القطبية

اختى مريلينا بما انك قريبة لى فى المنطقة اذن اعتقد تقاليدنا كيف كيف فى الطبخ
انتوما تديرو بوراك السلق ولا لا
ههههه راكى خلطتى فيا نخرج خير

السلام عليكم اختي انا ندير بوراك نتاع الصلق ونتاع البططا مقلية ونتاع لابوري بالفرماج جعتي باينة وشهتيني فالبوراك فكرتيني في رمضان غدوى نديرهم لمممممممم شكرا اختي