أتحدى والله أتحــــــــــــدى

ورثان الجنان · 2012-01-20, 19:04

بسم الله الرحمان الرحيم

السلام عليكم

والله كاااارثـــــــــة ما يحدث

والفنا كل عام بالعتبة تع التمسخير

أقولها وبكل صرااااحة تمسخير

أجزم جزما قاطعا بأنو كاين طالب من كلّ الطلبة اللي خرجو للشارع يعرف واش كاين في

القراية تع الجاااامعة

والله تمسخير واش راهو يصرى

لأنو كل التلاميذ اللي خرجو يطالبو بالعتبة ولا واحد فيهم يخمم في الدراسة الجامعية

نقولكم حاااااااااااجة سقسيو طلبة سنة 1 جامعـــي

وقولوهم كيفاش هيا القرياة ثماااااااااااااااك

والله كاااارثة

والله يعانيو خصوصا في الرياضيات والفيزيااااااء

والله والله أتحدى كل من يقول أن العتية لصالح تلاميذ البكالوريا

zizou93 · 2012-01-20, 19:13

كلام صحيح العتبة غير مفيدة لنا خصوصا في الجامعة لان الدروس المحذوفة نحتاجوها في الجامعة و سقسيت تاع اولى جامعي راهم ضايعين بسبب العتبة تاع2011
ربي يوفقنا

زهور الياسمين · 2012-01-20, 19:49

سلام

و اخيرا لقيت واحد يخمم كيما اانا

الدنيا كامل راهي فرحاااااااااااااااااانة
و انا راني جد حزينة
هاد الباك ما عندو حتى ذوق عتبة موضوعين ..........

و السؤال الذي يتكرر
وش الفايدة من هد العتبة ؟؟؟

تحديد دروس الباك صح ؟؟

بش الباك يجيك ساهل اومبعد وش تستفادو

البرنامج ميخلاصش و متسلسل مع برنامج الجامعة

ايا شكون لي خاسر فلافار اكيد حنا

للاسف هذا المستوى المتدني لي لحقنا ليه نتيجة التفكير السلبي

علاش حتى بلد ميدير هالعتبة لوكان لقاو فيها فايدة لوكان طبقو هاد الموضة

اضافة على ذلك علاش الباك مشي معترف بيه دوليا ؟؟؟
..

قاللنا الاستاذ تع الفيزياء بلي مستحيل نكملو البرنامج و كامل دوك نعومو العام الجاي نديرو ميدسين و لا حاجة اخرى

واش هو الحل ؟ نخرجو نطالبو بحقوقنا تاني

اخي ممكن سؤال انت ش رياضيات ؟

بالتوفيق

zizou93 · 2012-01-20, 19:57

اقتباس:

المشاركة الأصلية كتبت بواسطة زهور الياسمين

سلام

و اخيرا لقيت واحد يخمم كيما اانا

الدنيا كامل راهي فرحاااااااااااااااااانة
و انا راني جد حزينة
هاد الباك ما عندو حتى ذوق عتبة موضوعين ..........

و السؤال الذي يتكرر
وش الفايدة من هد العتبة ؟؟؟

تحديد دروس الباك صح ؟؟

بش الباك يجيك ساهل اومبعد وش تستفادو

البرنامج ميخلاصش و متسلسل مع برنامج الجامعة

ايا شكون لي خاسر فلافار اكيد حنا

للاسف هذا المستوى المتدني لي لحقنا ليه نتيجة التفكير السلبي

علاش حتى بلد ميدير هالعتبة لوكان لقاو فيها فايدة لوكان طبقو هاد الموضة

اضافة على ذلك علاش الباك مشي معترف بيه دوليا ؟؟؟
..

قاللنا الاستاذ تع الفيزياء بلي مستحيل نكملو البرنامج و كامل دوك نعومو العام الجاي نديرو ميدسين و لا حاجة اخرى

واش هو الحل ؟ نخرجو نطالبو بحقوقنا تاني

اخي ممكن سؤال انت ش رياضيات ؟

بالتوفيق

زيديني حتى معاكم راني ضد العتبة عمبالي راح نطلعو مبوشيين و مقفولين و مانلقاوش رواحنا العام الجاي كيمة الاخت وردة راهي حاصلة العام هذا غالجامعة في درس الاحتمالات باسكو ماقراتوش العام اللي فات راهي تقرا دونتيست و ربي يوفقها هي نصحتنا باللي العتبة ماهيش مليحة
ربي يستر

مرايا الطلاب · 2012-01-20, 20:01

فعلا كلامك صائب

الجامعة اصبحت لكل من هب ودب

كارثة

اخي أسالك الدعاء لي فانا بأمس الحاجة

Nour el houda93 · 2012-01-20, 20:02

أنا بصراحة اخواني باغية العتبة هدا العام باش ينقصو الدروس ونجيبو الباك ان شاء الله بمعدل مليح ومبعد ان شاء الله نقرا باقي الدروس في العطلة كيما الاحتمالات........
هاكدا راني مديسيديا ان شاء الله

زهور الياسمين · 2012-01-20, 20:25

اقتباس:

أنا بصراحة اخواني باغية العتبة هدا العام باش ينقصو الدروس ونجيبو الباك ان شاء الله بمعدل مليح ومبعد ان شاء الله نقرا باقي الدروس في العطلة كيما الاحتمالات........
هاكدا راني مديسيديا ان شاء الله

>>اختي قبل ما تفكري فالعطلة فكري فالتوجيه
ان شاء الله تصحلنا ميدسين

Nour el houda93 · 2012-01-20, 20:37

اقتباس:

المشاركة الأصلية كتبت بواسطة زهور الياسمين

>>اختي قبل ما تفكري فالعطلة فكري فالتوجيه
ان شاء الله تصحلنا ميدسين

هههه والله عندك الحق اختي...........

algeria6128 · 2012-01-20, 20:50

مشكووور اخي على الموضوع
و كلامك فيه حق بصح ما تنساش بلي كون ما يديروش العتبة او واحد لا راح يلحق بالجامعة مالا خمم مليح تدي الباك و مبعد تعاون روحك بروحك و لا تدي تع 10 و لا 11 و مبعد ما تلقاش واش تدير

zizou93 · 2012-01-20, 20:53

اقتباس:

المشاركة الأصلية كتبت بواسطة أجاتا كريستي

هههه والله عندك الحق اختي...........

اختي في الله
اسمحيلي نفكرك بحاجة راكي نسيتيها ولا ماتولهتيلهاش دركا نتي كي ينقصو الدروس و يجي الباك ساهل نسيتي بلي الغاشي كامل راح ينجح فالباك بمعدل مليح بما فيهم نتي ان شاء الله و مبعدا واش راح يصرا ......راح يطلعو في ليفيليار تاع الجامعة و تولي ميدسين يطلبو فيها 17 و لا 18 نوليو مانقدرو نديرو والو فالجامعة ...النيفو مايبانش مليح انا مقلتش يديرو باك صعيب باش حد ما يخدم لا لا لا ...

ربي ينجحنا كامل مي يديروه في متناول الجميع ok
نتمنى ما قلقتيش من كلامي
ربي يوفقنا كااااااااااااااااااااااااااامل
.
. .
.
.
قولي امين

معاش · 2012-01-21, 11:43

ان أظن ان العتبة التي يطاب بها التلاميذ هي في مصلحة التلاميذ لي في المدن الصغار وراهم يقراو

لكحل بلال · 2012-01-21, 11:50

السلام عليكم

خصوصا في الإختيارات تخصصات شوية بسبب العتبة

حامل اللواء · 2012-01-21, 11:52

لا تهمني العتبة ما دامت لا تضر ولا تنفع .....

حميد أبو نوفل · 2012-01-21, 13:20

عيب ما تطالبون به البرنامج في الرياضيات أزيحت منه بعض الدروس بالنسبة للعلمي ، أين الدالة العكيسة ، أين القواسم و المضاعفات ، أين الموافقات ، أين العد (التحليل التوفيقي ) كل هذا كان يدرسه العلميون سنة 2007 فقط ، وانتم تقولون ان البرنامج مكثف ، لانكم لا تريدون العمل بمفردكم وتنتظرون كل شئ جاهز إما في القسم ، او الدروس الخصوصية ، او أصبحت الآن المنتديات
عيب ، عيب لو كنت مكانكم لا يشرفني النجاح ببكالوريا العتبة

زهور الياسمين · 2012-01-21, 13:23

اقتباس:

عيب ما تطالبون به البرنامج في الرياضيات أزيحت منه بعض الدروس بالنسبة للعلمي ، أين الدالة العكيسة ، أين القواسم و المضاعفات ، أين الموافقات ، أين العد (التحليل التوفيقي ) كل هذا كان يدرسه العلميون سنة 2007 فقط ، وانتم تقولون ان البرنامج مكثف ، لانكم لا تريدون العمل بمفردكم وتنتظرون كل شئ جاهز إما في القسم ، او الدروس الخصوصية ، او أصبحت الآن المنتديات
عيب ، عيب لو كنت مكانكم لا يشرفني النجاح ببكالوريا العتبة

و الله يا استاذنا انا نكره العتبة مام المصطلح كي نسمعو نتقللق

انا ش رياضي و قرينا هد الدروس تع الجبر صراحة ممتعة

الله غالب هذي هي دزاير

صدق من قال لي قرا قرا بكري