ياليتني كنت معقدة !!!!

[ورود الشتاء]

لا داعى لذلك اختى من ذلك كله اهتمى بدراستك فقط

[أم البراء السلفية]

السلام عليكم ورحمة الله وبركاته
اولا ياختى مش المتدينة متشددة
المتدينة تعرف الطريق الصحيح وماتروحش للغلط على هاديك يقولولها معقدة
وكي راكي اتقولى على المتدينة متعقدة مادا بينا تولى معقدة اختى وتعرفي صلاحك
ياخى انا راني في سنك
واحمد ربي صباح وعشية لانو بطلت من الدراسة
لانو هادي هي نتائج الاختلاط
وانت لاه اتخلى طفل يقعد موراك
واصلا لاه تحكي معاه
حرام وربي قال هادا
وكل الناس الان راهى تعرف الحرام والحلال لكن للاسف قليل من يطبق
واش انقولك ياختى
ربي يوفقك ان شاء الله

[achraf19]

السلام عليكم والصلاة والسلام على احسن الخلق محمد صلى ىالله عليه وسلم
اختي الفاضلة نصيحتي لك ان تهتمي بدراستك
وتتركي هذه الامور جانبا لان والله صدقيني ما اجمل الفتاة العفيفة الطاهرة المتدينة التى لا تحط من قيمها ومبادئها من اجل الذئاب المفترسة
لا تهتمي لامره وانت ايضا لا تكثري معه الحديث
كما اريد ان اشير انك اخطات في قولك المتدينة هي المعقدة فاظن انها انسان مثلك لها مشاعر ولكنها تستخدم عقلها للتمييز بين الخطا والصواب
فكوني فتاة باتم الكلمة ولا تخوني الله اولا ووالديك ثانيا
وربي يوفقك وادعيلنا

[ala eddine b]

خمي في قرايتك لا حب الا بعد الزواج


سبحان الله

[السلام-عليكم]

لا حول و لا قوة الا بالله
اللهم أعز الاسلام و المسلمين و ارضنا بحلالك عن حرام
أدعو لك يا أختي بالزواج و السعادة و الهناء ان شاء الله
و لكن بالنسبة لقضيتك مع ذلك الفتى فمن الأحسن من تنسيه و مع مرور الوقت سيبدل الله أحوالك و تصبحين تقولين كم كنت غبية و سترين بنفسك .

[صُبح الأندلس]

المشاركة الأصلية كتبت بواسطة مشكلتي

السلام عليكم و رحمة الله و بركاته

اعضاء المنتدى الكرام انا لدي مشكلة اريد ان استشيركم فيها

انا فتاة عمري 17سنة ادرس ثانية ثانوي
انا عندي عقلية نتاع نحكي مع ولد و مانحكيش مع بنت هاد الكلمة كانت تقولهالي اتساذة و مكنتش نفهمها حتى لدرك فهمت واش كانت تقصد لبنات درك ولوال عندهم غي شكل نتاع امراة و من لداخل الله اعلم في بداية السنة الدراسة تعرف على واحد يقرا معايا في القسم و كان يهدر بزااااااااااااف و يضحك و دائما مبتسم و كان يجلس مورايا و يهدر معايا بزاف و يقلبلي راسي لوحد الدرجة انا منقدرش نتحمل بصح من بعد يولي كل شيء عادي نضحكو نورما و كان يقولي لي زعفوا ماتو المهم هو كان يكتب الشعر و انا بصراحة يقتلوني لي يكتبو الشعر من خلال الحديث لي كان يدور بيناتنا عرف بزاف صوالح عليا لي هو يبغيهم يعني مشتركة و في الايام الاخيرة عرفت بلي راه يبغي وحدا و منبعد اكتشفت بلي هي انا بصراحة انصدمت مكنتش متوقعة ابدا و هو في الاصل مكانش باغي يعترف لخطرش قالوله مستحيل تقبل بيك و درك من عرف بلي انا علابالي تخيلو واش دار مراهش يحكي معايا و ميحكيش اصلا دائما ساكت كل الاناس لاحظوا هاد الشيء ودائما يسكت و لا يقول و كيف امرح وبالقلب علل انا بكت في القسم شحال من مرة مقدرتش نشوفه هكدا حزين دائما و وليت نخمم بزاف و نشوف كوابيس حتى مانيش نبغي نرقد انا مانقدرش نعيش نورمال و انا سبب تعاسة شخص .
قلولي واش اندير نبدل القسم و لا الثانوية و لا واش

بصراحة درك راني نقول يارتني جيت وحدة متدينة متشددة يعني كيما يقولوا معقدة باش مانحكي مع حتى شخص لكن للاسف قدر الله و ماشاء فعل

اعزائي ارجوكم ساعدوني و لو بكلمة
جزاكم الله خيرا

عجبا و من قال أن المتدينة معقدة و لا تحكي مع أحد ؟ أهي نظرة الغرب تعيدونها على مسامعنا ؟
بل كان الأفضل أن تقولي ليتني التزمت حدودي و لم أتمادى معه في الحديث حتى لا يحدث ما حدث