أكيـــــــــــد اختي تفضلي
اللي نقدر عليها راني نعاونك فيها
سلاااااااام
معلش اختي انا ايضا لدي سؤال او اثنين
- انا الحمد لله ادرس فالثانية ثانوي و الحمد لله معدلي مرتفع اكني احس دائما انه لدي عجز في اللغة الفرنسية لكن نقاطي فيها جيدة
هـــل هذا شعوور طبيعي ؟
هـــل يجب علي الحفظ عن ظهر قلب اذا اخترت الطب ؟ لأني احب الفهم و اعادة الصياغة باسلوبي الخاص ...
كم يدوم اختصاص طب العيون ؟
ممكـــن نصيحة أخيرة حسب خبرتك اختي
______
شكرا لك كثيرا
بالتوفيق
- انا الحمد لله ادرس فالثانية ثانوي و الحمد لله معدلي مرتفع
الله يبااارك
اكني احس دائما انه لدي عجز في اللغة الفرنسية لكن نقاطي فيها جيدة
ماتقوليش كلمة عجز
الانسان اللي يستعمل كلمة عجز يعني ماراهش حاب يبلغ الهدف تاعو
ممكن اختي تكوني ماتهدريش الفرنسية
يعني النطق برك يخونك وعلى هادي تحسي بال(عجز)
يعني على حساب واش فهمت منك
انتي كي يعطوك الورقة تخدمي فيها بصح
في الكلام شوية صعيبة عليك
اختي حبيت نقولك
يقراوو معانا : سوريين
وفلسطينيين
ووووو
وهادو الجماعة ماقراوش فرنسية في بلدانهم
وجاوو معانا
والاستاد يحكي فرنسية برك
هكداك دارو القلب العام الاول فات عليهم صعيب
والعام الثاني الثالث وزيد توالفو
وضركا راهم الله يبارك
وكاين اللي ماراطوا حتىعام الله يبارك
يعني اي واحد جزائري راه خير منهم في المستوى تاع الفرنسية
التالي في الجزايريين راه خير منهم
وماكاش برك المغتربين اللي مايفهموش الفرنسية
كاين جزايريين دخلوا السنة الاولى
مايعرفوش يكتبو جملة !!!
ومبعد مع الوقت توالفو وراهم مع التوب
مارانيش نقولك ماديريش مجهود
انا اوصيك
اقري جورنال بالفرنسية باش تنمي الvocabulaire تاعك
خاطر واحد يكون فايت صحابو في اللغة خير من اللي يكون عاد يبدا في الجامعة
مازال عندك الوقت اختي
راكي سنة 2 يعني عندك الوقت
وتنجمي تاع الصح تديري الان نقطه انعطاف
ل (ما كنتي تسمينه عجزا)
ربي يوفقك
المهم ديري القلب ,,,,,,,,,, قوي ارادتك
هـــل هذا شعوور طبيعي ؟
عادي والله
وماراكيش وحدك اختي
بصح انتي ان شاء الله ماراحش تقعدي مع الجماعة اللي (ماتحبش الفرنسية)
كونها تحس عجزا فيها
ديري مجهود الآن يخدملك كامل حياتك ان شاء الله
وربي يوفقك
هـــل يجب علي الحفظ عن ظهر قلب اذا اخترت الطب ؟ لأني احب الفهم و اعادة الصياغة باسلوبي الخاص ...
لك ذلك اختي
المهم تكوني متمكنة من اللغة الفرنسية
خاطر اذا كنتي مامتمكناش من اللغة حتى وتكوني فاهمة
ماتقدريش توصلي المعلومة
ملاحظة برك: انا كنت شعبة رياضيات
وكنت نكره الحفظ
صح تحتاجي الحفظ
بصح فهامتك تفيدك خاصة اذا كنتي متمكنة من اللغة
ومازال ماراح الحال على اللغة
تنجمي تبداي حتى ولو من الصفر
كم يدوم اختصاص طب العيون ؟
5سنين نورمالمون
والله اعلم
ممكـــن نصيحة أخيرة حسب خبرتك اختي
______
شكرا لك كثيرا
بالتوفيق
نصيحتي لا تتهاوني في اكتساب اللغة
هادي نصيحة اولية
ومبعد كاين نصائح اخرى ثانوية بعد اللغة
ان شاء الله
بصح ما تراطيش السنة ال2
خاطر التارمينال صعيبة تعاودي تسترجعي اللغة فيها
تكوني لاهيا بالباك برك
اختي ل..ب..ن..ى كفيتي و وفيتي ربي يخليك و يعيشك وربي ربي ينجحك
لكــــني شاب ههههههههههههههههههههههه
عموما لا مشكلة
كثرت عليك مي نزيد سؤال واحد فقط : مارأيك في تلميذ بمعدل 17 فالتارمينال ، أيهم أحسن جراحة اسنان ؟ أم طب عام و بعدها التخصص
+ قالولي ماشي الناس كامل عندهم فرصة في اختيار التخصص ، لازم يكون من الأوائل ؟ صح لكلام هذا ؟
أكيـــــــــــد اختي تفضلي
اللي نقدر عليها راني نعاونك فيها
سلاااااااام
ربي يخليـــــــــكـ أخت لبنى ما شكيتش كاين ناس بزاف كيــفك ...
تقريــبا الاخ طرح معظـم مــا كنت أريـــد أن أستفسـر عنـه...
حـتى أنـــا طــالبة 2ثانية ثانوي...والحمد لله معدلاتي ممتـازة...
مـــا هي مدة تخصص طب الاطفــال؟...الجراحة ؟
اممممم بالنسـبة لمــا بعد الدكتوراه ،أريـــد لمحة عن ذلك ...مدى الصعوبة ...شروط....عدد السنوات ...(الـى أقصى مــا يمكن أن يصـل اليه دارس الطب)
على فكــــرة تــوقيعكـ رآئع!
سلااااااام والى تفكرت أسئلة أخرى راكي هنا نورمالمون هههه
اختي الوسيلة تذكرتك من منتدى السنة الأولى ثانوي ,,,
انا ايضا معدلاتي جيدة لكني دائما احس بالخوف من اللغة الفرنسية
في انتظار الدكتورة لبنى تفهمنا شوي لحالة كي دايرة
السنة الثانية هي السنـــة الوحيـدة التي تدهور فيهــا معدلي في اللغة الفـرنسية قليلا ...لكني عـــاهدت نفسي أن أحسن مستـواي في العطلـة الصيفية باذن الله ...
بالتـــوفيق ...
سلآم
السنة الثانية هي السنـــة الوحيـدة التي تدهور فيهــا معدلي في اللغة الفـرنسية قليلا ...لكني عـــاهدت نفسي أن أحسن مستـواي في العطلـة الصيفية باذن الله ...
بالتـــوفيق ...
سلآم
ان شاء الله لازم نحسنوا المستوى خصوصا الفرنسية ,,,
نحن في انتظار الدكتورة لبني تساعدنا شوي '' هناك مجلدات من الاسئلة و الاستفسارات تنتظرها ههههههه ''
اختي ل..ب..ن..ى كفيتي و وفيتي ربي يخليك و يعيشك وربي ربي ينجحك
لكــــني شاب ههههههههههههههههههههههه
اوووووو اسمحلي ماانتبهتش للاسم
آيام سوري
عنداك آيام آلجيريان ماشي سوري :d:d:d:d
عموما لا مشكلة شكــــــــــــــرا لك
كثرت عليك ماكاش مشكل
انا مادامني مكوناكتيا راني نجاوب
مي نزيد سؤال واحد فقط : مارأيك في تلميذ بمعدل 17 فالتارمينال ، الحاجة اللولة (الله يبـــــــــــــــــــــــارك) وفايف اين آيز اوف الحساد
أيهم أحسن جراحة اسنان ؟ أم طب عام
من المفروض لاجابتك عن هدا السؤال لازم يكونو 2
واحد يقرا طب والآخر يقرا جراحة اسنان
يعني اكيد انا راح نقولك طب
خاطر وكان جراحة اسنان كنت راح نختارها من الاول
بصح هدا رايي الشخصي
ويبقى لكل واحد ميولاتو مثلا عندي صحبتي
قرينا كيف كيف في الابتدائي
وجابت معدل يأهلها باش تدير طب بصح هي اختارت جراحة اسنان
خاطر تحبها
ضركا نقولك علاه انا افضل الطب عن جراحة اسنان
بصح عاود سقسي من جهة اخرى واحد دونتيست
باش يكون عندك حجة اكبر
المهم :
اوّل حاجة (بيناتنا) نخاف من الدونتيست ) وماحبيتش الغاشي يخافو مني منبعد ههه
الطب 7 سنوات
جراحة اسنان (ضركا راهي) 6سنوات ==يعني عام بيناتهم
ثاني حاجة ,,,, الطب عندو بزااااف فروع منبعد تختار اللي تحب باش تتخصص فيها
وزيــد بماانك رجل (( واعتذر على المرة اللولة ههه )) راح تهمّك الخدمة
على عكس الفتاة اللي ممكن تخدم ولا لا هي غير مسؤولة ((ديجا كي نجي نتزوج راح نديرها براجلي
نقولو نخدم في جمعية خيرية باش مايطمعش هههه ويتكل على روحو))
علاه قتلك هكدا ؟؟؟؟
طبيب عندو فرصة النجاح في العمل اكثر من الدونتيست والله اعلم
خاطر الغاشي يروحو عند القديم في جراحة اسنان
((يقولك نروح عند اللي موالف))
والطبيب لا كاين اللي يقولك نروح عند اللي قرا بزاف ولا قرا مليح في الوقت الحاضر
خاطر العلم زاد و((بعض الاطباء)) قعدو بالمعلومات القديمة اللي كانت عندهم
وزيد الطبيب يشد روحو بالخف باش يدي شهرة ((بيانسور اذا كان مليح))
و بعدها التخصص
+ قالولي ماشي الناس كامل عندهم فرصة في اختيار التخصص ، لازم يكون من الأوائل ؟ صح لكلام هذا ؟
شوف نفهمك كاين 7 سنوات
بعدها كاين كونكور ((بالاك تسمع بيه اسمو كونكور تاع ريزيدانا))
من اجل التخصص
هدا الكونكور يفوتو فيه بزاف غاشي ماشي برك اللي عاد كيما جابو السنة ال7 تاعهم يعني ممكن واحد
خسر الكونكور من قبل حب يعاودلو
باش يدير تخصص ولا واحد ماكاش عندو الوقت يفوت في عامو ,,,,
المهم
في هدا الكونكور يفتحو عدد معين من les postes مثلا يقولك
في تلمسان كاين 80 بوست في العاصمة كاين 160 بوست في سطيف كاين 85 بوست
ووووو
انت راك تقرا في العاصمة مثلا ,,,,
لازم في الكونكور تكلاصي بين ال 160 الاوائل
اذا كنت انت ((بعيد الشر)) 161 === يعني خسرت الكونكور حتى وكان يكون عندك معدل فوق ال10
لي بوست هادو ماشي كامل التخصصات متساويين
مثلا يقولك في العاصمة ((بمااننا رفدناها مثال))
يقولك:
كاين 7 طب عيون
10 قلب
16 قاسترو ((المعدة ))
13 جراحة
6 امراض عقلية
وووووو
ضركا يشوفو ترتيب الطلبة
اللي كلاصا الول في الكونكور هو الاول يختار واش يحب
مثلا يختار طب عيون
كاين مرة عدنا واحد هو الاول كلاصا
اختار ,,,, psychologie
وعادة التخصص هدا يقعد حتى للاخير
المهم في النهاية كلش بالمكتوب
واذا ماعجبكش التخصص تاع السنة اللي تفوت فيها ممكن تروح تخدم طبيب عام
وتعاود الكونكور العام الجاي
باش تختار التخصص اللي تحبو
وربي يحفظك ، انت من كنوز المنتدى الرائع
امين ويحفظك انت تاني
ههههه اليوم مانرقدش
انا كنز ؟؟؟
سي بون لمّوني لمّوني هههههه
شكرا لك
اااااااااااااووو دكتورة لبنى و اخيراااااااااا ظهرت ههه
هههه انت هنا ؟؟؟؟
كنت نظل هنا بصح كنت م guerva على الكتبة ههههه
واش راك لاباس؟؟
حقا يا درا واش درت فيها التخصص اللي راك فيه ؟؟؟؟؟؟؟
هاذي غيبة طويلة .... واش لاباس الامتحانات hémato .............. Gastro ......ex
الله لا يغيبك
صافا الحمد لله
ال gastro تفشّل بصح فاتت ههه
ضركا راني في الneuro
وانت واش راك وكيفاش مع ليزيقزامان ؟
ههههه شابة العربية المفرنسة ههههه
و الله كماا قال الاخ انت من كنووز المنتدى ربي يحفظك و ينجحك و نشوفوك cardiologue هههه ان شاء الله
اليوم تاع الصح راح مانرقدش ههههه
والله عادي خويا
رانا هنا واحد يعاون لاخر
انا كي نحتاج نطلب تعاونوني
واذا قدرت نعاونكم ندير اللي عليا
المهم في النهاية كــــــــــــــامل راح نكونو يد وحدة ترفد البلاد
ان شاء الله نكونو يدّ قوية
اه كارديولوغ ههههه وعلاه لا ؟ هههه
ان شاء الله ربي يوفقك خويا
شكرااااااا لك يا لبنى معلوماتك جد قيمة ......لطالما بحثت عنها او ماتنسايناش مرة على مرة طلي كاش مانسقسوك .انا ايضا 2 تانوي ...................سمية راكي مليحة؟؟وين نرروح نلقاك ههههههه !!!
ربي يخليـــــــــكـ أخت لبنى
ويخليك انتي تاني ختيتي ما شكيتش كاين ناس بزاف كيــفك ...
ربي يجفظك مي في كل بلاصة كاين المليح والقبيح
كاين اللي يحب يعاون وكاين اللي مايحبش يكسر راسو
وانا ,,,, انا والقوسطو هههههه
شكرا على المدح
تقريــبا الاخ طرح معظـم مــا كنت أريـــد أن أستفسـر عنـه...
حـتى أنـــا طــالبة 2ثانية ثانوي...والحمد لله معدلاتي ممتـازة...
الله يباااارك
مـــا هي مدة تخصص طب الاطفــال؟...الجراحة ؟
صراحة ماعلاباليش كامل التخصصات
كل واحد وشحال التخصص تاعو
بون الجراحة نورمالمون 5 سنين
طب الاطفال اعتقد تاني 5 سنين
بون التخصص مازالو بعيد ولو انه قريب هههه
وماتبدايش تحسبي == يعني مانجي نكمل شحال يكون في عمري ===
هدا هو السؤال اللي تطرحو =((طالبات الطب)) = ههه
العامات يفوتو بالخف
انا ضركا راني داخلة لل 21 ان شاء الله (( قولولي بونانيفارسار دافونس هههه ))
وراني سنة 4
بون علابالي اللي قدي راهم كملو قرايتهم ههههه
بصح عادي ((بيناتنا مازلت نشوف روحي صغيرة ههههه )) دوك يهرب عليا القطار وانا حاسبة روحي صغيرة
هههههههههه
ماتخميش ختيتي في سنوات الدراسة
كاين اللي يديرو تخصصات وحدخرا ((على سبيل المثال السيد LMD))
يقراوو 3 سنين وماديرلهم والو ,,,يزيدو عامين ماستار ((يرجعو في 5 )) وماديرلهم والو
لازم يزيدو للدكتوراه (( ومنه يجو قاريين كيما واحد تاع الميدسين)) ههههه
شباب الحساب هههه
اممممم بالنسـبة لمــا بعد الدكتوراه ،أريـــد لمحة عن ذلك ...مدى الصعوبة ...شروط....عدد السنوات ...(الـى أقصى مــا يمكن أن يصـل اليه دارس الطب)
بون تقري 7سنين تسماي الدكتورة وسيلة
او الحكيمة ((وصافي بليزير تدي اسم حكيمة)) وسيلة
مبعد تحبي ديري تخصص لك ذلك ماتحبيش تنجمي تحبسي وتقعدي طبيبة
((طب عام))
ممكن تشوفي ردي السابق على الاخ مدونة النجم
راني شرحتلو كيفاش الاختيار يكون
وربي يوفق الجميع ان شاء الله
على فكــــرة تــوقيعكـ رآئع!
الله يسلمك
عينيك اللي شابين شافوه رائع هههه
سلااااااام والى تفكرت أسئلة أخرى راكي هنا نورمالمون هههه
ان شاء الله ختيتي
ومرحبا بيك في كل وقت
حقا راني كنت واضعة موضوع الاعضاء يطرحو فيه تساؤلاتهم
وانا نجاوب على اللي نقدر عليه
)
