كيف اقنع أبي - 2

مشكلتي · 2012-01-07, 12:49

السلام عليكم انا صاحبة هدا الموضوعhttps://www.djelfa.info/vb/showthread.php?t=803613واليوم جئت لاكمل لكم ماساتي بعد ان اعدت فتح الموضوع مع ابي في العطلة لقيت منو الرفض ايضا وهده المرة بشدة لكن لم اياس بعد فتحت الموضوع مع عمي وقالي سوف اساعدك واقنع اباك لكن من يريد خطبتي قالي حاولي انتي وتكلمي مع ابيك وسوف اتي لملاقاته بدون موعد واضعه امام امر الواقع .ادا جئت اليوم لتشيرو عليا ولا عمي يهضر ولا انا نحاول معي ابي مرة اخري ولا هو يجي ليه بدون مقدمات..ارجو الافادة خاصة من الاباء عاونووني تعيشو رايحة نهبل والله لوكان ما جا راجل مليح 100/ ماني شادة فيه ها

blackTears · 2012-01-07, 13:27

أختي بشوي ماتهبلي ماوالو
والله حاسة بيك خاصة إذا كان السيد كيما قلتي
أنا من رأيي خلي عمك يهدر معاه ممكن راجل مع راجل يتفاهمو خير و أن ظني أنه أبوك غظبان منك برك
زيدي صلي و أدعي ربي يسهل .
و كي يهدر عمك مع أبوك و ملقيتيش فائدة أبعثي هذا السيد يهدر مع أبوك ممكن كي يعجبو إن شاء الله يقبل
وفهمي هذا السيد أنه مهما طالت المدة حاولو متخليوش بعظاكم .

المتيقنة بالله سارة · 2012-01-07, 13:55

صج ما يحس بالجمرة غيير لي كوااااات ربي يفرج عليك حالتي لا تختلف عنكي فقط انا بعد شهرين من ما عرفني جا يخطب لكن قوبل بالرفض غير المبرر لحد ساعة كتابة هذه الاسطر وهذا راه عندو عامين وهو يخطب..ربي يفرج عليا وعليك ويفرح قلوبنا وقلب كل مغبونة وطالبة لحلال.

blackTears · 2012-01-07, 14:06

اقتباس:

المشاركة الأصلية كتبت بواسطة مريم-مريم

صج ما يحس بالجمرة غيير لي كوااااات ربي يفرج عليك حالتي لا تختلف عنكي فقط انا بعد شهرين من ما عرفني جا يخطب لكن قوبل بالرفض غير المبرر لحد ساعة كتابة هذه الاسطر وهذا راه عندو عامين وهو يخطب..ربي يفرج عليا وعليك ويفرح قلوبنا وقلب كل مغبونة وطالبة لحلال.

ربي يهنيك ختي

جوهرة الغرب. · 2012-01-07, 14:50

السلام عليكم
لاتفقدي الامل وتمسكي برحمة الله سبحانه وتعالى ..حاولي دائما ولا تترددي ابوك بكل تأكيد يريد لك الخير والهناء ..والامر الذي يجري ربما هو من النوع اللي مايحبش كلمتو اطيح ولهذا سايسيه واتركي لعمك القياد ربما سينجح في اقناعه ....ان شاء الله...وان لم ينجح يمكنك ان تطلبي من الرجل الذي يريد التقدم اليك ان يصطحب معه امام مسجد او شيخ كبير في السن لديه من الحكمة والعقل الكثير ليساعده في اقناعه لربما يخجل منه ولايرده ..انا لدي صديقة تقدم اليها شاب كانت تحبه كثيرا وكان ابو هذا الشاب على خلاف مع والدها والسبب في بيع وشراء قطعة ارض ظهرت انها مغشوشة فلما سمع بالامر والد صديقتي رفض الفكرة واصر على هذا لكن قام الشاب بجلب معه رجال كبار ماشاء الله واقنعوه ...وفي الاخير تزوجت منه وانجبت منه طفل ماراه عندك ان شاء الله ......اذن لاتضطربي ولاتقلقي لكل مشكلة حل وفي الاخير يبقى الزواج قسمة ونصيب ..
ربي يسهل حنونة

djfr · 2012-01-07, 15:17

ربي يكون معك وان شاء الله سيتحقق كل ما تردين
و لكن عليك بالدعاء و صلاة الاستخارة

~~nilly~~ · 2012-01-07, 15:41

خلي عمك يهدر معاه خير واذ مقتنعش باباكي ورافض الاحسن انكي تتركي هذا شاب بالاك هو شر لك
عسى ان تحبوا شيئا وهو شر لكم
متضغطيش بزاف على باباك والا سوف تخسرينه فهل تريدين ان تتمسكي بهذا رجل وتخسرين اباكي؟ الجواب يعود لك

ines la brune · 2012-01-08, 12:42

من رايي خلي عمك يشوف مع باباك وان شاء الله يقنعو وادا مزال مخشن راسو هو يجي ليه مباشرة علي جال نتيا كل يوم قدامو و راه يشوفك وانتي معدبة لوكان جا راح يبدل رايو غير تهضري معاه كان حس بيك وانتيا معدبة

z.abdo · 2012-01-09, 16:57

إن شاء الله ما تخسري هذا الراجل ما تخسري باباك إن شاء الله يقبل باباك انا نظن لازم عمك يتكلم مع أبوك وبعد يجيب هذا الشاب معاه مع عمك وقلو هذا عو اللي حاب يخطب بنتك ولازم يحطوع في امر الواقع وإن شاء الله يكون غير الخير

أم لجيـن · 2012-01-09, 23:43

ربي ييسرلك امورك ويهدي والدك للي فيه الخير والصلاح ليك

بني بلعيد · 2012-01-09, 23:48

لاتتسرعي انتظري قليلا .