نصيحة لي لوجه الله

مشكلتي · 2012-01-06, 17:24

السلام عليكم

صراحة أنا من متتبعن هدا القسم و قد استفدت كثيرا من بعض التجارب و النصائح و انا اليوم الجأ إليكم بهدف الاخد بنصيحتكم

المهم انا بنت عمري 19 سنة ادرس سنة اولى جامعية تعرفت على شاب 25 سنة وطلب خطبتي لكن بشرط ان اتوقف عن دراستي يعني اليوم لي يخطبني فيه نحبس فيه قرايتي بصح انا رفضت و قلتلو مستحيل نحبس القراية حتى ناخد ليسانس تاعي فرد عليا وقالي انا قرايتك و ديبلومك مراح نعمل بيهم والو بارسكو مراحش تخدمي يعني راح نبقى في البيت و قالي مراح يخصك والو لا دراهم و لا تحواس المهم تفاهمنا انو نكمل قرايتي يعني ندي ليسانس بصح منخدمش

بصح راني خايفة الا منخدمش ونبقى في البيت يبقى يتحكم فيا و نولي كيما الخدامة في دارهم و الله هاد الامر مقلقني

و هو قالي انا نحب مرتي ترفدلي والديا و تكون قارية باش تقري ولادها . و تكون قاعدة في الدار.و الله معلابالي الا هو صح ولالا

و المشكلة التانية انو انا الحمد الله بنت متربية و متخلقة ونصلي و طيبة فوق اللازم

و هو جوندارم بصح دايتو الدنيا بزااف يعني عطوني طريقة باش نفهمه بلي هاد الدنيا مكان والو و الصح هو اللي يدوم

وشكرا لكم جميعا

- بصمة خير - · 2012-01-06, 19:45

نصيحتي حبسي معاه
راكي في الحرام

صلوا على الحبيب المصطفى

زهور الياسمين · 2012-01-06, 19:52

يا اختي
كملي قرايتك و نساي الزواج مزالكي صغيرة

اقراي اخدمي حقي احلامك اومبعد تزوجي ما تتقلقيش على روحك

الناس تتزوج في الصيف و تطلق فالشتاء
ناخد العبرة من قريبتي

و نقولك حاجه بعدي على لي جوندارم مجرد راي
استخيري ربك
نتي تعرفي روحك
اتمنى لك الخير الله يوفقك

- بصمة خير - · 2012-01-06, 20:03

فهمت انو مازال باش يجي و يخطبك

يعني يسناك حتى تخلصي قرايتك ->>> قوتلك بطلي معاه راكي فففففي الحرام

و لكن اذا جا ليك الان في هذه الفترة

صلي الاستخارة و ربي يجيب اللي فيه الخير

و اذا يتحكم فيك وا لا لالا هذه تولي لتربية الراجل

صلوا الرسول أفضل الصلاة و السلام

hodayena · 2012-01-06, 20:09

اقتباس:

المشاركة الأصلية كتبت بواسطة زهور الياسمين

يا اختي
كملي قرايتك و نساي الزواج مزالكي صغيرة

اقراي اخدمي حقي احلامك اومبعد تزوجي ما تتقلقيش على روحك

الناس تتزوج في الصيف و تطلق فالشتاء
ناخد العبرة من قريبتي

و نقولك حاجه بعدي على لي جوندارم مجرد راي
استخيري ربك
نتي تعرفي روحك
اتمنى لك الخير الله يوفقك

كلامك جواهر الي يخدمو في السلك الامن لازم واحدة كيما هوما راح يتعبك اختي راكي 19 سنة وصغيرة استخيري الله وشوفي المكتوب وخمي مليح لانو مرات راح ينساو رواحتيهم بلي راهم يتعاملو مع زوجاتهم ماشي مع الناس برا خمي مليح

mina minouna · 2012-01-06, 20:39

بلاكي تسمحي في قرايتك مزالكي صغيرة و كيما قلتي انتي متربية و متخلقة 1000واحد يتمناك كملي قرايتك احسن هذا راي صلي وادعي ربي

!?زين الدين?! · 2012-01-06, 21:02

اقتباس:

المشاركة الأصلية كتبت بواسطة مشكلتي

السلام عليكم

صراحة أنا من متتبعن هدا القسم و قد استفدت كثيرا من بعض التجارب و النصائح و انا اليوم الجأ إليكم بهدف الاخد بنصيحتكم

المهم انا بنت عمري 19 سنة ادرس سنة اولى جامعية تعرفت على شاب 25 سنة وطلب خطبتي لكن بشرط ان اتوقف عن دراستي يعني اليوم لي يخطبني فيه نحبس فيه قرايتي بصح انا رفضت و قلتلو مستحيل نحبس القراية حتى ناخد ليسانس تاعي فرد عليا وقالي انا قرايتك و ديبلومك مراح نعمل بيهم والو بارسكو مراحش تخدمي يعني راح نبقى في البيت و قالي مراح يخصك والو لا دراهم و لا تحواس المهم تفاهمنا انو نكمل قرايتي يعني ندي ليسانس بصح منخدمش

بصح راني خايفة الا منخدمش ونبقى في البيت يبقى يتحكم فيا و نولي كيما الخدامة في دارهم و الله هاد الامر مقلقني

و هو قالي انا نحب مرتي ترفدلي والديا و تكون قارية باش تقري ولادها . و تكون قاعدة في الدار.و الله معلابالي الا هو صح ولالا

و المشكلة التانية انو انا الحمد الله بنت متربية و متخلقة ونصلي و طيبة فوق اللازم

و هو جوندارم بصح دايتو الدنيا بزااف يعني عطوني طريقة باش نفهمه بلي هاد الدنيا مكان والو و الصح هو اللي يدوم

وشكرا لكم جميعا

السلام عليكم اختي الكريمة مديريش على الهدرة لكان هاد الانسان نيتو صادقة ويريد الزواج فاحسن لك تتزوجي ومتخميش في العمل ومدريش على لي يقولك راكي عاد صغيرة ولا الخدمة خير لك لان السبب في كثرة العنوسة هدا التفكير السلبي الدي لا فائدة منه اختى عليك بالزواج ولا تسمعي لكلام بعض البنات المتحررات اللاتي لا يفكرن في الزواج بل فقط في العمل وشراء السيارة وكي يفوتهم القطار يقولو يا ندايمي لعلمك انا اراهم امامي كل يوم في العمل والله شيء محزن

الزواج حياة للمراة وتتمة الرجل

الزواج سترة للمرأة

العمل لن يصنع لك بيتا و لن يكون لك أسرة و لن يؤنسك عند الكبر و لن يمسح لك دمعة و لن يشاركك فرحة و اللهم استر بنات المسلمين و ارزقهن بالزوج الصالح الذى يعف و يحب و يؤنس و يبنيا معا بيتا مسلما متراحما و ينتجون جيلا من الأبناء صالحا ليقود و يجمع كلمة المسلمين

!?زين الدين?! · 2012-01-06, 21:12

يا بنات الجزائر 19 سنة مهيش صغيرة ليكن في علمكن يا بنات المستقبل ان سن العنوسة انخفض واصبح 25 سنة يعني ان الفتاة لي عندها 25 سنة راها بقيتلها محطة اخيرة ويروح القطار يا بنات الجزائر فهمو ان شاب في عمره 35 سنة سيتزوج فتاة تحت 25 سنة وليس فتاة عندها فوق 25 سنة يرحم باباكم متقولوش عاد صغيرة لان 19 سنة راهم عندهم طفل

عُضو مُحترم · 2012-01-06, 21:12

اقتباس:

المشاركة الأصلية كتبت بواسطة نجمة ساطعة

كيما لقات اللي يشوف فيها و هي ف 19 راح تلقى خير منو في 30

مجرد رأي

ممكن

و كلامي ايضا مُجرّد رأي

!?زين الدين?! · 2012-01-06, 21:18

اقتباس:

المشاركة الأصلية كتبت بواسطة نجمة ساطعة

كيما لقات اللي يشوف فيها و هي ف 19 راح تلقى خير منو في 30

مجرد رأي

نعم اختي هاد الشي مكتوب لكن المحير انكم تقولون انها مازلت صغيرة وزد على دلك خاصكم mise a jour تاع العنوسة فالجزائر لا تعلمون اخر الاحصائيات عن العنوسة في الجزائر شيء مخيف بل مررررررررررررعب

1954مريم · 2012-01-06, 21:26

اقتباس:

المشاركة الأصلية كتبت بواسطة !?زين الدين?!

يا بنات الجزائر 19 سنة مهيش صغيرة ليكن في علمكن يا بنات المستقبل ان سن العنوسة انخفض واصبح 25 سنة يعني ان الفتاة لي عندها 25 سنة راها بقيتلها محطة اخيرة ويروح القطار يا بنات الجزائر فهمو ان شاب في عمره 35 سنة سيتزوج فتاة تحت 25 سنة وليس فتاة عندها فوق 25 سنة يرحم باباكم متقولوش عاد صغيرة لان 19 سنة راهم عندهم طفل

السلام عليكم متى اخي نزل سن العنوسة انا نعرف ان سن الطفولة مددوه الى سن 18 سنة

يعني حسب القانون الجزائري نظن حتى العقد ما يعقدولهاش الا برخصة ؟ والمرور على المحكمة .بالمسبة للمحطات مظن سائق المحطة بصير وليس اعمى ولوكان الرزق بالقوة ما اكل الطير مع النسر .

مليح ان يتزوج الانسان ويستقر هذه سنة الحياة وحلم اي انسان لكن ان نجعل الزواج بمجرد وسيلة لتكاثر والحصول على لقب متزوج فاضن ليس هدف ومطلب سامي .
اذا كنتم تشوفوا في زواج هذا السن ناجح زر المحاكم وتعرف على المشاكل ؟
تحكي لي محامية صديقة : رجل جاء يعقد على بنت قبل السن القانوني وتم العقد برخصة ووو بعد اقل من سنة طلقها اعلاه قالهم ما هي فاهمتني ماراني فاهمها قالت لي قلت له كيفاه حابوحدة مازال مخها مع توم وجيري ترفد ليك الدار ؟ والكثير منهم . المهم اخواني الزواج ليس محدد بسن الانسان بل يشخصية الانسان يمكن يكون سنه صغير وعقله ربي يبارك وذلك يعود لتربية والبيئة لكن البيئة الحالية للمجتمع الجزائري ارها من انصار سن الطفولة 18 سنة لان ييذببساطة مجامعنا ليس مؤهل لتحمل المسؤلية والله اعلم .
وزيد الكل يقول الزواح حصانة ما سبب الخيانات لكل الطرفين ؟

- بصمة خير - · 2012-01-06, 21:38

اقتباس:

المشاركة الأصلية كتبت بواسطة !?زين الدين?!

يا بنات الجزائر 19 سنة مهيش صغيرة ليكن في علمكن يا بنات المستقبل ان سن العنوسة انخفض واصبح 25 سنة يعني ان الفتاة لي عندها 25 سنة راها بقيتلها محطة اخيرة ويروح القطار يا بنات الجزائر فهمو ان شاب في عمره 35 سنة سيتزوج فتاة تحت 25 سنة وليس فتاة عندها فوق 25 سنة يرحم باباكم متقولوش عاد صغيرة لان 19 سنة راهم عندهم طفل

و علاه كلمة عانس ؟؟؟

و راك تقول روحي تتزوجو ؟ اللي يجي أقبلوا بيه ؟؟؟

اللي بالاحمر راني ضدك فيها و ماهيش صحيحة خلاصصصصصصصصصصصص

صلوا على الحبيب المصطفى

وديع 09 · 2012-01-06, 21:45

في الحقيقة اختاه الامر صعب يبدولي

من يحب فتاة اتصور لا يجبرها على ترك الدراسة
اليس الافضل ان يتزوج ان كان مستعجل و تتم دراستها و هي عنده
بدل من ان يحرمها من الدراسة

الدراسة ليست شهادة و خدمة و سيارة كما يقال
بل هي غير ذالك
لم تمنعها من العلم ؟
فكري في الامر مليا؟؟؟؟؟؟؟
نخشى ان نصل لم لا نريد ؟
لعل الله يرسل لك من هو افضل منه ؟
ان لم يقتنع
استخيري الله و الخير فيم اختار الله

!?زين الدين?! · 2012-01-06, 21:46

اقتباس:

المشاركة الأصلية كتبت بواسطة 1954مريم

السلام عليكم متى اخي نزل سن العنوسة انا نعرف ان سن الطفولة مددوه الى سن 18 سنة

يعني حسب القانون الجزائري نظن حتى العقد ما يعقدولهاش الا برخصة ؟ والمرور على المحكمة .بالمسبة للمحطات مظن سائق المحطة بصير وليس اعمى ولوكان الرزق بالقوة ما اكل الطير مع النسر .

مليح ان يتزوج الانسان ويستقر هذه سنة الحياة وحلم اي انسان لكن ان نجعل الزواج بمجرد وسيلة لتكاثر والحصول على لقب متزوج فاضن ليس هدف ومطلب سامي .
اذا كنتم تشوفوا في زواج هذا السن ناجح زر المحاكم وتعرف على المشاكل ؟
تحكي لي محامية صديقة : رجل جاء يعقد على بنت قبل السن القانوني وتم العقد برخصة ووو بعد اقل من سنة طلقها اعلاه قالهم ما هي فاهمتني ماراني فاهمها قالت لي قلت له كيفاه حابوحدة مازال مخها مع توم وجيري ترفد ليك الدار ؟ والكثير منهم . المهم اخواني الزواج ليس محدد بسن الانسان بل يشخصية الانسان يمكن يكون سنه صغير وعقله ربي يبارك وذلك يعود لتربية والبيئة لكن البيئة الحالية للمجتمع الجزائري ارها من انصار سن الطفولة 18 سنة لان ييذببساطة مجامعنا ليس مؤهل لتحمل المسؤلية والله اعلم .
وزيد الكل يقول الزواح حصانة ما سبب الخيانات لكل الطرفين ؟

ههههه أختي الواضح انك انت كدلك خاصك mise a jour لم تفهمي كلامي ما دخل سن الطفولة وسن العنوسة نهدرك بلغة الطريق باش تفهمي الراجل يبغي يتزوج الصغيرة وصغيرة فالتقاليد تاعناا تحت 25 سنة اما 25 سنة فما فوق فتعتبر عانس كيما يقولو شارفة اختي وعلى ما اعتقد 19 سنة متتزوج فالمحكمة فقط 17 سنة و18 سنة لي تتزوج عند القاضي لكن للاسف هكدا اصبح حالكن يا بنات الجزائر تفكرن دائما بسلبية ولا تقبلن حتى النقاش

- بصمة خير - · 2012-01-06, 21:55

اقتباس:

المشاركة الأصلية كتبت بواسطة !?زين الدين?!

ههههه أختي الواضح انك انت كدلك خاصك mise a jour لم تفهمي كلامي ما دخل سن الطفولة وسن العنوسة نهدرك بلغة الطريق باش تفهمي الراجل يبغي يتزوج الصغيرة وصغيرة فالتقاليد تاعناا تحت 25 سنة اما 25 سنة فما فوق فتعتبر عانس كيما يقولو شارفة اختي وعلى ما اعتقد 19 سنة متتزوج فالمحكمة فقط 17 سنة و18 سنة لي تتزوج عند القاضي لكن للاسف هكدا اصبح حالكن يا بنات الجزائر تفكرن دائما بسلبية ولا تقبلن حتى النقاش

مازلت تقول عانس و شارفة تاني ؟؟

على اي اساس هذه الهدرة يعني ؟

و حتى انت لازمك Mise a jour

صلوا على الحبيب المصطفى