حابا الرجال يفهمونى في موقف مهم

[عاشقة الوفاء]

المشاركة الأصلية كتبت بواسطة sidahmed2003

السلام عليكم يا جماعة الخير المراة مخطوبة وعاقدة وباين بلي الجيران العائلة كامل على بالهم وربما هذا السيد خرج معاها وشرالها والا تغدى معاها واكيد الناس كامل شافوها كي تبطل تحسبو ساهل الحال رانا مجتمع جزائري ونعرفو بعضانا قادر هذا السيد ومن خلال روح الانتقام لي راه يحكي عليها يولي يكذب ويحكي عليها حكيات شكون رايح يتزوج بيها هذا من جهة ومن جهة اخرى واحد كي يتزوج راه يتسقم والتفكير تاعو يتبدل بزاف بالاك كي تروح عندو للدار يسقم نعرف بزاف حالات اكثر من هذا كانو يباتو اكرمكم الله في المخامر وكي تزوجو رجعو لله ورجعو رجال ونص خلي الامور تمشي للخير واستعيني بالله راكي باينة عاقلة وقادرة تسقميه

واخيرا صبت ردك طلعلى مورال
انا تانى خممت هاك يما ناس فاسدين بصح بعد الزواج تسقمو
انا قبل مانقبل صليت وربي سهلنا كلش يعنى تفتحو قع البيبان عكس لول
على هديك كل مايصرالى مشكل نستخير ونتفائل بالخير

[- بصمة خير -]

المشاركة الأصلية كتبت بواسطة عاشقة الوفاء

واخيرا صبت ردك طلعلى مورال
انا تانى خممت هاك يما ناس فاسدين بصح بعد الزواج تسقمو
انا قبل مانقبل صليت وربي سهلنا كلش يعنى تفتحو قع البيبان عكس لول
على هديك كل مايصرالى مشكل نستخير ونتفائل بالخير

و بزاف كانو ملاح و بعد الزواج فسدو هذه الهدرة نعرفوها

راكي حاية تسمعي الرد الي يعجبك انت

راكي حاية ديري مخاطرة و تكملي هذه لازمها ددددعاء في اخير الليل ككككككككتير و الاستخارة داومي عليها


ربي يوفق و ان شاء الله يتصلح حالو

صلو عليه

[عاشقة الوفاء]

ادعولى ربي يسهل دربي
ويهديه ويهدي جميع المومنين

[عاشقة الوفاء]

[

و نتمانلك من قلبي ربي يهديه و يكمللكم و يبطل من الطفلة هذه و كي هذا النهار تكتبينا هنا و تقوليلنا رانا حددنا نهار العرس و تكونو حلييييتو جميع المشاكل و تكوني مقتنعة هذا هو الراجل اللي نعيش معاه حياتي


ربي يوفق و صلو عليه[/quote]

انا قلت بلى حبس منها ورجعت الامور عادية بيناتنا بصح انا بقيت موسوسة هدا لحكيت عليها انا هي اصلا هدى الطفلة بعد كشف الامور بهدلاتو وفضحاتو عند كامل دارهم هنا دخلت يماه فالموضوع وعالجت الامر
العرس في ماي ان شاء الله درك المشاكل مكاش اصلا انا من قبل مكنتش ندير المشاكل بالعكس حاولو تفهمو حكايتى ونيتى انا كى نصبر على الاقل نربح اجر حاولت نصلحو من الاسوء للاحسن صدقونى درك عدت نوضو صباح على الفجر باش يصلى معايا حبيت نبدلو حياتو وبديت ننجح بصح بقى مشكل الشك عندى بلما رانى مبينتلو

[- بصمة خير -]

المشاركة الأصلية كتبت بواسطة عاشقة الوفاء

[

و نتمانلك من قلبي ربي يهديه و يكمللكم و يبطل من الطفلة هذه و كي هذا النهار تكتبينا هنا و تقوليلنا رانا حددنا نهار العرس و تكونو حلييييتو جميع المشاكل و تكوني مقتنعة هذا هو الراجل اللي نعيش معاه حياتي


ربي يوفق و صلو عليه

انا قلت بلى حبس منها ورجعت الامور عادية بيناتنا بصح انا بقيت موسوسة هدا لحكيت عليها انا هي اصلا هدى الطفلة بعد كشف الامور بهدلاتو وفضحاتو عند كامل دارهم هنا دخلت يماه فالموضوع وعالجت الامر
العرس في ماي ان شاء الله درك المشاكل مكاش اصلا انا من قبل مكنتش ندير المشاكل بالعكس حاولو تفهمو حكايتى ونيتى انا كى نصبر على الاقل نربح اجر حاولت نصلحو من الاسوء للاحسن صدقونى درك عدت نوضو صباح على الفجر باش يصلى معايا حبيت نبدلو حياتو وبديت ننجح بصح بقى مشكل الشك عندى بلما رانى مبينتلو[/QUOTE]

Ok

كيفاه تنحي الشك ؟؟

هنا لازم انت تقنعي نفسك راكي رايحة تمديلو فرصة تانية و انساي واش صرا مع الطفلة هديك خلاصصصصصص
تتفكريها استغفري و قولي بعد قصة الطفلة هديك ماصرا والو ماسنعتي عليه والو يايك ؟؟ قولي لروحك لاه نشك فيه ؟؟ اذا تاب صح

و مع الوقت تولي الثقة 100% معاه

مديلو فرصة تانية و الحاجة اللي يقولهالك صدقيه ماتشكيش في الهدرة تاعو خلاص و اذا كان كذاب بعيد الشر راهو يبان مع الوقث

و قوليلي اذا نجحت الوصفة و الا لالا ؟؟

ماعلبيش حددتو العرس ربي يتتمم على خيييير و يحفظكم لبعطاكم و تعرسو عرس بلا مشاكل

ربي يوفق و صلو عليه

[عبد النور 1980]

السلام عليكم و رحمة الله
أختي فهمينا هاك من قبيل فقط ما تعاوديش الغلطة و ترضاي و بالفساد قدام عينيك راهو يوالف
المهم الله يصلح أموركم و يجمع بيناتكم في الخير و كوني فحلة و عاقلة و ادعي الله ييسرلك أمورك
ســـــــــــــــــــــلام

[فتـ حييةـاة]

اختي انتي حابة الرجال يفهموك في الموقف وانا امراة ماعليا غير نقولك ربي يفرحك ويسهلك ان شاء الله

[عُضو مُحترم]

كل راجل و طريقة تفكيره وتربيته

انا لو اجد من تقبلني زوجا لها

ابذل لها عمري ووقتي و مالي لاسعادها

و لا افكر في التفكير في غيرها

[sarl02]

احييك اختي صاحبة الموضوع على عزيمتك واصرارك نحو اصلاح عادات خطيبك نحو الافضل والاحسن وان شاء الله سيحدث ذلك وتاكدي ان هذه تضحية لن ينساها لك زوجك مستقبلا .......اما بالنسبة لجل الردود فقد بينت محدودية تفكير اصحابها ونظرتهم الضيقة ...لذا اقول لكم حتى وان كان خطيب هذه البنت غير سوي 100/100 فهي اقرت بذلك وهي عازمة على الوقوف معه واصلاحه نحو الافضل فما العيب في ذلك واين المشكل ...فهناك من الرجال من تزوجها من الشارع وارجعها بفضل الله الى الطريق السوي عادي جدا لذا كفاكم ردودا متشابهة ومجترة ومهدمة للعزيمة والارادة واتركو البنت تفعل ما تنوي فعله لان ذلك فعلا ينم على نظرتها المستقبلية الواسعة وافقها العريض ...واقول لك بالتوفيق ان شاء الله اختي الكريمة.

[sidahmed2003]

المشاركة الأصلية كتبت بواسطة sarl02

احييك اختي صاحبة الموضوع على عزيمتك واصرارك نحو اصلاح عادات خطيبك نحو الافضل والاحسن وان شاء الله سيحدث ذلك وتاكدي ان هذه تضحية لن ينساها لك زوجك مستقبلا .......اما بالنسبة لجل الردود فقد بينت محدودية تفكير اصحابها ونظرتهم الضيقة ...لذا اقول لكم حتى وان كان خطيب هذه البنت غير سوي 100/100 فهي اقرت بذلك وهي عازمة على الوقوف معه واصلاحه نحو الافضل فما العيب في ذلك واين المشكل ...فهناك من الرجال من تزوجها من الشارع وارجعها بفضل الله الى الطريق السوي عادي جدا لذا كفاكم ردودا متشابهة ومجترة ومهدمة للعزيمة والارادة واتركو البنت تفعل ما تنوي فعله لان ذلك فعلا ينم على نظرتها المستقبلية الواسعة وافقها العريض ...واقول لك بالتوفيق ان شاء الله اختي الكريمة.

بارك الله فيك يا اخي هذا الامور رانا عشناها وشفنا ناس بزاف تسقمو كي تزوجو انا راني نحكي من باب التجربة الراجل قبل الزواج يكون غير محصن وغير متزن وعندو ميول كبير للنساء ولا يحول بينه وبين المعصية الا خشية الله بمعنى راه يعيش مقاومة كبيرة وجهاد كبير مع نفسو ولكن عندما يتزوج ماشي يخطب اقول يتزوج راه يعيش استقرار نفسي كبير والتفكير في النساء يحول محله التفكير في مستقبله ومستقبل اولاده ونزيد نفهمكم مليح اذا كان بكري يحب يشوف البنات يولي يحب يشوف السكاني السيارات التجارة العمل مصدر الرزق الى اخره ونقوللكم والله الراجل كي يتزوج يولي يتعجب ويضحك على امور كان يديرهم قبل الزواج المهم العقلية تتبدل بدرجة كبيرة وعلاه نسبقو الاحداث خلي طريق ربي والنبي يمشي خلي يتزوجو والا حبيتوها تبطل باش هي تبقى في مشكل مع مواليها وهو يزيد يرجع لهذيك الفتاة ويزيد في المعاصي تاعو لا تقنطو من رحمة الله واخيرا الاخت والله غير نصحتك كي اختي وانا راني متزوج وشايف ومجرب معنى الزواج وربي يكملك ان شاء الله نسمعو بعرسك

[dotZero]

ما عنديش راي و الله أعلم كيفه راه يخمم
لكن هناك شريحة كبيرة من الشباب يفكرون بنفس الطريقة
و الله راسي يحبس فيهم منين يجيب هذي الجرأة في التمسخير و ضيعة الوقت و الدراهم

[سجل أنا جزائري]

المشاركة الأصلية كتبت بواسطة sidahmed2003

بارك الله فيك يا اخي هذا الامور رانا عشناها وشفنا ناس بزاف تسقمو كي تزوجو انا راني نحكي من باب التجربة الراجل قبل الزواج يكون غير محصن وغير متزن وعندو ميول كبير للنساء ولا يحول بينه وبين المعصية الا خشية الله بمعنى راه يعيش مقاومة كبيرة وجهاد كبير مع نفسو ولكن عندما يتزوج ماشي يخطب اقول يتزوج راه يعيش استقرار نفسي كبير والتفكير في النساء يحول محله التفكير في مستقبله ومستقبل اولاده ونزيد نفهمكم مليح اذا كان بكري يحب يشوف البنات يولي يحب يشوف السكاني السيارات التجارة العمل مصدر الرزق الى اخره ونقوللكم والله الراجل كي يتزوج يولي يتعجب ويضحك على امور كان يديرهم قبل الزواج المهم العقلية تتبدل بدرجة كبيرة وعلاه نسبقو الاحداث خلي طريق ربي والنبي يمشي خلي يتزوجو والا حبيتوها تبطل باش هي تبقى في مشكل مع مواليها وهو يزيد يرجع لهذيك الفتاة ويزيد في المعاصي تاعو لا تقنطو من رحمة الله واخيرا الاخت والله غير نصحتك كي اختي وانا راني متزوج وشايف ومجرب معنى الزواج وربي يكملك ان شاء الله نسمعو بعرسك

بعد ما قرأت ردودك غيرت رأيي

أنا مع الأخ في رده و ربي يعاونك ان شاء الله باش ترجعيه لطريق الصحيح

و ربي راح يجازيك على نيتك ان شاء الله

[ياربي اني راضية]

اختي العزيزة الغلطة نتاعك انك سكتي ودرتي روحك معلبالك بوالوا اماينة عليك
اوكان من قبل حطيت النقاط على الحروف
ودرك علاش راكي موسوسة الطفلة راحت ومكانش منها يرجعلها بعد مافضحاتوا انسايها
راكي عاقدة ومرتوا ومنطقتك محافظة وكلمة تخرج ادروها حكاية
قلتي درت هاك باه تحافظي عليه وباين بلا تحبيه وهو راه استعرف بغلطتوا نحي الوسواس من راسك
وانت علبالي بلا ماطرحتيش مشكلتك باه يقولولك حبسي من درك خير انت كي شوفتي الطفله ماهيش زينة حابة تعرفي علاه دار هكا
الراجل كي يدخلوا الشيطان ميعرف لازينة لا قبيحة غلطة وفاتت
ومن الاحسن متزيديش تفتحيلوا الموضوع وحاسبيه على كل غلطة اديرها باه ميعرفكش سايبة وربي اهنيك

[الفارس الجدَّاوي]

السلام عليكم:
قبل الزواج لا يمكن إطلاق كلمة خيانة، كما أنك قد نكونين بالنسبة لها أيضا خيانة، و لن أتوقف على مسألة حديثك معه منتصف الليل أو ما شابه ذلك أو على وصفك لها بأنها لا تشبه شيئا، المهم هو أن ك إن كنت راغبة يه فتزوجيه و احميه منها و من غيرها، و ليكن شعارك في هذا قولي:
مهما يكن من أمور لست أعرفها = فلن أبالي بماذا كنت لا أدري
لأن ما كان قبلي كله عدم = و إن قيمته عندي كما الصفر.
و الله الموفق.

[عاشقة الوفاء]

شكرا لتفهمكم واخيرا صبت ردورد تشجع
زعما انا مخممتش في شيء لقلتوه بالعكس خممت 10000000 خطرة وخممت نحبس
بصح شفت ربي سبحانه غفور رحيم كيفاش انا نكون عكس بالعكس لازم نعطيه فرصة على الاقل نربح اجر في اصلاحه مع المدة نردلكم باخباري ونبينلكم انى انسانة صارمة ومتاكدة وشرانى ندير نرجعو من معصية للمغفرة وليام تبين صحت كلامى انا قصدى من الموضوع علاش تصير الخيانة واسبابها